ຫຼັງຈາກ ສະຫະລັດ ໄດ້ປະກາດວ່າເຂົາເຈົ້າໄດ້ຢຸດການຊ້ອມລົບທາງອາກາດຮ່ວມກັບ
ເກົາຫຼີໃຕ້ ໄວ້ຊົ່ວຄາວນັ້ນ, ລັດຖະບານ ໂຊລ ກໍໄດ້ປະກາດວ່າເຂົາເຈົ້າຈະດຳເນີນ
ການຝຶກຊ້ອມດ້ວຍຕົນເອງ.
ການຊ້ອມລົບທາງອາກາດຮ່ວມ ຊື່ວ່າ Vigilance Ace ໄດ້ມີແຜນຈັດຂຶ້ນໃນເດືອນ
ທັນວາ 2018, ແຕ່ໄດ້ຖືກຍົກເລີກໂດຍທຳນຽບຫ້າແຈ ເພື່ອໃຫ້ຄວາມພະຍາຍາມທາງ
ການທູດກັບ ເກົາຫຼີເໜືອ “ໄດ້ມີທຸກໆໂອກາດ ທີ່ຈະດຳເນີນຕໍ່ໄປ.”
ບັນດາຜູ້ຊ່ຽວຊານທີ່ໄດ້ລົມກັບວີໂອເອ ແມ່ນບໍ່ເຫັນພ້ອມນຳກັນ ກ່ຽວກັບ ວ່າ ສະພາບ
ການຢູ່ແຫຼມ ເກົາຫຼີ ນັ້ນແມ່ນໄດ້ພັດທະນາດີຂຶ້ນພໍ ແລະ ມີຜົນທີ່ເຂົາເຈົ້າທີ່ຕ້ອງການ
ເພື່ອແຈ້ງຢຸດການຊ້ອມລົບດັ່ງກ່າວ.
ການຊ້ອມລົບ Vigilant Ace ແມ່ນນຶ່ງໃນສອງການຊ້ອມລົບໃຫຍ່ທີ່ຖືກຢຸດໄວ້ຊົ່ວ
ຄາວ ນັບຕັ້ງແຕ່ກອງປະຊຸມສຸດຍອດ ສິງກະໂປ ເມື່ອເດືອນມິຖຸນາ ທີ່ຜ່ານມາ ລະຫວ່າງ
ປະທານາທິບໍດີ ສະຫະລັດ ທ່ານ ດໍໂນລ ທຣຳ ແລະ ຜູ້ນຳເກົາຫຼີເໜືອ ທ່ານ ກິມ ຈົງ ອຶນ.
ການຊ້ອມລົບທັງຫຼາຍໄດ້ຖືກໂຈະໄວ້ ເພື່ອຜ່ອນຄາຍຄວາມເຄັ່ງຕຶງໃນແຫຼມ ເກົາຫຼີ
ແລະ ໄດ້ສະໜັບສະໜູນການ ເຈລະຈາກັບ ພຽງຢາງ, ດັ່ງນັ້ນເຂົາເຈົ້າຈຶ່ງຈະຍົກເລີກ
ໂຄງການອາວຸດນິວເຄລຍ ແລະ ລູກສອນໄຟຂີປະນາວຸດ.
ແຕ່ເຈົ້າໜ້າທີ່ກະຊວງປ້ອງກັນປະເທດ ເກົາຫຼີໃຕ້ ຄົນນຶ່ງໄດ້ປະກາດໃນວັນຈັນທີ່ຜ່ານ
ມາວ່າ, “ການຊ້ອມລົບຂອງກອງທັບອາກາດ ເກົາຫຼີໃຕ້ ຈະບໍ່ມີການປ່ຽນແປງ, ເຖິງແມ່ນ
ໂຄງການຊ້ອມລົບຮ່ວມ ຈະບໍ່ໄດ້ຖືກຈັດຂຶ້ນກໍຕາມ.”
ປີກາຍນີ້, ການຊ້ອມລົບຮ່ວມ Vigilance Ace ມີເຮືອບິນຫຼາຍກວ່າ 230 ລຳ ແລະ ທະ
ຫານ ສະຫະລັດ ປະມານ 12,000 ຄົນເຂົ້າຮ່ວມ.
