ສະຫະພາບຢູໂຣບ ໄດ້ລົງຄະແນນສຽງຢ່າງເປັນເອກກະສັນ ຮັບຮອງເອົາຫຼັກການທົ່ວ
ໄປ ໃນການເຈລະຈາກ່ຽວກັບການຖອນໂຕຂອງອັງກິດອອກຈາກກຸ່ມດັ່ງກ່າວ ອີງຕາມ
ຄຳເວົ້າຂອງປະທານກອງປະຊຸມສຸດຍອດ ໃນວັນເສົາວານນີ້.
ທ່ານ Donald Tusk ປະທານຂອງສະພາຢູໂຣບຊຶ່ງໄດ້ຂຽນລົງໃນ Twitter ຈາກກອງ
ປະຊຸມສຸດຍອດ ບ່ອນທີ່ພວກຜູ້ນຳຂອງສະຫະພາບຢູໂຣບພົບປະກັນຢູ່ນະຄອນ Brus-
sels ໂດຍບໍ່ມີທ່ານນາງ Theresa May ນາຍົກລັດຖະມົນຕີອັງກິດເຂົ້າຮ່ວມນຳນັ້ນວ່າ “ຫຼັກການນີ້ ໄດ້ຖືກຮັບຮອງເອົາ ດ້ວຍຄະແນນສຽງ ຢ່າງເປັນເອກກະສັນ. ອຳນາດທາງ
ດ້ານການເມືອງ ອັນໜັກແໜ້ນ ແລະເປັນທຳ ໄດ້ຖືກມອບໝາຍໃຫ້ ຈາກ ສະຫະພາບຢູ
ໂຣບທັງ 27 ປະເທດ ກ່ຽວກັບການເຈລະຈາໃນການຖອນໂຕແມ່ນພ້ອມແລ້ວ.”
ພວກຜູ້ນຳຂອງ 27 ປະເທດ ໄດ້ລົງຄະແນນສຽງໃຫ້ການອະນຸມັດຕໍ່ຫຼັການດັ່ງກ່າວພາຍ
ໃນເວລາບໍ່ຮອດ 15 ນາທີ.
ການເຈລະຈາກັບອັງກິດຈະເລີ້ມຂຶ້ນບໍ່ດົນຫລັງຈາກການເລືອກຕັ້ງທົ່ວໄປໃນວັນທີ 8 ມິ
ຖຸນາຈະມານີ້.
ການເຈລະຈາດັ່ງກ່າວ ແມ່ນຈະເພັ່ງເລັງໃສ່ບັນຫາຕ່າງໆ ເຊັ່ນສະຫວັດດີພາບຂອງປະ
ຊາຊົນ ແລະບັນດາຄອບຄົວ ຂອງສະຫະພາບຢູໂຣບ ທີ່ອາໄສຢູ່ໃນປະເທດອັງກິດ ຕະ
ຫລອດທັງຄຳຖາມຕ່າງໆກ່ຽວກັບໜີ້ສິນຂອງອັງກິດທີ່ຍັງຕິດສະຫະພາບຢູໂຣບ ໃນຂະ
ນະທີ່ສະຫະພາບຢູໂຣບຢືນຢັດວ່າ ອັງກິດເປັນຜູ້ຮັບຜິດຊອບທາງດ້ານການເງິນທັງໝົດ
ໃນການຖອນໂຕອອກຈາກກຸ່ມດັ່ງກ່າວທີ່ອາດຈະສູງເຖິງ 65 ຕື້ໂດລາ.
ຄ່າໃຊ້ຈ່າຍທີ່ສະເພາະເຈາະຈົງແມ່ນນຶ່ງໃນຫຼາຍໆຈຸດທີ່ຍັງເປັນບັນຫາໂຕ້ຖຽງລະຫວ່າງ
ອັງກິດແລະສະຫະພາບຢູໂຣບ ຊຶ່ງປະທານກຳມາທິການສະຫະພາບຢູໂຣບ ທ່ານ Jean-
Claude Juncker ກ່າວໃນວັນເສົາວານນີ້ວ່າປັດຈຸບັນອັງກິດກຳລັງຂັດຂວາງແຜນການງົບປະມານໄລຍະຍາວຂອງສະຫະພາບຢູໂຣບ.
ທ່ານ Juncker ກ່າວວ່າ “ມັນຈະເປັນການດີຫຼາຍ ແລະມັນຈະເຮັດໃຫ້ ການເລີ່ມຕົ້ນໃນ
ການເຈລະຈາງ່າຍຂຶ້ນ ຖ້າອັງກິດຫາກຍົກເລີກການຄັດຄ້ານຂອງຕົນ.”
ກອງປະຊຸມສຸດຍອດ ທີ່ໃຊ້ເວລາ ຂ້ອນຂ້າງສັ້ນ ມີຂຶ້ນນຶ່ງເດືອນເຕັມ ຫຼັງຈາກ ທ່ານນາງ
May ລິເລີ້ມຂັ້ນຕອນໃນການຖອນໂຕທີ່ໃຊ້ເວລາສອງປີຫຼັງຈາກອັງກິດໄດ້ລົງປະຊາມະ
ຕິ ຖອນໂຕອອກຈາກສະຫະພາບຢູໂຣບ ເມື່ອວັນທີ 23 ມິຖຸນາ ປີ 2016.
