ພົບວ່າ ມີສັດ 8 ໂຕເສຍຊີວິດໃນສວນສັດແຫ່ງນຶ່ງຂອງຮົງກົງ, ລັດຖະບານຂອງເມືອງກ່າວໃນວັນຈັນມື້ນີ້, ອັນເປັນເຫດການທີ່ຫາຍາກໃນຂົງເຂດດ້ານສູນກາງການເງິນແຫ່ງນີ້, ໂດຍມີການຈັດໃຫ້ມີການກວດໃນຫ້ອງທົດລອງເພື່ອຫາສາເຫດຂອງການຕາຍ.
ພະແນກບໍລິການທ່ອງທ່ຽວ ແລະວັດທະນະທຳຂອງຮົງກົງ ກ່າວໃນຖະແຫຼງການສະບັບນຶ່ງວ່າສັດທີ່ເປັນລີງເຊັ່ນ: ລີງ De Brazza, ລີງກະຮອກທຳມະດາ 1 ໂຕ, ລີງ Tamarins ໜ້າຝ້າຍ 3 ໂຕ ແລະ Sakis ໜ້າຂາວ 3 ໂຕ, ພົບວ່າຕາຍຢູ່ໃນສວນສັດ ແລະພືດສາດຂອງເມືອງໃນວັນອາທິດວານນີ້.
ໃນຂະນະທີ່ລໍຖ້າຜົນການກວດສອບ, ພາກສ່ວນສັດລ້ຽງລູກດ້ວຍນົມຂອງສວນສັດຈະຖືກປິດ ນັບຕັ້ງແຕ່ວັນຈັນນີ້ ເພື່ອຂ້າເຊື້ອ ແລະທໍາຄວາມສະອາດ.
“ພວກເຮົາຍັງຄົງຈະຕິດຕາມສະຖານະການສຸຂະພາບຂອງສັດອື່ນໆຢ່າງໃກ້ຊິດ. ໃນລະຫວ່າງໄລຍະເວລານີ້, ຖະແຫຼງການກ່າວໂດຍໃຊ້ຕົວຫຍໍ້ຂອງສວນສັດ ແລະສວນວ່າ ສະຖານທີ່ອື່ນໆຂອງສວນສັດ HKZBG ຈະຍັງຄົງເປີດຢູ່.”
ສວນສັດ ແມ່ນສວນສາທາລະນະທີ່ເກົ່າແກ່ທີ່ສຸດໃນຂົງເຂດແຫ່ງນີ້. ສ້າງຂຶ້ນໃນປີ 1860, ມີນົກປະມານ 158 ໂຕ, ສັດລ້ຽງລູກດ້ວຍນົມ 93 ໂຕ ແລະ ສັດເລືອຄານ 21 ໂຕໃນຄອກປະມານ 40 ຄອກ.
ຟໍຣັມສະແດງຄວາມຄິດເຫັນ