ອົງການກາແດງເຄັນຢາ ກ່າວວ່າ ພວກໂຈມຕີໄດ້ສັງຫານ ຢ່າງ
ນ້ອຍ 22 ຄົນ ຢູ່ໃນ 2 ເຂດຫົວເມືອງຕາມຊາຍຝັ່ງຂອງເຄັນຢາ
ລວມທັງຢູ່ໃນເຂດນຶ່ງ ທີ່ພວກຫົວຮຸນແຮງໄດ້ສັງຫານ 65 ຄົນ
ໃນເດືອນແລ້ວນີ້.
ພວກກຸ່ມມຸສລິມ ຫົວຮຸນແຮງ al-Shabab ຊຶ່ງເປັນເຄືອຂ່າຍຂອງ
ກຸ່ມ al-Qaida ໄດ້ອອກມາອ້າງເອົາຄວາມຮັບຜິດຊອບ ສຳຫລັບ
ການໂຈມຕີເທື່ອຫລ້າສຸດນີ້ ເຊັ່ນດຽວກັບທີ່ໄດ້ອ້າງເອົາຄວາມຮັບ
ຜິດຊອບ ສຳຫລັບການສັງຫານໝູ່ໃນເດືອນແລ້ວນີ້.
ບັນດາເຈົ້າໜ້າທີ່ກ່າວໃນວັນອາທິດມື້ນີ້ ວ່າ ພວກຜູ້ຊາຍກຸ່ມນຶ່ງຈຳນວນ 10 ກ່ວາຄົນ ໄດ້
ທຳການໂຈມຕີດັ່ງກ່າວ ເມື່ອຄືນວານນີ້ ຢູ່ທີ່ເຂດ ຫົວເມືອງ Lamu ແລະ ແມ່ນ້ຳ Tana.
ໃນບັນດາພວກທີ່ເສຍຊີວິດໃນການໂຈມຕີປ້ອມຕຳຫລວດແຫ່ງນຶ່ງນັ້ນ ມີນັກໂທດຫລາຍ
ຄົນ ແລະ ຕຳຫລວດຄົນນຶ່ງ.
ເຄັນຢາ ໄດ້ປະສົບກັບການໂຈມຕີດ້ວຍ ອາວຸດປືນ ແລະ ລະເບີດຢ່າງຕໍ່ເນື່ອງ ຢູ່ສະເໝີມາ
ຕັ້ງແຕ່ລັດຖະບານ ໄດ້ສົ່ງກຳລັງທະຫານ ເຂົ້າໄປຕໍ່ສູ້ກັບ ກຸ່ມມຸສລິມຫົວຮຸນແຮງ
al-Shabab ໃນປະເທດ ໂຊມາເລຍ ເມື່ອປີ 2011.
