ນາຍົກລັດຖະມົນຕີອັງກິດ ທ່ານ David Cameron ມີກຳນົດທີ່
ຈະນຳສະເໜີ ຕໍ່ຄະນະລັດຖະບານ ຂໍ້ຕົກລົງ ກັບສະຫະພາບຢູ
ໂຣບຫຼືອີຢູ ທີ່ຈະອະນຸຍາດໃຫ້ອັງກິດ ຢູ່ໃນກຸ່ມດັ່ງກ່າວ ຊຶ່ງມີສະ
ມາຊິກ 28 ປະເທດ ໃນຖານະພິເສດ ແທນທີ່ຈະຖອນໂຕ ອອກ
ຈາກອີຢູ.
ນອກນັ້ນແລ້ວ ຍັງເປັນທີ່ຄາດກັນວ່າ ທ່ານ Cameron ຈະປະ
ກາດກ່ຽວກັບວັນເວລາທີ່ແນ່ນອນໃນການລົງປະຊາມະຕິທີ່ປະ
ຊາຊົນຊາວອັງກິດສາມາດໄປໃຊ້ສິດໃຊ້ສຽງກ່ຽວກັບວ່າ ອັງກິດ
ຄວນສືບຕໍ່ເປັນສະມາຊິກຫຼືຖອນໂຕຈາກອີຢູ.
ກອງປະຊຸມຄະນະລັດຖະບານແມ່ນເບິ່ງກັນວ່າ ເປັນບາດກ້າວອັນທຳອິດໃນອັນທີ່ຈະເປັນ
ການປຸກລະດົມທີ່ຍາວນານ ແລະຫຍຸ້ງຍາກ ເພື່ອຊັກຊວນໃຫ້ບັນດາຜູ້ມີສິດປ່ອນບັດຊາວ
ອັງກິດກ່ຽວກັບວ່າອັງກິດຄວນຈະສືບຕໍ່ເປັນສະມາຊິກຂອງອີຢູ. ມາຮອດປັດຈຸບັນນີ້ປາກົດ
ວ່າບັນດາຜູ້ມີສິດປ່ອນບັດແມ່ນແບ່ງກັນເຄິ່ງຕໍ່ເຄິ່ງ.
ການຕົກລົງນີ້ ມີຂຶ້ນລຸນຫຼັງການປະຊຸມສຸດຍອດຢ່າງຍືດຍາວເປັນເວລາສອງມື້ທີ່ນະຄອນ
Brussels ທີ່ສິ້ນສຸດລົງ ເວລາບັນດາສະມາຊິກ ຂອງອີຢູ ໄດ້ຕົກລົງກັນຮັບເອົາການຍອມ
ອ່ອນຂໍ້ໃຫ້ແກ່ທ່ານ Cameron ທີ່ທ່ານເອີ້ນວ່າ ຖານະພິເສດນັ້ນ.
