ນັກໂທດຄົນນຶ່ງ ທີ່ໄດ້ຫລົບໜີຈາກຄຸກລັດນິວຢອກ ໄດ້ຖືກຍິງ
ຕາຍໂດຍເຈົ້າໜ້າທີ່ຕຳຫລວດ.
ຜູ້ປົກຄອງລັດນິວຢອກທ່ານ Andrew Cuomo ກ່າວໃນວັນ
ສຸກວານນີ້ວ່າ ນັກໂທດທີ່ຖືກຕັດສິນຂ້າຄົນ ທ້າວ Richard
Matt ໄດ້ຖືກຍິງຕາຍ ໂດຍເຈົ້າໜ້າທີ່ຕຳຫລວດ ຫລັງຈາກ
ປະຊາຊົນຄົນນຶ່ງແຈ້ງວ່າ ໄດ້ຍິນສຽງປືນຍິງນັດນຶ່ງ ຢູ່ທີ່ ບ່ອນ
ຈອດລົດນອນປ່າ ທີ່ເມືອງMalone ໃນລັດ New York.ທ່ານ
ກ່າວວ່າ ພວກເຈົ້າໜ້າທີ່ພາສີແລະຕຳຫລວດຊາຍແດນໄດ້ຂີ່
ເຮືອບິນເຮລິຄອບເຕີ ໄປຍັງ ບໍລິເວນດັ່ງກ່າວ ແລະໄດ້ກິ່ນໝື້
ປືນຢູ່ໃກ້ໆນັ້ນ.
ທ່ານ Cuomo ກ່າວວ່າ ບັນດາເຈົ້າໜ້າທີ່ ບໍ່ຮູ້ເທື່ອວ່າ ເພື່ອນຂອງນັກໂທດທີ່ລັກໜີອີກ
ຄົນນຶ່ງ ທ້າວ David Sweat ຢູ່ ຫລືວ່າໄດ້ຢູ່ ກັບທ້າວ Matt ໃນ ເວລາຜູ້ກ່ຽວຖືກຍິງນັ້ນ.
ທ້າວ Matt ພ້ອມດ້ວຍທ້າວ Sweat ໄດ້ຫລົບໜີຈາກຄຸກ Clinton ທາງພາກເໜືອຂອງ
ລັດນິວຢອກ ໃກ້ກັບຊາຍແດນ Canada ເມື່ອສາມອາທິດກ່ອນ ທີ່ກໍ່ ໃຫ້ເກີດມີການຕາມ
ລ່າຫາໂຕພວກກ່ຽວຢ່າງໃຫຍ່.
ເຈົ້າໜ້າທີ່ຕຳຫລວດ ຫລາຍກວ່າ 1,000 ຄົນໄດ້ທຳການຊອກຄົ້ນຫາ ພວກນັກໂທດທີ່
ຫລົບໜີໄປທັງສອງ.
ທ້າວ Matt ແລະທ້າວ Sweat ໄດ້ພາກັນແຫກຄຸກອອກຈາກຫ້ອງກັກຂັງ ທີ່ມີການຄຸມ
ຂັງທີ່ໜາແໜ້ນ ໂດຍໃຊ້ເຄື່ອງມື ທີ່ລັກນຳເຂົ້າໄປກັບຊີ້ນ hamburger ທີ່ແຂງເປັນນໍ້າ
ກ້ອນ.
ພະນັກງານຄຸມຄຸກສອງຄົນໄດ້ຖືກຈັບ ທີ່ພົວພັນກັບການຫລົບໜີ. ທ່ານ Gene Palmer
ແລະນາງ Joyce Mitchelle ໄດ້ຖືກກ່າວຫາວ່າ ໃຫ້ການຊ່ວຍເຫຼືອ ລັກເອົາເຄື່ອງມື ຮວມ
ທັງໃບເລື່ອຍ ແລະເຄື່ອງເຈາະໃຫ້ແກ່ສອງຄົນ.
ທ້າວ Matt ອາຍຸ 49 ປີ ໄດ້ຮັບໃຊ້ໂທດ 25 ປີ ຫາຕະຫລອດຊີວິດຍ້ອນການລັກພາໂຕ
ແລະສັງຫານອະດີດນາຍຂອງລາວ ໂດຍຕັດຕົນໂຕອອກເປັນຕ່ອນໆ ໃນປີ 1997.
ທ້າວ Sweat ອາຍຸ 35 ປີ ແມ່ນຮັບໃຊ້ໂທດຕິດຄຸກຕະຫລອດຊີວີດ ໂດຍປາດສະຈາກ
ການປ່ອຍໂຕກ່ອນກຳນົດໃດໆ ໃນຖານຄາດຕກຳເຈົ້າໜ້າທີ່ຕຳຫລວດ ໃນລັດນິວຢອກ
ໃນປີ 2002.
