ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຄໍາສັບພາສາອັງກິດໃນຂ່າວ Expulsion ແປວ່າ ການຂັບໄລ່


ຮຽນຄໍາສັບພາສາອັງກິດໃນຂ່າວ Expulsion ແປວ່າ ການຂັບໄລ່

Welcome to the Voice of America’s News Words.

ທ່ານນັກຮຽນນັກສຶກສາທັງຫຼາຍ ຍິນດີຕ້ອນຮັບທ່ານເຂົ້າສູ່ລາຍການ ຮຽນຄໍາສັບພາສາອັງກິດໃນຂ່າວ ບ່ອນທີ່ພວກເຮົາເວົ້າ ກ່ຽວກັບ ຄໍາສັບ ທີ່ທ່ານອາດໄດ້ຍິນຢູ່ໃນຂ່າວ.

In March, Russian ex-spy Sergei Skripal and his daughter were poisoned by a dangerous chemical in a small town in Britain.

ໃນ​ເດືອນ​ມີນາ​, ອະດີດ​ນັກສືບ ຣັດ​ເຊຍ ທ້າວ ເຊີເກ ສກຣີປາລ (Sergei Skripal) ​ແລະ​ລູກ​ສາວ​ຂອງ​ລາວ​ຖືກວາງຢາ​ພິດດ້ວຍ​ສານ​ເຄ​ມີ​ອັນ​ຕະລາຍ​ ຢູ່ທີ່​ເມືອງ​ນ້ອຍໆ​ແຫ່ງ​ນຶ່ງ​ໃນປະເທດ​ອັງກິດ.

EXPULSION: EXPULSION

Britain’s Prime Minister said Russia was behind the attacks.

ນາ​ຍົກ​ລັດ​ຖະ​ມົນ​ຕີ​ອັງ​ກິດ​ກ່າວ​ວ່າ ຣັດ​ເຊຍ ເປັນຜູ້​ຢູ່​ເບື້ອງ​ຫຼັງ​ການ​ລົງມືກະທໍາການໂຈມຕີດັ່ງກ່າວ.

Britain and more than 20 countries said Russian diplomats must leave.

ອັງກິດ ​ແລະ ຫຼາຍກວ່າ 20 ປະ​ເທດ​ກ່າວ​ວ່າ ນັກ​ການ​ທູດ​ຣັດ​ເຊຍ ​ຕ້ອງ​ອອກ​ຈາກ​ປະ​ເທດໄປ.

This will be the single biggest expulsion for over 30 years.

ນີ້ຈະ​ເປັນ​ການ​ຂັບ​ໄລ່​ຄັ້ງ​ດຽວ​ທີ່​ໃຫຍ່​ທີ່​ສຸດ​ໃນ​ຮອບຫຼາຍກວ່າ 30 ປີ.

Russian president Vladimir Putin denies the charges and ordered the expulsion of some foreign diplomats from Russia.

ປະທານາທິບໍດີຣັດ​ເຊຍ ທ່ານວະລາດີເມຍ ປູຕິນ ໄດ້ປະຕິ​ເສດຕໍ່​ຂໍ້​ກ່າວ​ຫາດັ່ງກ່າວ ​ແລະກໍ​ມີຄໍາ​ສັ່ງ​ໃຫ້​ຂັບ​ໄລ່​ນັກ​ການ​ທູດ​ຕ່າງປະ​ເທດ​ຈໍານວນນຶ່ງ​ອອກ​ຈາກຣັດ​ເຊຍເຊັ່ນກັນ.

Expulsion is the act of forcing someone to leave a place, such as a country or a school.

ການຂັບໄລ່ (expulsion) ແມ່ນເປັນການບັງຄັບໃຫ້ຜູ້ໃດຜູ້ນຶ່ງອອກຈາກບ່ອນໃດໜຶ່ງເຊັ່ນວ່າ ປະເທດ ຫຼື ໂຮງຮຽນ.

Expulsion is a severe measure, often meant as a punishment.

Expulsion ແມ່ນມາດຕະການທີ່ຮຸນແຮງ, ເຊິ່ງຄໍາສັບດັ່ງກ່າວນີ້ ມັກຈະມີຄວາມຫມາຍກ່ຽວກັບການລົງໂທດ.

ຟໍຣັມສະແດງຄວາມຄິດເຫັນ

XS
SM
MD
LG