ອີຢູ ກັກຊັບສິນ ເຈົ້າໜ້າທີ່ຂັ້ນສູງ 18 ທ່ານ ຂອງອະດີດ ລັດຖະບານ ຢູເຄຣນ (ສະໄລດ໌/ວີດີໂອ)

ສະຫະພາບ​ຢູ​ໂຣບຫຼືອີຢູ ​ໄດ້​ກັກ​ຊັບ​ສິນ​ຕ່າງໆ​ຂອງ​ພວກ​ເຈົ້າ​
ໜ້າ​ທີ່​ຂັ້ນສູງ 18 ທ່ານ​ຂອງ​ອະດີດ​ລັດຖະບານ​ຢູ​ເຄຣນຮວມ
ທັງຂອງ​ປະທານາທິບໍດີ Viktor Yanukovych ທີ່​ໄດ້​ຖືກ​ໂຄ່ນ
​ລົ້ມ​ໄປ​ນັ້ນ​.

ກຸ່ມ 28 ປະ​ເທດ​ໃນ​ຢູ​ໂຣບດັ່ງກ່າວ ປະກາດ​ລາຍ​ຊື່​ຂອງ​ພວກ
​ເຈົ້າ​ໜ້າ​ທີ່​ທີ່​ຕົກ​ເປັນ​ເປົ້າ​ໝາຍ​ໃນ​ການ​ລົງ​ໂທດ​ໃຫ້​ຊາບ ​ໃນ
​ຕອນ​ເຊົ້າ​ວັນ​ພະຫັດ​ມື້​ນີ້ ຫຼັງ​ຈາກ​ບັນລຸ​ການ​ຕັດສິນ​ໃຈ​ໃນ​ຄືນ
​ແລ້ວ ​ເພື່ອ​ລົງ​ໂທດ​ຕໍ່​ພວກ​ທີ່​ຮັບຜິດຊອບ​ໃນ​ການ​ສໍ້​ໂກງ ​ກິນ​
ເງິນ​ຂອງ​ລັດຖະບານ​ນັ້ນ.

ລູກ​ຊາຍ​ຂອງ​ທ່ານ Yanukovych ອະດີດ​ລັດຖະມົນຕີ​ກະຊວງຍຸ​ຕິທຳ​ແລະ​ພວກ​ລັດຖະ
ມົນຕີ​ອື່ນໆ ໃນວົງການລັດຖະບານອີກຫຼາຍຄົນ ແມ່ນຮວມຢູ່ໃນຈຳພວກທີ່ຖືກກັກຊັບ​ສິນ
ນັ້ນ. ທ່ານYanukovych ​ໄດ້​ຫລົບໜີ​ອອກ​ຈາກ​ຢູ​ເຄຣນ​ໄປ​ໃນ​ເດືອນ​ແລ້ວ​ນີ້ ຫຼັງ​ຈາກ​ປະ​
ເຊີນ​ກັບ​ການ​ປະ​ທ້ວງ​ຕ່າງໆ​ມາ ກ່ຽວ​ກັບ​ການ​ຕັດສິນ​ໃຈ​ຂອງ​ທ່ານ ຮັບ​ເອົາ​ການ​ຊ່ອຍ​ເຫຼືອ
​ດ້ານ​ເສດຖະກິດ​ຈຳນວນ​ນຶ່ງ​ຈາກຣັດ​ເຊຍ ທີ່​ໄດ້​ກາຍ​ເປັນເຫດການ​ຮຸນ​ແຮງທີ່​ພາ​ໃຫ້​ມີ​ຜູ້​
ຄົນ​ເສຍ​ຊີວິດ​ໄປ​ນັ້ນ.

​

​ໃນ​ຂະນະ​ດຽວ​ກັນ ການ​ດຳ​ເນີນ​ການທາງ​ການ​ທູດ​ຂອງ​ນາໆ​ຊາດ​ອີກ​ຮອບ​ໃໝ່ ທີ່ແນໃສ່​
ການ​ຜ່ອນຄາຍ​ວິ​ກິດ​ການ​ທາງ​ທະຫານ​ລົງ​ ໃນ​ແຫລມ Crimea ຈະ​ມີຂຶ້ນ​ໃນ​ວັນ​ພະຫັດ​ມື້
​ນີ້. ບັນດາ​ຜູ້ນຳ​ຂອງ​ບັນດາ​ປະ​ເທດ​ໃນ​ສະຫະພາບ​ຢູ​ໂຣບ ຈະ​ພົບ​ປະກັນ​ໃນ​ກຸງ Brussels
​ເພື່ອ​ພິຈາລະນາ​ການ​ລົງ​ໂທດ​ທີ່​ເປັນ​ໄປໄດ້​ຕໍ່ ຣັດ​ເຊຍ​ນັ້ນ.

ທ່ານ John Kerry ລັດຖະມົນຕີ​ຕ່າງປະ​ເທດ​ສະຫະລັດ ມີ​ໝາຍກຳນົດທີ່​ຈະ​ພົບປະກັນ
ອີກກັບທ່ານSergei Lavrov ລັດຖະມົນຕີ​ຕ່າງປະ​ເທດຣັດ​ເຊຍ ທີ່ກຸງ​ໂຣມ ອີ​ຕາ​ລີ​ໃນ​ວັນ
​ພະຫັດ​ມື້​ນີ້. ທ່ານ Kerry ​ໄດ້​ທຳ​ການ​ໂອ້​ລົມ​ກັນມາ​ຫຼາຍ ຄັ້ງ​ກັບ​ທ່ານ Sergei Lavrov,
ທ່ານ William Hague ລັດຖະມົນຕີ​ຕ່າງປະ​ເທດ​ອັງກິດ ​ແລະ​ທ່ານ Andriy Deshchyt
sia ລັດຖະມົນຕີ​ຕ່າງປະ​ເທດ ຮັກ ສາ​ການ​ຊົ່ວຄາວ​ຂອງ​ຢູ​ເຄຣນ.

ທ່ານ Lavrov ​ແລະ​ທ່ານ Deshchytsia ບໍ່​ໄດ້​ພົບ​ກັນ​ສອງ​ຕໍ່​ສອງ ລະຫວ່າງ​ ການ​ເຈລະ
ຈາ​ກັນ​ຢ່າງກະທັນຫັນໃນມື້ວານນີ້​ແລະ​ທ່ານ Kerry ກ່າວ​ວ່າ ທ່ານ​ບໍ່​ໄດ້ຄາດ​ຫວັງ​ໄວ້​ລ່ວງ​
ໜ້າ ທີ່​ວ່າການ​ພົບ​ປະກັນ​ນີ້​ ຈະ​ເກີດ​ຂຶ້ນ​ນັ້ນ.