ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສານໄທ ຈະອອກ ຄຳຕັດສິນ ການຟ້ອງ ນາຍົກ​ຍິ່ງລັກ ໃນມື້ວັນພຸດ (ວີດີໂອ)


Thailand Politics VOSOT
please wait

No media source currently available

0:00 0:01:16 0:00
ສານ​ລັດຖະທຳ​ມະນູນ​ຂອງ​ໄທ ກ່າວວ່າ ຕົນ​ຈະ​ອອກ​ຄຳ​ຕັດສິນ​
ໃນ​ວັນ​ພຸດ​ມື້​ອື່ນ​ນີ້ ກ່ຽວ​ກັບຄະດີ​ກ່າວ​ຫານາຍົກລັດຖະມົນຕີ​ຍິ່ງ​
ລັກ ຊິນນະ​ວັດ ວ່າ​ໃຊ້​ອຳນາດ​ເກີນ​ຂອບເຂດ​ນັ້ນ.

ນາຍົກລັດຖະມົນຕີ​ໄທ ທີ່​ອາດ​ສາມ​າດຖືກ​ປົດ​ອອກ​ຈາກ​ຕຳ
​ແໜ່​ງ​ໄດ້ ຖ້າຖືກ​ຕັດສິນ​ວ່າ​ມີ​ຄວາມ​ຜິດ​ນັ້ນ ​ໄດ້​ໄປປະກົດ​ຕົວ
​ຕໍ່ໜ້າ​ສານ​ລັດຖະທຳມະນູນ​ ທີ່​ບາງກອກ ໃນ​ມື້​ນີ້ເພື່ອ​ຕໍ່ສູ້​ຄະດີ​ ຊຶ່ງ​ທ່ານ​ນາງ​ໄດ້​ກ່າວ​ປະຕິ​ເສດ​ຕໍ່​ຂໍ້​ກ່າວ​ຫາ​ຕ່າງໆ ​ໂດຍ​ເວົ້າ​ວ່າ:“ຮຽນ​ສານ​ທີ່​ເຄົາລົບ ກ່ອນ​ອື່ນ ຂ້າພະ​ເຈົ້າ​ຕ້ອງ​ຂໍຖື​ໂອກາດ​ປະຕິ​ເສດ ຕໍ່​ຂໍ້​ກ່າວ​ຫາ​ທັງ​ໝົດ ຕ້ານຂ້າພະ​ເຈົ້າ​ນັ້ນ.”

ຂໍ້​ກ້າວ​ຫາ​ເຫລົ່າ​ນັ້ນ ​ແມ່ນ​ກ່ຽວຂ້ອງ​ກັບ​ການ​ສັບ​ປ່ຽນ ຜູ້​ທີ່​ດຳລົງ​ຕຳ​ແໜ່​ງຫົວໜ້າ​ຄວາມ​ໝັ້ນຄົງ​ແຫ່ງ​ຊາດຂອງ​ທ່ານ​ນາງ ​ໃນປີ 2011 ຊຶ່ງ​ພວກ​ຕຳ​ໜິຕິ​ຕຽນ​ທ່ານ​ນາງກ່າວ​ວ່າ ​
ເປັນ​ການ​ເຄື່ອນ​ໄຫວ​ທີ່ບໍ່​ຖືກຕ້ອງ​ສອດຄ່ອງກັບລັດຖະ​ທຳ​ມະນູນ ​ແລະມີ​ເປົ້າ​ໝາຍ​ເພື່ອ​ສ້າງ​ຜົນ​ປະ​ໂຫຍ​ດໃຫ້ແກ່​ພັກ​ເພື່ອ​ໄທ ​ຂອງ​ທ່ານ​ນາງ​ເອງ.

ໃນ​ຄະດີນຶ່ງ​ອີກຕ່າງຫາກ ຄະນະ​ກຳມະການຕໍ່​ຕ້ານ​ການ​ທຸ​ຈະລິດ​ຂອງ​ໄທ ​ໄດ້​ກ່າວຫາ ທ່ານ​ນາງວ່າ ປ່ອຍປະ​ລະ​ເລີຍໜ້າ​ທີ່ ກ່ຽວ​ກັບ​ໂຄງການຈຳນຳ​ເຂົ້າຂອງ​ໄທ ທີ່​ພວກ​ວິ​ພາກ​ວິຈານ​ກ່າວ​ວ່າ ​ເປັນ​ການ​ສິ້ນ​ເປືອງ​ແລະເປັນການສໍ້​ລາດ​ບັງ​ຫຼວງ.

ນາຍົກລັດຖະມົນຕີ​ໄທ ​ໄດ້ຜ່ານ​ຜ່າ​ການ​ປະ​ທ້ວງ​ ທີ່​ມີ​ຈຸດປະສົງຈະ​ໂຄ່ນລົ້ມລັດຖະບານ
ຂອງທ່ານນາງ ເປັນເວລາ​ຫຼາຍໆ​ເດືອນຜ່ານ​ມາ​ແລ້ວ ​ແຕ່​ວ່າ​ຄະດີ​ຄວາມ​ໃນ​ສານ​ລັດຖະ
ທຳ​ມະນູນຄັ້ງ​ນີ້ ແມ່ນ​ເປັນ​ການ​ທ້າ​ທາຍ​ໃໝ່ ຕໍ່ການ​ປົກຄອງ​ປະ​ເທດຂອງ​ທ່ານ​ນາງ.
XS
SM
MD
LG