ບັນດາລັດຖະມົນຕີກະຊວງພາຍໃນ ສະຫະພາບຢູໂຣບຫຼືອີຢູ
ໄດ້ບັນລຸຂໍ້ຕົກລົງທີ່ຈະແບ່ງປັນຂໍ້ມູນຜູ້ໂດຍສານ ຫລັງຈາກທີ່
ໄດ້ ມີການສົນທະນາ ຫາລືກັນ ມາເປັນເວລາຫຼາຍປີ ກ່ຽວກັບ
ການນຳໃຊ້ໂດຍກຳລັງຮັກສາຄວາມປອດໄພ.
ໃນການຖະແຫຼງຕໍ່ບັນດານັກຂ່າວ ທີ່ນະຄອນບ Brussels ໃນ
ວັນສຸກວານນີ້ ລັດຖະມົນຕີພາຍໃນຂອງ Luxembourg ທ່ານ
Etienne Schneider ໄດ້ປະກາດກ່ຽວກັບເລື້ອງນີ້ ຫຼັງຈາກກອງປະຊຸມສະມາຊິກສະພາຢູໂຣບທີ່ປະກອບດ້ວຍ 28 ປະເທດ.
ຂໍ້ຕົກລົງນີ້ອະນຸຍາດໃຫ້ບັນຊີລາຍຊື່ຂອງຜູ້ໂດຍສານຫຼື PNR
ຊຶ່ງຮວມທັງຂໍ້ມູນ ການບິນທີ່ທຸກໆປະເທດສະມາຊິກສະຫະພາບຢູໂຣບສາມາດເຂົ້າໄປ
ເບິ່ງໄດ້ເປັນເວລາຫົກເດືອນ. ຫລັງຈາກນັ້ນ ລາຍລະອຽດຈະນຳໄປເກັບຮັກສາໄວ້ອີກ
ເປັນເວລາ 4 ປີເຄິ່ງ.
ກົດລະບຽບໃໝ່ນີ້ຈະຄຸ້ມຄອງທຸກຖ້ຽວບິນ ທີ່ບິນເຂົ້າແລະອອກຈາກສະຫະພາບຢູໂຣບ
ພ້ອມທັງສາຍການບິນລະຫວ່າງບັນດາປະເທດຢູໂຣບດ້ວຍກັນ.
ການຖົກຖຽງກັນກ່ຽວກັບການເກັບຮັກສາ ແລະແບ່ງປັນການຊົມໃຊ້ PNP ໄດ້ຊັກຊ້າມາ
ເປັນເວລານານ ໃນຂະນະບັນດາສະມາຊິກສະພາຢູໂຣບດີ້ນລົນຊອກຫາຄວາມກໍ້າເກິ່ງ
ລະຫວ່າງຄວາມເປັນຫ່ວງດ້ານຄວາມປອດໄພແລະຄວາມລັບ ສ່ວນຕົວ.
ໂດຍສະເພາະຢ່າງຍິງ ບັນດາສະມາຊິກສະພາເຢຍຣະມັນ ແມ່ນລະມັດລະວັງ ເປັນພິເສດ
ກ່ຽວກັບການເກັບກຳຂໍ້ມູນ ຊຶ່ງຍັງສຳນຶກເຖິງການລະເມີດຢ່າງຮ້າຍແຮງ ແລະການເປີດ
ເຜີຍກ່ຽວກັບການຕິດຕາມສອດແນມຂອງສະຫະລັດ.
ຫລັງຈາກພວກກໍ່ການຮ້າຍໂຈມຕີທີ່ປາຣີໃນເດືອນມັງກອນແລະເດືອນພະຈິກປີນີ້ ລັດ
ຖະບານຝຣັ່ງ ແລະປະເທດອື່ນໆໄດ້ເພີ້ມທະວີການກົດດັນຕໍ່ ລັດຖະສະພາຢູໂຣບເພື່ອ
ໃຫ້ຜ່ອນຜັນກ່ຽວກັບເລື້ອງນີ້.
