ລິ້ງ ສຳຫລັບເຂົ້າຫາ

ຢູໂຣບຮຽກຮ້ອງໃຫ້ ເອົາມາດຕະການເຂັ້ມງວດຂຶ້ນ ກ່ຽວກັບຄຸນນະພາບນໍ້າ (ເບິ່ງວີດີໂອ)

  • ໄພສານ ວໍຣະຈັກ

ປະຊາຊົນເປັນຫ່ວງກ່ຽວກັບຄຸນນະພາບນໍ້າ ໃນສະຫະພາບຢູໂຣບ

ການ​ສຳ​ຫຼວດຫາງ​ສຽງ​ປະຊາຊົນ​ຄັ້ງ​ໃໝ່ສະ​ແດງ​ໃຫ້​ເຫັນ​ວ່າ ປະຊາຊົນໃນ​ຢູໂຣບພວມ​ຮຽກ
ຮ້ອງ​ໃຫ້​ສະຫະພາບ​ຢູ​ໂຣບ​ເອົາ​ມາດ​ຕະການ​ທີ່​ເຂັ້ມ​ງວດ​ກວ່າ​ເກົ່າ​ເພື່ອປັບປຸງ​ຄຸນ​ນະພາ​ບນໍ້າ
ໃນ​ບັນດາ​ປະ​ເທດ​ສະມາຊິກ 27 ປະ​ເທດ. ​ເກືອບ 70% ຂອງ​ປະຊາຊົນຈຳນວນ 2,500
ຄົນທີ່​ຖືກ​ສຳ​ຫຼວດ ​ໃນ​ເດືອນ​ນີ້ກ່າວ​ວ່າ ບັນຫາ​ທີ່​ກ່ຽວ​ພັນ​ກັບ​ນໍ້າ​ ແມ່ນ​ມີຄວາມ​ຮ້າຍ​ແຮງ​ຢູ່
ໃນ​ຢູໂຣບ.

ພວກ​ທີ່​ຕອບ​ຄຳ​ຖາມ​ສ່ວນ​ໃຫຍ່​ ກ່າວ​ວ່າ ຄວາມ​ເປື້ອນ​ເປິະຈາກ​ສານ​ພິດ​ເຄ​ມີ​ເປັນ​ໄພ​ຂົ່ມຂູ່
ໃຫຍ່ທີ່​ສຸດ​ ຕໍ່​ແຫຼ່ງຊັບພະຍາກອນ​ນໍ້າ. ​ພວກເຂົາ​ເຈົ້າ​ເວົ້າວ່າ ສະຫະພາບຢູ​ໂຣບຄວນ​ຈະ​ພິ
ຈາລະນາ ​ເພື່ອ​ປັບ​ໄໝ​ໜັກ​ຂຶ້ນຕໍ່​ພວກ​ທີ່​ສ້າງ​ຄວາມ​ເປື້ອນ​ເປິ​ະຕ່າງໆ

ຄະນະ​ກຳມາ​ທິການ​ຢູ​ໂຣບທ່ານ Janez Potocnik ​ໄດ້​ກ່າວ​ປ້ອງ​ກັນ ​ຄວາມ​ກ້າວໜ້າ​ໃນ​
ການປັບປຸງ​ຄຸນ​ນະພາ​ບນໍ້າ ​ໂດຍ​ເວົ້າວ່າ ນໍ້າ​ດື່ມ​ແລະ​ນໍ້າ​ໃຊ້​ໃນ​ທຸກ​ມື້ນີ້ ​ແມ່ນ​ດີ​ຂຶ້ນກວ່າ​ແຕ່​
ກ່ອນຫຼາຍ ​ແລະມີ​ຫົວ​ເມືອງ​ນ້ອຍ​ໃຫຍ່​ຫຼາຍຂຶ້ນ​ມີສະຖານ​ທີ່​ບຳບັດ​ນໍ້າ​ເສຍທີ່​ເໝາະ​ສົມ.

ທ່ານ Potocnik ຍັງ​ໄດ້​ກ່າວ​ອ້າງ​ເຖິງ​ການ​ກັບ​ຄືນ​ໄປ​ມີໜ້າ​ຂອງ​ປາ​ຊາລມອນ​ຢູ່ໃນ​ແມ່​ນໍ້າ
ຫຼາຍສາຍ​ຂອງ​ຢູ​ໂຣບນັ້ນວ່າ ​ເປັນ​ຮ່ອງຮອຍ​ຂອງ​ຄຸນ​ນະພາ​ບນໍ້າ​ທີ່​ດີຂຶ້ນ.

ການ​ສຳ​ຫຼວດທີ່​ວ່າ​ນີ້​ເວົ້າວ່າການ​ຢັ່ງ​ຄວາ​ມ​ເຫັນ​ຂອງ​ປະຊາຊົນ​ແມ່ນ​ເພື່ອ​ຄໍ້າປະກັນ​ສະຖຽນ
ລະ​ພາບ​ກ່ຽວ​ກັບ​ຄຸນ​ນະພາ​ບນໍ້າ​ຄວນ​ຈະ​ໄດ້​ຮັບ​ການຈັດຕັ້ງປະຕິບັດ ​ໂດຍ​ຫັນ​ຄວາມ​ສົນ​ໃຈ​
ເປັນ​ພິ​ເສດ​ໃສ່​ຜົນ​ກະທົບ​ຈາກ​ອຸສາ​ຫະກຳ ການ​ກະສິກຳ ການ​ນຳ​ໃຊ້​ນໍ້າ​ເກີນ​ຂອບ​ເຂດ ຕະ
ຫຼອດທັງ​ໄພ​ແຫ້ງ​ແລ້ງ​ແລະ​ໄພ​ນໍ້າ​ຖ້ວມ.

ຄະ​ນະ​ກຳມາ​ທິການ​ຢູ​ໂຣບກ່າວ​ວ່າ ຄຳ​ແນະນຳ​ທີ່​ໄດ້​ຮັບ​ຈາກ​ການ​ສຳ​ຫຼວດຈະ​ຖືກ​ນຳ​ໄປ​ພິ
ຈາລະນາຢູ່​ໃນ​ແຜນ​ແມ່​ບົດ ​ເພື່ອ​ຄຸ້ມ​ຄອງແຫຼ່ງນໍ້າຂອງ​ຢູ​ໂຣບທີ່​ກຳນົດໃສ່​ເດືອນ​ພະຈິກ​ປີນີ້.
ແຜນແມ່​ບົດ​ດັ່ງກ່າວ​ ຈະ​ລະບຸ​ໃຫ້​ຊາບ ​ກ່ຽວ​ກັບ​ຂົງ​ເຂດ​ວຽກງານ​ທີ່​ຈຳ​ເປັນ​ ຕ້ອງ​ໄດ້​ມີ​ການ
ປັບປຸງ​ແລະຂໍ້​ສະ​ເໜີ​ຕ່າງໆ​ ເພື່ອ​ກຳນົດ​ນະ​ໂຍບາຍເລື່ອງ​ນໍ້າຂອງ​ສະຫະພາບ​ຢູ​ໂຣບ​ໄປ​ຈົນ​
ຮອດ​ປີ 2020.

ເບິ່ງວີດີໂອລາຍງານກ່ຽວກັບ ການຂາດແຄນນໍ້າໃນທົ່ວໂລກ ຍ້ອນມີຄວາມຮຽກຮ້ອງ ຕ້ອງການນໍ້າຫລາຍຂຶ້ນ:

XS
SM
MD
LG