ນາຍົກລັດຖະມນຕີ ຮັງກາຣີ ທ່ານ Victor Orban ໄດ້ຮຽກຮ້ອງ
ໃຫ້ ຢູໂຣບ ອະນຸມັດການຊ່ວຍເຫລືອຂະໜາດໃຫຍ່ ແກ່ບັນດາ
ປະເທດເພື່ອນບ້ານຊີເຣຍ ເພື່ອຫລຸດຜ່ອນການຫລັ່ງໄຫລຂອງ
ອົບພະຍົບ ເຂົ້າໄປສູ່ສະຫະພາບຢູໂຣບ.
ທ່ານ Orban ກ່າວໃນວັນສຸກວານນີ້ຕໍ່ໜັງສືພິມ Bild ຂອງເຢຍ
ຣະມັນ ເພື່ອປ້ອງກັນການລັງເລໃຈຂອງທ່ານ ທີ່ຈະຮັບເອົາອົບ
ພະຍົບເພີ້ມຕື່ມ ເຂົ້າໄປໃນສະຫະພາບຢູໂຣບ ໂດຍຜ່ານທາງ
ຮັງກາຣີ ທີ່ມີອົບພະຍົບຢ່າງຫລວງຫລາຍ ຫວັງຈະເດີນທາງໄປ
ສູ່ຢູໂຣບຕາເວັນຕົກນັ້ນ.
ຜູ້ນຳຂອງຮັງກາຣີ ກ່າວວ່າ ອົບພະຍົບຊີເຣຍ ໄດ້ມີບ່ອນຢູ່ອາໄສທີ່ປອດໄພຢູ່ແລ້ວ ຕາມ
ສູນອົບພະຍົບຕ່າງໆອ້ອມແອ້ມຊີເຣຍ ແລະກ່າວວ່າ ບັນດາຜູ້ທີ່ເຂົ້າໄປໃນຢູໂຣບ ຄວາມ
ຈິງແລ້ວບໍ່ໄດ້ຊອກຫາບ່ອນປອດໄພແຕ່ເພື່ອຊອກຫາມາດ ຕະຖານເປັນຢູ່ທີ່ດີຂື້ນ. ທ່ານ
ກ່າວວ່າ ແຕ່ລະປະເທດ ໃນສະຫະພາບຢູໂຣບຄວນປະກອບສ່ວນເພີ້ມຕື່ມນຶ່ງເປີເຊັນ ເຂົ້າ
ໃນງົບປະມານ ຂອງສະຫະພາບຢູໂຣບ ທີ່ໄດ້ມາຈາກການຕັດການໃຊ້ຈ່າຍອື່ນໆ ເພື່ອ
ຈັດຕັ້ງກອງທຶນການຊ່ວຍ ເຫລືອ 3 ພັນ 400 ລ້ານໂດລາ ໃຫ້ແກ່ບັນດາປະເທດເພື່ອນ
ບ້ານຊີເຣຍ ຄື ເທິກີ ເລບານອນ ແລະຈໍແດນ.
ໃນການໃຫ້ສຳພາດແກ່ໜັງສືພິມລາຍສັບປະດາ Der Spiegel ຂອງເຢຍຣະ ມັນນັ້ນ
ນາຍົກລັດຖະມົນຕີອອສເຕຣຍ ທ່ານ Werner Faymann ໄດ້ສະ ເໜີຂໍ້ໂຕ້ແຍ້ງ ໂດຍ
ເວົ້າວ່າ ທ່ານ Orban ໄດ້ດໍາເນີນການແບບຂາດຄວາມຮັບຜິດຊອບ ເວລາທ່ານກ່າວ
ວ່າ ພວກອົບພະຍົບທັງໝົດເປັນອົບພະຍົບເສດຖະກິດ. ທ່ານກ່າວວ່າ ອອສເຕຣຍ ເຢຍຣະມັນ ແລະສະວີເດັນ ຊຶ່ງເປັນປະ ເທດທີ່ອ້າແຂນຮັບເອົາອົບພະຍົບສ່ວນໃຫຍ່ນັ້ນ ຮັບຮູ້ວ່າ ພວກອົບພະຍົບເຫຼົ່ານີ້ ແມ່ນອົບພະຍົບສົງຄາມ ແລະມີສິດທີ່ຈະຂໍລີ້ໄພໄດ້.
