ຜູ້ນຳຂອງ ຢູເຄຣນ ຣັດເຊຍ ຝຣັ່ງ ແລະ ເຢຍຣະມັນ ມີແຜນ
ຈະຫາລືກັນຕື່ມອີກ ໃນວັນຈັນມື້ນີ້ ໃນຂະນະທີ່ເສັ້ນຕາຍສຳ
ຫລັບການຢຸດຍິງ ຂອງທັງສອງຝ່າຍ ໃນພາກຕາເວັນອອກ
ຂອງຢູເຄຣນນັ້ນ ຈະໝົດກຳນົດລົງ ແລະເສ້ນຕາຍສຳຫລັບ
ໃຫ້ຣັດເຊຍ ຫລີກເວັ້ນ ຈາກການຖືກລົງໂທດຄັ້ງໃໝ່ ຈາກ
ສະຫະພາບຢູໂຣບ ກໍຈະໝົດລົງເຊັ່ນກັນ.
ຫຼັງຈາກໄດ້ລົມກັນກັບຜູ້ນຳຈາກປະເທດດັ່ງກ່າວ ຜ່ານທາງ
ໂທລະສັບ 4 ສາຍພ້ອມກັນ ເປັນເວລາ 2 ຊົ່ວໂມງ ໃນວັນ
ອາທິດວານນີ້ ປະທານາທິບໍດີຢູເຄຣນ ທ່ານ Petro
Poroshenko ກ່າວວ່າ ການຢຸດຍິງທີ່ທ່ານໄດ້ປະກາດອອກ
ໄປ ເມື່ອວັນທີ 20 ມິຖຸນານັ້ນ ຈະດຳເນີນຕໍ່ໄປ ຢ່າງນ້ອຍ ຈົນເຖິງຄ່ຳຄືນຂອງວັນຈັນມື້ນີ້.
ສະຫະພາບຢູໂຣບ ຂົ່ມຂູ່ຈະລົງໂທດ ຣັດເຊຍເພີ້ມຂຶ້ນ ຖ້າຣັດເຊຍບໍໃຊ້ອິດທິພົນຂອງຕົນ
ຕໍ່ພວກຫົວນິຍົມຣັດເຊຍແບ່ງແຍກດິນແດນໃນຢູເຄຣນ.
ຫ້ອງການຂອງ ປະທານາທິບໍດີຝຣັ່ງ Francios Hollande ກ່າວວ່າ ຜູ້ນຳທັງຫຼາຍໄດ້
ບອກ ປະທານາທິບໍດີຣັດເຊຍ ທ່ານ Vladimir Putin ວ່າ ພວກເຂົາເຈົ້າຫວັງວ່າ
“ຈະໄດ້ມີຜົນສຳເລັດພາຍໃນວັນຈັນມື້ນີ້.”
ການປຶກສາຫາລືກັນ ໃນວັນອາທິດວານນີ້ ໄດ້ມີຂຶ້ນ ໃນຂະນະທີ່ມີ ຫຼາຍກວ່າ 1,000 ຄົນໄດ້ອອກມາປະທ້ວງ ຢູ່ນະຄອນຫຼວງ Kyiv ຮຽກຮ້ອງໃຫ້ປະທານາທິບໍດີຢູເຄຣນ ດຳເນີນການໃນທາງເລືອກອື່ນ ຫຼັງຈາກທີ່ໄດ້ເກີດການປະທະກັນກັບພວກຫົວແບ່ງແຍກດິນແດນ ເມື່ອທ່າຍອາທິດ.
ພວກປະທ້ວງ ກ່າວອ້າງວ່າການຢຸດຍິງແຕ່ຝ່າຍດຽວ ກັບກຳລັງທີ່ນິຍົມ ຣັດເຊຍນັ້ນ ແມ່ນໄດ້ສິ້ນສຸດລົງແລ້ວ ແລະການທີ່ Kyiv ທຳທ່າວ່າຍັງບໍ່ສິ້ນສຸດເທື່ອນັ້ນ ຈະເປັນການສ່ຽງຕໍ່
ການສູນເສຍຊີວິດຂອງທະຫານຢູເຄຣນຕື່ມອີກ.
ຢູເຄຣນເຊັນ ສັນຍາການຄ້າ ກັບ ອີຢູ:
