ລິ້ງ ສຳຫລັບເຂົ້າຫາ

ທາງ​ການ ​ອີ​ຈິບ ກວດລ້າງ ກຳ​ລັງ ຕິດ​ອາ​ວຸດ ໃນກຸງ Cairo (ວີດີໂອ)


ການປະທະກັນໃນອີຈິບ
ເຈົ້າໜ້າ​ທີ່​ອີ​ຈິບກ່າວ​ວ່າ ມີຕໍາຫຼວດຄົນ​ນຶ່ງ​ໄດ້​ຖືກ​ຍິງ​ຕາຍ ​ໃນ​ລະ
ຫວ່າງ​ການປະຕິບັດ​ງານຕໍ່ຕ້ານກຳລັງ​ປະກອບ​ອາວຸດຢູ່​ໃນ​ເຂດ
​ຊານ​ເມືອງ​ຂອງກຸງ Cairo ​ໃນ​ຕອນ​ເຊົ້າມືດຂອງ​ວັນ​ພະຫັດ​ມື້ນີ້.

​ໂທລະພາບ​ຂອງ​ທາງ​ການ​ອີ​ຈິບ ລາຍ​ງານວ່າ ກອງ​ກໍາລັງ​ຮັກສາ
​ຄວາມ​ປອດ​ໄພ​ໄດ້ບຸກ​ເຂົ້າ​ໄປໃນ​ບ້ານ Kerdasah ​ໃນ​ເຊົ້າມື້​ນີ້ ​
ໂດຍ​ໄດ້ຍິງລະ​ເບີດນໍ້າຕາ​ເຂົ້າ​ໃສ່ ​ແລະ​ປະ​ທະ​ກັບ​ພວກຫົວຮຸນ​ແຮງ.

​ເຈົ້າໜ້າ​ທີ່​ກ່າວ​ວ່າ ທະຫານ​ພວມ​ຊອກ​ຄົ້ນ​ຫາ​ ​ເພື່ອ​ຈະ​ຈັບ​ກຸມ
ພວກ​ທີ່​ຮັບຜິດຊອບ​ໃນ​ການ​ໂຈມ​ຕີປ້ອມ​ຕໍາຫຼວດໃນ​ເດືອນ​
ແລ້ວນີ້ ທີ່​ໄດ້​ສັງຫານ​ເຈົ້າ​ໜ້າ​ທີ່ 11 ຄົນ​ນັ້ນ.

ຄວາມ​ຮຸນ​ແຮງໃນ​ເດືອນ​ແລ້ວນີ້ ທີ່​ບ້ານ Kerdasah ຊຶ່ງ​ເປັນ​ທີ່​ໝັ້ນຂອງ​ພວກ​ມຸສລິ​ມ
ຫົວ​ຮຸນ​ແຮງ ​ແມ່ນ​ເກີດ​ຂຶ້ນ​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງຫຼັງ​ຈາກ​ກອງ​ກໍາລັງ​ຮັກສາ​ຄວາມ
​ປອດ​ໄພ​ໄດ້​ບຸກ​ໂຈມ​ຕີ ​ 2 ຄ້າຍຂອງສະໜັບສະໜຸນປະທານາທິບໍດີ​ທີ່​ຖືກ​ໂຄ່ນ​ລົ້ມ
ທ່ານ Mohamed Morsi.

ມີ​ຢ່າງ​ນ້ອຍ 1 ພັນຄົນ ​ໄດ້​ຖືກ​ສັງຫານ ​ໃນ​ລະຫວ່າງ​ທີ່ທະຫານ​ປາບ​ປາມພວກຫົວ​ຮຸນ​ແຮງ
ແລະ ​ພວກ​ສະໜັບສະໜຸນ ທ່ານ Morsi ​ພ້ອມ​ທັງ​ພັກ​ພະລາ​ດອນ​ພາບມຸສລິ​ມ. ​ເຈົ້າໜ້າ​ທີ່
​ອີ​ຈິບໄດ້​ອະທິ​ບາຍເຖິງ​ການ​ກວດ​ລ້າງນີ້​ວ່າ “ເປັນການ​ເ​ຮັດສົງຄາມ​ຕໍ່​ພວກ​ກໍ່​ການ​ຮ້າຍ.”

​ໃນ​ການ​ເນັ້ນໜັກ​ເຖິງການ​ຂົ່ມຂູ່​ດັ່ງກ່າວ ເຈົ້າ​ໜ້າ​ທີ່​ຂອງອີ​ຈິບ​ໄດ້​ກ່າວ​ໃນ​ວັນ​ພະຫັດ​ມື້​ນີ້​ວ່າ
ພວກ​ເຂົາ​ເຈົ້າ​ໄດ້​ພົບ​ເຫັນ​ລະ​ເບີດ 2 ລູກ​ທີ່​ຍັງ​ບໍ່​ທັນ​ແຕກ​ ຊຶ່ງເປັນ​ລະ​ເບີດ​ທີ່​ຫຼ້າ​ສະ​ໄໝ​ແລ້ວ
​ໄດ້​ຖືກ​ນຳ​ໄວ້​ວາງ​ໃສ່​ລາງ​ລົດ​ໄຟ​ໃຕ້​ດິນ ​ໃນກຸງ Cairo. ສື່​ຂອງ​ລັດ​ຖະບານ​ແຈ້ງວ່າ ລົດ​ໄຟ​
ໃຕ້​ດິນບາງ​ສາຍ​ ​ໄດ້​ຖືກ​ປິດ​ລົງ ​ໃນ​ຂະນະ​ທີ່​ທາງ​ການ​ທໍາ​ການ​ສືບສວນ​ຢູ່ນັ້ນ.

XS
SM
MD
LG