ລິ້ງ ສຳຫລັບເຂົ້າຫາ

ວັນອັງຄານ, ໐໕ ມີນາ ໒໐໒໔

ນາຍົກ ເອທິໂອເປຍ ສັ່ງໃຫ້ທໍາການໂຈມຕີ “ໄລຍະສຸດທ້າຍ” ໃຫ້ແລ້ວ ຢູ່ໃນເຂດທິເກຣ


ພວກທະຫານຂອງກອງກໍາລັງພິດເສດ Amhara ໄດ້ພາກັນຫລຽວອອກມາຈາກຫລັງລົດຂົນສົ່ງຄັນນຶ່ງ ໃນເມືອງ Dansha, ໃນເຂດທິເກຣຂອງເອທິໂອເປຍ, ວັນທີ 25 ພະຈິກ, 2020
ພວກທະຫານຂອງກອງກໍາລັງພິດເສດ Amhara ໄດ້ພາກັນຫລຽວອອກມາຈາກຫລັງລົດຂົນສົ່ງຄັນນຶ່ງ ໃນເມືອງ Dansha, ໃນເຂດທິເກຣຂອງເອທິໂອເປຍ, ວັນທີ 25 ພະຈິກ, 2020

ກອງກຳລັງທະຫານຂອງເອທິໂອເປຍໄດ້ຖືກສັ່ງໃຫ້ທໍາການໂຈມຕີທາງທະຫານ “ໄລຍະສຸດທ້າຍ” ໃນນະຄອນຫຼວງເມເຄລລີຂອງເຂດທິເກຣ (Tigray) ໃຫ້ສໍາເລັດ, ຫຼັງຈາກກອງກຳລັງທະຫານທ້ອງຖິ່ນ ບໍ່ຍອມຈຳນົນພາຍຕາມກຳນົດເສັ້ນຕາຍພາຍໃນ 72 ຊົ່ວໂມງ ທີ່ນາຍົກລັດຖະມົນຕີວາງອອກມາ.

"ປະຕູແຫ່ງສັນຕິພາບປ່ອງສຸດທ້າຍທີ່ຍັງເປີດໃຫ້ກຳລັງປົດປ່ອຍປະຊາຊົນທິເກຣ ຫຼື TPLF ຍ່າງຜ່ານນັ້ນ ໄດ້ຖືກປິດໄວ້ຢ່າງແໜ້ນແກ່ນແລ້ວ ຍ້ອນການໝິ່ນປະໝາດຂອງ TPLF ຕໍ່ປະຊາຊົນເອທິໂອເປຍ," ນັ້ນຄືຄໍາເວົ້າຂອງນາຍົກລັດຖະມົນຕີອາບີອີ ອາເມດ (Abiy Ahmed) ທີ່ກ່າວຢູ່ໃນຖະແຫຼງການອັນນຶ່ງໃນວັນພະຫັດວານນີ້.

ໃນຕົ້ນອາທິດນີ້, ທ່ານອາບີອີ ຜູ້ທີ່ໄດ້ຮັບລາງວັນໂນແບລຂະແໜງສັນຕິພາບໃນປີກາຍນີ້ ສໍາລັບຄວາມພະຍາຍາມໃນການເຮັດໃຫ້ຄວາມຂັດແຍ້ງທີ່ມີມາແຕ່ດົນນານ ລະຫວ່າງປະເທດຂອງທ່ານ ແລະເຣິເທຣຍ, ຊຶ່ງເປັນປະເທດເພື່ອນບ້ານສິ້ນສຸດລົງນັ້ນໄດ້ໃຫ້ເວລາແກ່ແນວໂຮມ TPLF 72 ຊົ່ວໂມງ ເພື່ອຍອມຈຳນົນ ຖ້າບໍ່ດັ່ງນັ້ນກໍຈະປະເຊີນກັບການໂຈມຕີທາງທະຫານໃສ່ເມືອງເມເຄລລີ (ເມືອງເມເຄລລີ).

ກອງທັບເອທິໂອເປຍໄດ້ສູ້ລົບກັບກອງກຳລັງທ້ອງຖິ່ນໃນເຂດທີເກຣຕັ້ງແຕ່ວັນທີ 4 ພະຈິກເປັນຕົ້ນມາ ໃນເວລາທີ່ທ່ານ ອາບີອີ ໄດ້ສົ່ງກຳລັງທະຫານປ້ອງກັນ ຊາດເຂົ້າໄປໃນເຂດດັ່ງກ່າວ ຫຼັງຈາກໄດ້ກ່າວຫາກອງກຳລັງທ້ອງຖິ່ນວ່າທໍາການໂຈມຕີຖານທັບທະຫານແຫ່ງນຶ່ງຢູ່ທີ່ນັ້ນ.

ປະຊາຊົນຫຼາຍຮ້ອຍຄົນໄດ້ຖືກຂ້າຕາຍ ແລະຫລາຍກວ່າ 40,000 ຄົນໄດ້ຫລົບໜີໄປຍັງຊູດານ, ປະເທດເພື່ອນບ້ານ, ໂດຍໄດ້ເລົ່າເລື່ອງການກໍ່ຄວາມຮຸນແຮງທີ່ໜ້າຢ້ານກົວນີ້ໃຫ້ຟັງ.

ທ່ານອາບີອີໄດ້ເຕືອນປະຊາຊົນໃນເມືອງເມເຄລລີ ໃນວັນພະຫັດວານນີ້ວ່າ ໃຫ້ປົດອາວຸດ ແລະພາກັນຢູ່ໃນເຂດນັ້ນ.

ການຂັດແຍ່ງດັ່ງກ່າວໄດ້ເຮັດໃຫ້ມີຄໍາເຕືອນມາຈາກບັນດາອົງການສິດທິມະນຸດແລະອົງການສະຫະປະຊາຊາດທີ່ໄດ້ຮຽກຮ້ອງໃຫ້ທ່ານອາບີອີຊອກຫາວິທີແກ້ໄຂທາງການທູດຕໍ່ບັນຫາດັ່ງກ່າວນັ້ນ ໂດຍຍົກໃຫ້ເຫັນເຖິງຄວາມຫຍຸ້ງຍາກທີ່ພົນລະເຮືອນໄດ້ປະສົບຢູ່ແລ້ວ ຍ້ອນເສດຖະກິດທີ່ອ່ອນແອແລະການລະບາດຂອງໄວຣັສໂຄໂຣນາ.

ແຕ່ມາຮອດປະຈຸບັນນີ້ອາບີອີຍັງໄດ້ປະຕິເສດທຸກການຮຽກຮ້ອງໃຫ້ມີການເຈລະ ຈາໃດໆ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG