ບັນດາຜູ້ມີສິດປ່ອນບັດໃນ Ethiopia ພາກັນອອກໄປລົງຄະແນນສຽງເລືອກຕັ້ງໃນວັນອາທິດມື້ນີ້
ເພື່ອເລືອກເອົາລັດຖະສະພາໃໝ່ ເປັນຄັ້ງທຳອິດນັບແຕ່ການເລືອກຕັ້ງໃນປີ2005 ປະສົບກັບການ
ຂາດຕົກບົກພ່ອງທ່ີຍັງຜົນໃຫ້ເກີດຄວ່າມວຸ້ນວາຍຂຶ້ນໃນປະເທດນັ້ນ. ປະຊາຊົນທີ່ມີສິດເລືອກຕັ້ງຈຳ
ນວນຫລາຍກວ່າ 32 ລ້ານຄົນຈະມີໂອກາດເລືອກເອົາສະມາຊິກສະພາ 547 ທ່ານຂອງຕົນ. ພັກລັດຖະ
ບານທ່ີປົກຄອງປະເທດໃນປັດຈຸບັນ ພາກັນທຳນາຍວ່າພວກຕົນຈະຊະນະການເລືອກຕັ້ງຢ່າງຖ້ວມລົ້ນ
ໃນອັນທ່ີລັດຖະບານໄດ້ໃຫ້ຄຳໝັ້ນສັນຍາໄວ້ວ່າ ຈະເປັນການເລືອກຕັ້ງທ່ີຍຸຕິທຳແລະໂປ່ງໃສນັ້ນ.
ແຕ່ພວກພັກການເມືອງຝ່າຍຄ້ານແລະບັນດາກຸ່ມປົກປ້ອງສິດທິມະນຸດກ່າວວ່າ ລັດຖະບານໄດ້ຂົ່ມຂູ່
ພວກສມັກຮັບເລືອກຕັ້ງຝ່າຍຄ້ານແລະພວກທ່ີສະໜັບສະໜຸນເຂົາເຈົ້າ.
ນາຍົກລັດຖະມຸນຕີ Meles Zenawi ກ່າວວ່າ ພວກຝ່າຍຄ້ານວາງແຜນການທ່ີຈະກໍ່ຄວາມຮຸນແຮງຂຶ້ນ
ອັນເປັນການກ່າວຫາທ່ີຝ່າຍຄ້ານປະຕິເສດໄປນັ້ນ.
ບັນດາສະມາຊິກຂອງຄະນະກຳມະການກຳກັບການເລືອກຕັ້ງແຫ່ງຊາດກ່າວວ່າ ເຂົາເຈົ້າຄາດວ່າ ປະຊາຊົນອີທີໂອເປຍ
ຈຳນວນ27 ລ້ານຄົນຫລາຍເປັນປວັດການ ຈະພາກັນໄປລົງຄະແນນສຽງໃນການແຂ່ງຂັນຄັ້ງນີ້ ແຕ່ການສຸ່ມຢັ່ງສຽງ
ປະຊາຊົນຈາກຜູ້ສື່ຂ່າວ ວີໂອເອ ຕາມຖະໜົນຫົນທາງສາຍຕ່າງໆໃນນະຄອນຫລວງ Addis Ababa ສະແດງໃຫ້
ເຫັນວ່າ ປະຊາຊົນບໍ່ສົນໃຈໃນການເລືອກຕັ້ງ ຊຶ່ງຫລາຍຄົນເວົ້າວ່າເຂົາເຈົ້າບໍ່ໄດ້ໄປລົງທະບຽນໃນການເລືອກຕັ້ງຄັ້ງນີ້.
ວັນອັງຄານ, ໑໑ ມີນາ ໒໐໒໕
