ລິ້ງ ສຳຫລັບເຂົ້າຫາ

ພວກປະທ້ວງຈຳນວນນຶ່ງ ຖືກປິດລ້ອມ ທີ່ວັດ Al-Fath ຢູ່ໄຄໂຣ (ສະໄລດ໌/ວີດີໂອ)


ພວກປະທ້ວງຕໍ່ຕ້ານທ່ານ Morsi ແລະຕຳຫຼວດປາບຈະລາຈົນ ຢູ່ນອກວັດ al-Fath ໃນບໍລິເວນຈະຕຸລັດ Ramses ຂອງກຸງໄຄໂຣ (17 ສິງຫາ 2013)
ກຳລັງຮັກສາຄວາມສະຫງົບຂອງອີຈິບ ໄດ້ປິດລ້ອມວັດ ຂອງສາ
ສະໜາອິສລາມທີ່ກຸງໄຄໂຣບ່ອນທີ່ພວກປະທ້ວງປະມານນຶ່ງພັນ
ຄົນ ວາງເຄື່ອງກີດຂວາງ ຕັນພວກເຂົາເຈົ້າໄວ້ ຢູ່ຂ້າງໃນ.

ພວກປະທ້ວງໄດ້ຕົກຄ້າງຢູ່ໃນວັດແຫ່ງດັ່ງກ່າວ ເປັນເວລາຫຼາຍ
ຊົ່ວໂມງ ຫຼັງຈາກມີການເດີນຂະບວນຢ່າງຮຸນແຮງ ທີ່ກຸ່ມພະລາ ດອນພາບມຸສລິມຂອງອີຈິບເວົ້າວ່າຕົນຈະຈັດໃຫ້ມີຂຶ້ນຈົນກວ່າ ຈະມີການແຕ່ງຕັ້ງໃຫ້ປະທານາທິບໍດີທີ່ຖືກໂຄ່ນລົ້ມທ່ານ Moha-
med Morsi ເຂົ້າຮັບຕຳແໜ່ງຄືນໃໝ່ ມີຜູ້ເສຍຊີວິດເກືອບ 100
ຄົນຢູ່ໃນທົ່ວປະເທດໃນການເດີນຂະບວນປະທ້ວງທີ່ນອງເລືອດ
ໃນມື້ວັນສຸກວານນີ້.


ຕຳຫຼວດໄດ້ສະເໜີທີ່ຈະຍົກຍ້າຍພວກແມ່ຍິງອອກຈາກວັດ Al-Fath ທີ່ຕັ້ງຢູ່ໃນບໍລິເວນຈະ ຕຸລັດ Ramses ແຕ່ຢືນຢັດວ່າຈະສອບປາກຄຳພວກຜູ້ຊາຍ. ພວກປະທ້ວງໄດ້ປະຕິເສດຕໍ່ ການສະເໜີດັ່ງກ່າວ ຂອງຕຳຫຼວດ ຈຶ່ງພາໃຫ້ເກີດການປະເຊີນໜ້າກັນ ດ້ວຍຄວາມເຄັ່ງຕຶງ ຂຶ້ນ.



ວັດແຫ່ງດັ່ງກ່າວໄດ້ກາຍເປັນໂຮງໝໍແລະໂຮງເຢັນເກັບສົບຊົ່ວຄາວ ລຸນຫຼັງທີ່ໄດ້ເກີດການ ປະທະກັນຢ່າງຮ້າຍແຮງໃນມື້ວັນສຸກວານນີ້. ກະຊວງພາຍໃນຂອງອີຈິບກ່າວໃນວັນເສົາມື້ ນີ້ວ່າຕຳຫຼວດໄດ້ຈັບກຸມຫຼາຍກວ່າ 1.000 ຄົນ ທີ່ຖືກກ່າວຫາວ່າໃຫ້ມີການສະໜັບສະໜຸນ ຕໍ່ກຸ່ມພະລາດອນພາບມຸສລິມ ລະຫວ່າງການປະທ້ວງ ຢູ່ໃນທົ່ວປະເທດ ມື້ວານນີ້.

ອົງການນິລະໂທດກຳສາກົນ ຮຽກຮ້ອງໃຫ້ທຳການສືບສວນ ຢ່າງເປັນອິດສະຫຼະ ເບິ່ງການ
ນອງເລືອດຢູ່ໃນອີຈິບ. ກຸ່ມປົກປ້ອງສິດທິມະນຸດ ທີ່ມີສຳນັກງານຢູ່ປະເທດອັງກິດກຸ່ມນີ້ເວົ້າ
ວ່າ ການຮັບມືກັບເຫດການຂອງພວກເຈົ້າໜ້າທີ່ ແມ່ນຮ້າຍແຮງ ບໍ່ສົມສ່ວນ.

XS
SM
MD
LG