ລິ້ງ ສຳຫລັບເຂົ້າຫາ

ວັນເສົາ, 04 ກຸມພາ 2023

ອີຢູ ເລື່ອນການຕັດສິນໃຈ ກ່ຽວກັບການຊ່ວຍເຫລືອ ກຣີສ ຕື່ມອີກ (ເບິ່ງວີດີໂອ)


Members of the Britannia Coconut dancers perform on the roadside near Bacup, northern England. The group, which can trace its origins to the mid-1800s, dance along the town's roads every Easter Saturday following a tradition to mark out the boundaries of the town.

ທ່ານ Jean-Claude Trichet ຫົວໜ້າ​ທະນາຄານ​ກາງຂອງ​ສະຫະພາບ​ຢູ​ໂຣບກ່າວ​ວ່າ
ຖານະ​ການ​ເງິນ​ຂອງ​ພວກ ​17​ ປະ​ເທດສະມາຊິກ​ທີ່​ໃຊ້​ເງິນ​ຢູ​ໂຣ​ ແມ່ນ​ດີກ​ວ່າ​ຖານະ​ການ
ເງິນ​ຂອງ​ພວກ​ປະ​ເທດ​ເສດຖະກິດ​ໃຫຍ່​ອື່ນໆ.

ທ່ານ Trichet ກ່າວ​ເຊ່ນ​ນັ້ນໃນ​ວັນ​ເສົາ​ວານ​ນີ້ ​ໃນ​ຕອນ​ອັດ​ກອງ​ປະຊຸມເປັນ​ເວລາ​ສອງ​ມື້​
ຂອງ​ພວກ​ລັດຖະມົນຕີ​ການ​ເງິນ​ຂອງ​ສະຫະພາບ​ຢູ​ໂຣບ ທີ່​ເມືອງ Wroclaw ປະ​ເທດ
Poland ຊຶ່ງ​ທ່ານ Trichet ກ່າວ​ຕື່ມວ່າ ພາບ​ພົດ​ໄລຍະ​ປານ​ກາງ​ສໍາລັບ​ພວກ​ປະ​ເທດ​ທີ່​
ໃຊ້ເງິນ​ຢູ​ໂຣ ​ແມ່ນເປັນ​ທີ່ໃຫ້​ກໍາລັງໃຈ.

ຂໍ້​ຄິດ​ເຫັນ​ຂອງ​ທ່ານ​ມີ​ຂຶ້ນ​ລຸນຫລັງ​ການຖະແຫລ​ງຂອງ​ທ່ານ Timothy Geithner ລັດຖະ
ມົນຕີ​ການ​ເງິນສະຫະລັດ​ໃນ​ວັນ​ສຸກຜ່ານ​ມາ ທີ່​ຮຽກຮ້ອງ​ໃຫ້​ສະຫະພາບ​ຢູ​ໂຣບທໍາ​ການ
ເຄື່ອນ​ໄຫວ​ໂດຍ​ໄວ​ ​ເພື່ອ​ແກ້​ໄຂ​ວິກິດ​ການ​ການ​ເງິນ​ຂອງ​ຕົນ​ນັ້ນ.

ນອກ​ນີ້​ ທ່ານ Geithner ຍັງ​ກ່າວ​ເຊ່ນ​ກັນ​ວ່າ ການ​ໂຕ້​ຖຽງ​ກັນ​ດ້ານ​ການ​ເມືອງ​ໃນ​ຢູ​ໂຣບ
ນັ້ນ​ ເຮັດ​ໃຫ້​ສະຖານະການ​ຍິ່ງ​ຮ້າຍ​ແຮງ​ຂຶ້ນ.

ການ​ໄປ​ມີໜ້າ​ຂອງ​ທ່ານ Geithner ທີ່​ກອງ​ປະຊຸມທີ່​ໂປ​ແລນ​ນັ້ນ​ໃຫ້​ສັນຍານ​ເຖິງ​ຄວາມ​
ເປັນ​ຫ່ວງ​ທີ່​ກໍາລັງ​ເພີ່ມ​ທະວີຂຶ້ນຂອງ​ສະຫະລັດ ທີ່​ວ່າວິ​ກິດ​ການ​ການ​ເງິນ​ຂອງ​ຢູ​ໂຣບ
ອາດຈະ​ເປັນ​ໄພ​ຂົ່ມຂູ່​ຕໍ່​ການ​ຟື້ນ​ໂຕ​ຄືນ​ຂອງເສດຖະກິດ​ຂອງສະຫະລັດ​ນັ້ນ.

ພວກ​ລັດຖະມົນຕີ​ການ​ເງິນ​ຂອງ​ສະຫະພາບ​ຢູ​ໂຣບ​ ໄດ້​ເລື່ອນ​ການ​ຕັດສິນໃຈ​ຂອງ​ຕົນ
ອອກ​ໄປ ກ່ຽວ​ກັບ​ວ່າ​ຈະອະນຸມັດ​ເງິນ​ຊ່ອຍ​ເຫລືອຈໍານວນ 11 ຕື້​ໂດ​ລາ​ງວດ​ຕໍ່​ໄປ​ ໃຫ້
ປະ​ເທດ Greece ຫລື​ບໍ່ ເພື່ອ​ຊ່ວຍໃຫ້ກຣີສຫລີກ​ເວ້ນ​ການ​ຈ່າຍໜີ້​ສິນ​ບໍ່​ໄດ້​ນັ້ນ.

ນາຍົກລັດຖະມົນຕີ ກຣິສ ທ່ານ George Papandreou ​ໄດ້​ລົບລ້າງ​ແຜນການ​ຢ້ຽມຢາມ
ສະຫະລັດ​ຂອງ​ທ່ານ​ ເພື່ອ​ຮັບ​ມື​ກັບ​ວິ​ກິດ​ການທີ່ຮ້າຍ​ແຮງ​ລົງ​ອີກ​ໃນ​ປະ​ເທດ​ຂອງ​ງທ່ານ​ນັ້ນ.
ກຣິສ ກໍາລັງ​ຖືກ​ກົດ​ດັນໃຫ້​ປະຕິບັດ​ຕາມ​ຄໍາ​ໝັ້ນ​ສັນຍາ​ທີ່​ປະຢັດ​ມັດທະຍັດ​ຂອງ​ຕົນ​ທີ່​ໃຫ້​ໄວ້
ຕໍ່ສະຫະພາບ​ຢູ​ໂຣບ​ ເພື່ອ​ຕົນ​ຈະ​ໄດ້​ຮັບ​ເງິນ​ຊ່ອຍ​ເຫລືອງ​ວດຕໍ່​ໄປ​ ຂອງຈໍານວນ 150 ຕື້​
ໂດລາ ທີ່​ອີ​ຢູ​ໄດ້ອະນຸມັດ​ໃຫ້​ແລ້ວສໍາລັບ​ການ​ຊ່ອຍ​ເຫລືອ​ລັດຖະບານ​ກຸງ Athens ຊໍາລະ​
ໜີ້ສິນ​ຂອງ​ຕົນ​ນັ້ນ.

XS
SM
MD
LG