ສານອຸທອນອີຈິບແຫ່ງນຶ່ງ ກ່າວວ່າ ປະທານາທິບໍດີ ທ່ານ Hosni
Mubarak ທີ່ຖືກໄດ້ຂັບໄລ່ອອກຈາກໜ້າທີ່ ແລະລູກຊາຍຂອງ
ທ່ານ ສອງຄົນ ຈະໄດ້ຮັບການດຳເນີນຄະດີຄືນໃໝ່ ໃນຖານຍັກ
ຍອກເງິນ ທີ່ເຮັດໃຫ້ເຂົາເຈົ້າໄດ້ຖືກຕັດ ສິນລົງໂທດ ຕິດຄຸກເປັນ
ເວລາຫລາຍໆປີ ໃນປີແລ້ວນີ້.
ສານໃນນະຄອນໄຄໂຣ ໄດ້ປະກາດການຕັດສິນ ໃນວັນອັງຄານ
ມື້ນີ້ວ່າ ການເຄຶ່ອນໄຫວນີ້ ຈະຫລຸດຜ່ອນໂທດ ຕໍ່ການຕັດສິນລົງ
ໂທດແຕ່ພຽງອັນດຽວທີ່ຍັງຄ້າງຄາຢູ່ຕໍ່ທ່ານ Mubarak. ສານບໍ່
ໄດ້ກ່າວວ່າ ທ່ານຈະຖືກປ່ອຍໂຕໃຫ້ເປັນ ອິດສະຫຼະດ້ວຍການ
ປະກັນໂຕ ໃນຂະນະທີ່ລໍຖ້າການດຳເນີນຄະດີຢູ່ນັ້ນ.
ສານຊັ້ນຕົ້ນ ໄດ້ພົບເຫັນວ່າ ຜູ້ຊາຍທັງສາມມີຄວາມຜິດ ໃນເດືອນພຶດສະພາ ປີກາຍ
ໂດຍກ່າວວ່າ ເຂົາເຈົ້າໄດ້ຍັກຍອກເງິນປະມານ 17 ລ້ານໂດລາ ທີ່ມີກຳນົດຈະນຳໃຊ້ໃນ
ບູລະນະສ້າງສາທຳນຽບປະທານາທິບໍດີ.
ທ່ານ Mubarak ອາຍຸ 86 ປີ ພວມຮັບໃຊ້ໂທດເປັນເວລາສາມປີ ຢູ່ທີ່ໂຮງໝໍທະຫານ
ໃນຂະນະທີ່ລູກຊາຍຂອງທ່ານ ທ້າວ Alaa ແລະ ທ້າວ Garmal ຕ່າງກໍໄດ້ຖືກຕັດສິນ
ລົງໂທດ ຄົນລະສີ່ປີ.
ນອກນັ້ນ ອະດີດປະທານາທິບໍດີ Mubarak ຍັງປະເຊີນໜ້າກັບ ການດຳເນີນຄະດີຄືນ
ໃໝ່ ທີ່ພົວພັນກັບການເສຍຊີວິດຂອງພວກປະທ້ວງ ໃນລະຫວ່າງທີ່ມີການລຸກຮືຂື້ນໃນ
ປີ 2011 ທີ່ເຮັດໃຫ້ການກຳອຳນາດມາເປັນເວລາ 30 ປີຂອງ ທ່ານສິ້ນສຸດລົງ.
ໃນຂັ້ນຕົ້ນ ທ່ານໄດ້ຖືກພົບເຫັນວ່າມີຄວາມຜິດໃນຄະດີດັ່ງກ່າວ ແລະໄດ້ຖືກຕັດສິນລົງໂທດໃຫ້ຕິດຄຸກຕະຫລອດຊີວິດ ໃນປີ 2012 ແຕ່ຫລັງຈາກນັ້ນຕໍ່ມາ ຄຳຕັດສິນໄດ້ຖືກ
ຕ່າວປີ້ນ ແລະສານໄດ້ຍົກເລີກຂໍ້ຫາໃນເດືອນພະຈິກ. ບັນດາໄອຍະການ ໄດ້ຂໍອຸທອນ
ຕໍ່ການຍົກເລີກດັ່ງກ່າວນີ້.
