ລິ້ງ ສຳຫລັບເຂົ້າຫາ

site logo
ວັນພຸດ, 25 ພຶດສະພາ 2022

Elizabeth Taylor ເຖິງແກ່ມໍລະນະກຳ


ມື້ລາງດາລາຮູບເງົາທີ່ມີຊື່ສຽງໂດ່ງດັງ Elizabeth Taylor

ດາລາຮູບເງົາ Hollywood ທີ່ມີຊື່ສຽງໂດ່ງດັງ Elizabeth Taylor ໄດ້ເຖິງແກ່ມໍລະນະກຳ
ແລ້ວ ຮວມອາຍຸໄດ້ 79 ປີ.

ຖະແຫຼງຂ່າວຂອງຄອບຄົວ Taylor ເວົ້າວ່າ ທ່ານນາງໄດ້ເສຍຊີວິດດ້ວຍຄວາມ ສະຫງົບ ທ່າມກາງພວກລູກໆທີ່ຢູ່ອ້ອມຂ້າງ.

ດາລາຮຸ່ນອະວຸໂສທ່ານນີ້ ທີ່ມີ​ຊື່​ສຽງຂຶ້ນມາ​ ຍ້ອນຮູບເງົາຫຼາຍໆເລື່ອງ ເຊັ່ນ​ເລື່ອງ Na-
tional Velvet ຊຶ່ງເຮັດໃຫ້ທ່ານນາງກາຍເປັນດາລາຕັ້ງ​ແຕ່ຍັງມີອາຍຸ 12 ປີແລະເລື່ອງ
Cleopatra ນັ້ນ ບໍ່​ສະບາ​ຍມາ​ໄດ້​ໄລຍະ​ນຶ່ງ​ແລ້ວ​ ຍ້ອນບັນຫາຫົວໃຈລົ້ມແຫຼວຢ່າງຮ້າຍ
ແຮງ. ທ່ານນາງໄດ້ເຂົ້າຮັບການປິ່ນປົວພະຍາບານທີ່ນະຄອນ Los Angeles ໃນໄລ
ຍະ 6 ອາທິດຜ່ານມາ.

ທ່ານນາງ Taylor ໄດ້ຮັບລາງວັນຕຸກກະຕາຄຳ ໃນບົດບາດການສະແດງໃນຮູບເງົາເລື່ອງ
Who’s Afraid of Virginia Woolf? ແລະ Butterfield 8. ໃນໄລຍະຫຼາຍປີຕໍ່ມາ
ທ່ານນາງໄດ້ເປັນໂຄສົກໃຫ້ອົງການມະນຸດສະທຳຕ່າງໆເຊັ່ນການຄົ້ນຄວ້າກ່ຽວກັບໂຣກ
ເອດສ໌ໂດຍ​ໄດ້ຊ່ອຍຊອກຫາທຶນຫຼາຍໆລ້ານໂດລາໄປໃຫ້ວຽກງານດັ່ງກ່າວນີ້ເຮັດໃຫ້ທ່ານ
ນາງໄດ້ຮັບລາງວັນຕຸກກະຕາຄຳ Oscar ພິເສດໃນປີ 1993.

ທ່ານນາງ Taylor ເປັນຄົນອະເມຣິກັນ ເກີດທີ່ກຸງລອນດອນ​ແລະຍ້າຍໄປຢູ່ ນະຄອນ Los
Angeles ກ່ອນສົງຄາມໂລກຄັ້ງທີ 2. ຫລັງ​ຈາກ​ນັ້ນ ກໍໄດ້ເລີ້ມຈາກການເປັນດາລານ້ອຍ
ຂອງ Hollywood ໄປສູ່ດາລາຮູບເງົາທີ່ໂດ່ງດັງກ້ອງ​ໂລກ ຊຶ່ງໃນບາງຄັ້ງ ຖືກເອີ້ນວ່າ ເປັນ
ແມ່ຍິງທີ່ງາມທີ່ສຸດໃນໂລກ.

ທ່ານນາງໄດ້ສະແດງຮູບເງົາຂອງ Hollywood ຫຼາຍກວ່າ 50 ເລື່ອງ ໂດຍໄດ້ສະແດງ
ຮ່ວມກັບດາລາທີ່ສຳຄັນອື່ນໆໃນຊຸມປີ 1940 ແລະ 1950 ໃນຮູບເງົາ ເລື່ອງຕ່າງໆ ເຊັ່ນ
Raintree Country, Cat on a Hot Tin Roof ແລະ Suddenly Last Summer.

XS
SM
MD
LG