ກໍາລັງທະຫານເຮືອຕໍ່ຕ້ານໂຈນທະເລສະຫະພາບຢູໂຣບ ໄດ້ທຳການໂຈມຕີທາງ
ອາກາດເປັນເທື່ອທຳອິດ ໃສ່ທີ່ຕັ້ງແຫ່ງນຶ່ງຂອງພວກໂຈນທະເລ ໃນບໍລິເວນແຄມ
ຝັ່ງທະເລຂອງໂຊມາເລຍ.
ກໍາລັງທະຫານເຮືອຕໍ່ຕ້ານໂຈນທະເລຂອງສະຫະພາບຢູໂຣບ ກ່າວໃນຖະແຫລງ
ການສະບັບນຶ່ງ ໃນວັນອັງຄານມື້ນີ້ວ່າ ລາຍງານໃນຂັ້ນຕົ້ນບໍ່ໄດ້ສະແດງໃຫ້ເຫັນວ່າ
ມີຊາວໂຊມາເລຍໄດ້ຮັບບາດເຈັບ ໃນອັນທີ່ບັນລະຍາຍວ່າ “ເປັນການໂຈມຕີ “ ທີ່
ໄດ້ມີການເພັ່ງເລັງ ມີຄວາມແມ່ນຍຳ ແລະສົມເຫດສົມຜົນ” ຕໍ່ “ບ່ອນໃຫ້ການສະ
ໜັບສະໜຸນ ທີ່ຮູ້ຈັກ ຂອງພວກໂຈນທະເລ” ໃນບໍລິເວນແຄມຝັ່ງທະເລຂອງໂຊມາ
ເລຍ. ສະຖານ ທີ່ໆຄັກແນ່ຂອງການໂຈມຕີ ຫລືລັກສະນະຂອງເປົ້າໝາຍນັ້ນບໍ່ໄດ້
ບອກໃຫ້ຊາບ.
ການໂຈມຕີທາງອາກາດໃນຄັ້ງນີ້ ແມ່ນເປັນຄັ້ງທໍາອິດ ຂອງກໍາລັງທະຫານເຮືອຕໍ່
ຕ້ານໂຈນທະເລຂອງສະຫະພາບຢູໂຣບ ທີ່ໄດ້ຮັບອະນຸຍາດໃນເດືອນມີນາຜ່ານມາ
ເພື່ອໂຈມຕີອຸບປະກອນທີ່ເກັບໄວ້ຢູ່ສາງແຫ່ງນຶ່ງ ຂອງພວກໂຈນທະເລໃນບໍລິເວນ
ແຄມຝັ່ງ. ຈົນຕົກມາເຖິງວັນອັງຄານມື້ນີ້ ການໂຈມຕີຈຶ່ງໄດ້ມີຂຶ້ນ ຢູ່ໃນດິນແດນແລະ
ເຂດນ່ານນໍ້າຂອງໂຊມາເລຍ.
ກຸ່ມດັ່ງກ່າວເວົ້າວ່າ ການໂຈມຕີນີ້ໄດ້ຮັບການສະໜັບສະໜຸນຢ່າງເຕັມທີ່ ຈາກລັດຖະ
ບານໄລຍະຂ້າມຜ່ານຂອງໂຊມາເລຍ ແລະກໍາລັງທະຫານພາກພື້ນດິນຂອງສະຫະ
ພາບຢູໂຣບ ບໍ່ໄດ້ພົວພັນນຳການປະຕິບັດງານ ໃນຄັ້ງນີ້.
ກໍາລັງທະຫານເຮືອຕໍ່ຕ້ານໂຈນທະເລຂອງສະຫະພາບຢູໂຣບ ປະກອບດ້ວຍກໍາປັ່ນ
ລົບ 9 ລໍາແລະບັນດາເຮືອສະໜັບສະໜຸນ 5 ລຳ ຊຶ່ງເປັນ ພາກສ່ວນນຶ່ງ ໃນການດຳ
ເນີນຄວາມພະຍາຍາມໃນຂອບເຂດທີ່ກວ້າງຂວາງ ເພື່ອປາບປາມພວກໂຈນທະເລ
ໃນເຂດແຫລມ Horn ຂອງອາຟຣິກາ.