ປະທານຄະນະກຳມາທິການຢູໂຣບ ທ່ານ Jean-Claude Juncker ກ່າວວ່າ ປະທານາ ທິບໍດີທີ່ຖືກເລືອກໃໝ່ຂອງສະຫະລັດ ທ່ານ Donald Trump ແມ່ນເຮັດໃຫ້ຄວາມສຳພັນລະຫວ່າງສະຫະພາບຢູໂຣບແລະສະຫະລັດ ຕົກຢູ່ໃນຄວາມສ່ຽງ.
ໃນການຖະແຫຼງຕໍ່ບັນດານັກສຶກສາທີ່ກອງປະຊຸມຢູ່ນະຄອນ Luxemburg ໃນຕອນແລງວັນສຸກວານນີ້ ທ່ານ Juncker ກ່າວວ່າ ທ່ານ Trump ຕ້ອງລຸກຂຶ້ນເລັ່ງລັດໃຫ້ທັນກ່ຽວກັບວ່າຢູໂຣບເຮັດວຽກຢ່າງໃດເພື່ອຫລີກລ່ຽງ “ການເສຍເວລາສອງປີ” ເວລາທ່ານເຂົ້າຮັບຕຳ ແໜ່ງເປັນປະທານາທິບໍດີໃນເດືອນມັງກອນຈະມາເຖິງນີ້.
ທ່ານ Juncker ກ່າວວ່າ “ເວົ້າໂດຍທົ່ວໄປ ຊົນຊັ້ນການເມືອງ ແລະສະຫະລັດ ໂດຍທົ່ວໄປແລ້ວ ບໍ່ໃຫ້ຄວາມສົນໃຈເລີຍກ່ຽວກັບຢູໂຣບ. ທ່ານ Trump ໄດ້ກ່າວຢູ່ໃນການໂຄສະ ນາຫາສຽງ ຂ້າພະເຈົ້າຫາກໍ່ໄດ້ບອກແກ່ປະທານາທິບໍດີຂອງພວກເຮົາຢູ່ທີ່ນີ້ວ່າ Belgium ເປັນບ້ານນ້ອຍໆຢູ່ໃນຢູໂຣບ. ມັນຈະເປັນພຽງຈຸດຖ້າຫາກທ່ານເບິ່ງຈາກໄກໆ ແຕ່ວ່າມັນບໍ່ສະທ້ອນເຖິງຄວາມເປັນຈິງ. ເພາະສະນັ້ນ ພວກເຮົາຕ້ອງສອນ ປະທານາທິບໍດີ ທີ່ຖືກເລືອກໃໝ່ວ່າ ຢູໂຣບເປັນຫຍັງແທ້ໆ ແລະຢູໂຣບເຮັດວຽກຢ່າງໃດ.”
ທ່ານ Juncker ໄດ້ເຕືອນຜູ້ຟັງ ຂອງທ່ານວ່າ ທ່ານ Trump ໄດ້ຕັ້ງຄຳຖາມ ກ່ຽວກັບອົງ
ການ NATO ຊຶ່ງອາດຈະ “ເປັນໄພອັນຕະລາຍທີ່ຕິດຕາມມາ” ເພາະວ່າມັນເປັນໂຕແບບ
ດ້ານປ້ອງກັນປະເທດຂອງຢູໂຣບ.
ທ່ານ Juncker ກ່າວອີກວ່າ “ທ່ານໄດ້ຕັ້ງຄຳຖາມກ່ຽວກັບ ບັນດາພັນທະມິດຂ້າມມະຫາສະມຸດແອັດແລນຕິດ ຊຶ່ງທີ່ຈິງແລ້ວຂ້ອນຂ້າງເປັນອັນຕະລາຍ ແລະທ່ານໄດ້ຕັ້ງຄຳຖາມເຖິງຮູບແບບການປ້ອງກັນປະເທດຂອງຢູໂຣບ. ກ່ຽວກັບອົບພະຍົບ ແລະຜູ້ທີ່ບໍ່ແມ່ນຄົນຜີວຂາວອາເມຣິກັນນັ້ນ ທ່ານ Trump ໄດ້ເຂົ້າເຖິງ ທີ່ບໍ່ແມ່ນໂດຍບັງເອີນກັບການຕັດສິນໃຈ ແລະຄວາມຮູ້ສຶກຂອງຢູໂຣບ. ຂ້າພະເຈົ້າຄິດວ່າ ພວກເຮົາຈະເສຍເວລາສອງປີ ກ່ອນທີ່ທານ Trump ຈະຮູ້ຈັກກ່ຽວ ກັບພາກສ່ວນຂອງໂລກ ທີ່ທ່ານບໍ່ຮູ້ເທື່ອ.
ຄຳຖະແຫລງແບບກົງໆຂອງທ່ານໄດ້ສະທ້ອນໃຫ້ເຫັນເຖິງຄວາມຕື່ນຕົກໃຈແລະຄວາມເປັນຫ່ວງ ຂອງບັນດາຜູ້ນຳຢູໂຣບຈຳນວນນຶ່ງ ໃນການເລືອກຕັ້ງ ທ່ານ Trump ຜູ້ທີ່ໄດ້ຍ້ອງຍໍສັນລະເສີນປະທານາທິບໍດີຣັດເຊຍ ທ່ານ Vladimir Putin ຢູ່ໃນຫຼາຍໆໂອກາດ ແລະໄດ້ຕັ້ງຄຳຖາມ ກ່ຽວກັບຫລັກການຂອງການປ້ອງກັນຮ່ວມ ຢູ່ໃນອົງການ NATO.
