ປະທານາທິບໍດີເທີກີ ທ່ານ Recep Tayyip Erdogan ປາກົດວ່າ ຈະໃຊ້ທັງການປະ
ເຊີນໜ້າແລະການປະນີປະນອມ ໃນວັນສຸກວານນີ້ ໂດຍກ່າວວ່າ ໝາຍກຳນົດການທີ່
ຈະໂອ້ລົມກັບປະທານາທິບໍດີດໍໂນລ ທຣຳ ໃນອາທິດໜ້າ ອາດຈະເປັນຂີດໝາຍຂອງ
“ການເລີ່ມຕົ້ນໃໝ່” ໃນສາຍພົວພັນ ລະຫວ່າງປະເທດ ພັນທະມິດຂອງອົງການເນໂຕ້
ທັງສອງ ທີ່ມີຄວາມບໍ່ເຂົ້າໃຈກັນ ຫຼາຍຂຶ້ນນັບມື້ກ່ຽວກັບຊີເຣຍ.
ທ່ານ Erdogan ແນວໃດກໍຕາມ ໄດ້ກ່າວຢ່າງລະມັດລະວັງວ່າ ການຕັດສິນໃຈ ຂອງ
ວໍຊິງຕັນທີ່ຈະຕິດອາວຸດໃຫ້ແກ່ພວກຊາວເຄີດໃນຊີເຣຍເພື່ອໂຈມຕີທີ່ໝັ້ນກຸ່ມລັດອິສ
ລາມໃນເມືອງຣັກກາໄດ້ສ້າງຄວາມເສຍຫາຍໃຫ້ແກ່ສາຍພົວພັນທາງຍຸດທະສາດລະ
ຫວ່າງເທີກີແລະສະຫະລັດ.
ພ້ອມດຽວກັນນີ້ ທ່ານກໍໄດ້ເຕືອນວ່າ ກຳລັງຂອງເທີກີ ຈະສືບຕໍ່ປະຕິບັດງານ ທາງທະ
ຫານ ຕໍ່ຕ້ານພວກທະຫານບ້ານຊາວເຄີດ ບໍ່ພຽງແຕ່ ໃນປະເທດອີຣັກເທົ່ານັ້ນ ແຕ່ຍັງ
ຈະຮວມທັງພັນທະມິດຂອງສະຫະລັດໃນພາກເໜືອຂອງປະເທດຊີເຣຍນຳດ້ວຍ.
ການໃຫ້ຄວາມເຫັນຂອງຜູ້ນຳເທີກີ ທີ່ມີຂຶ້ນກ່ອນອອກເດີນທາງຈາກສະໜາມບິນນະ
ຄອນອັງກາຣາ ເພື່ອຢຸດແວ່ທີ່ປະເທດຈີນ ແມ່ນມີຄວາມແຕກຕ່າງໄປໜ້ອຍນຶ່ງ ຈາກ
ການຕ້ອງຕິຢ່າງແຮງໃນຕົ້ນອາທິດນີ້ ກ່ຽວກັບການຕິດອາວຸດ ໃຫ້ແກ່ພວກຊາວເຄີດ
ໃນຊີເຣຍ ແລະກົງກັນຂ້າມກັບການຕິຕຽນສະຫະລັດຂອງພວກເຈົ້າໜ້າເທີກີຫວ່າງບໍ່
ດົນມານີ້ທີ່ເຕືອນໃຫ້ຮູ້ເຖິງຜົນທີ່ຈະຕິດຕາມມາຢ່າງຮ້າຍແຮງ.
ທ່ານ Erdogan ກ່າວວ່າ “ສະຫະລັດ ພວມກຳລັງຜ່ານຜ່າ ໄລຍະຂ້າມຜ່ານ ແລະ
ພວກເຮົາຕ້ອງໄດ້ລະມັດລະວັງຫຼາຍຂຶ້ນແລະໃຫ້ຄວາມສຳຄັນຕື່ມ.”
ສື່ມວນຊົນບາງສະບັບ ລາຍງານໃນວັນສຸກວານນີ້ວ່າ ການໃຫ້ຄວາມເຫັນຂອງທ່ານ
Erdogan ແມ່ນເປັນການທຳນາຍທີ່ດີສຳລັບການຫາລືໃນອາທິດໜ້າແຕ່ອະດີດສະ
ມາຊິກສະພາ Aykan Erdemir ຊ້ຳພັດບໍ່ເຊື່ອ ແບບນັ້ນ. ທ່ານຖົກຖຽງວ່າ ການກະ
ທຳຂອງທ່ານ Erdogan ແມ່ນໄດ້ມີຄວາມລະມັດລະວັງໃນການ ໃຫ້ຄວາມເຫັນຂອງ
ທ່ານກ່ຽວກັບປະທານາທິບໍດີທຣຳໂດຍຈະປ່ອຍໃຫ້ພວກຜູ້ຊ່ອຍຕ້ອງຕິແຮງກວ່າທ່ານ.
ທ່ານທຳນາຍວ່າ ຜູ້ນຳຂອງເທີກີ ຈະໃຊ້ກົນລະຍຸດໃນອາທິດໜ້ານີ້ ຢູ່ທີ່ທຳນຽບຂາວ
ທີ່ວ່າ ທ່ານໄດ້ຮຽນຮູ້ຄືກັນກັບນັກເຕະບານທີ່ວ່າ “ການປ້ອງກັນທີ່ດີທີ່ສຸດກໍຄືການບຸກ
.” ທ່ານ Erdemir ກ່າວວ່າທ່ານຈະເລີ້ມດ້ວຍບຸກທ່ານທຣຳດ້ວຍການຕໍ່ວ່າຂອງເທີກີ
ໂດຍສະເພາະແມ່ນກ່ຽວກັບການຕັດສິນໃຈທີ່ອະນຸຍາດໃຫ້ທຳນຽບຫ້າແຈຕິດອາວຸດ
ໃຫ້ພວກທະຫານບ້ານຊາວເຄີດ ທີ່ຄອບງຳກຳລັງປະຊາທິປະໄຕໃນຊີເຣຍຫຼື SDF.
