ສານສູງສຸດຂອງອີຈິບ ໄດ້ເລື່ອນເວລາ ການຮັບຟັງພິດຈາລະນາ ບັ້ນນຶ່ງອອກໄປເພື່ອກວດສອບເບິ່ງຄວາມຖືກຕ້ອງຕາມກົດໝາຍ ຂອງສະມາຊິກສະພາອີຈິບທີ່ຄອບງໍາໂດຍພັກສາສະໜາອີສລາມ ຊຶ່ງເປັນກຸ່ມທີ່ຮ່າງລັດ ຖະທໍາມະນູນສະບັບໃໝ່ຂຶ້ນມາ ທີ່ຈະໃຫ້ປະຊາຊົນລົງປະຊາມະຕິນັ້ນ.
ສານໄດ້ອ້າງເຫດຜົນ ກ່ຽວກັບໜ້າທີ່ການບໍລິຫານງານຂອງສານ ສໍາລັບການເລື່ອນເວລາໃນວັນອາທິດມື້ນີ້.
ການປະກາດເລື່ອນເວລາດັ່ງກ່າວນີ້ ມີຂຶ້ນໃນຂະນະທີ່ພວກສະໜັບສະໜຸນປະທານາທິບໍ ດີ Mohamed Morsi ທັງຫຼາຍໄດ້ພາກັນໂຮມຊຸມນຸມອ້ອມສານລັດຖະທໍາມະນູນສູງສຸດຂອງອີຈິບ. ເວລານີ້ສານສູງສຸດຍັງຍັງບໍ່ເປີດເຜີຍໃຫ້ຊາບເທື່ອວ່າ ການພິດຈາລະນາກ່ຽວກັບເລື່ອງດັ່ງກ່າວຈະກໍານົດໃສ່ມື້ໃດ.
ໃນບໍ່ເທົ່າໃດມື້ຜ່ານມານີ້ ສະມາຊິກສະພາທີ່ເປັນຊາວຄຣີສຕຽນແລະພວກຫົວເສລີນິຍົມ ປະມານ 30 ຄົນ ໄດ້ພາກັນບອຍຄອດບໍ່ເຂົ້າຮ່ວມການປະ ຊຸມຂອງສະພາ ເພື່ອປະທ້ວງໃນສິ່ງທີ່ພວກເຂົາເຈົ້າເອີ້ນວ່າ ການຈີ້ຂັ້ນ ຕອນໃນການຮ່າງລັດຖະທຳມະນູນໂດຍສະມາ ຊິກພັກສາສະໜາອີສລາມທີ່ຈົ່ງຮັກພັກດີຕໍ່ປະທານາທິບໍດີ Morsi ນັ້ນ.
ການຕັດສິນໃຈຂອງສານຄັ້ງນີ້ ບໍ່ວ່າຮູບການຈະເປັນໄປໃນທາງໃດ ແມ່ນ ຈະເປັນການທ້າທາຍໂດຍກົງຕໍ່ປະທານາທິບໍດີ Morsi ຜູ້ທີ່ເດືອນຜ່ານມາ ໄດ້ລວບອໍານາດແທບວ່າເກືອບທັງໝົດ ໃຫ້ທ່ານເອງ ໂດຍເຮັດໃຫ້ທ່ານ ເອງແລະສະພາຮ່າງລັດຖະທຳມະນູນ ມີອໍານາດຢູ່ເໜືອການຄວບຄຸມທຸກຢ່າງ ໂຮມທັງຝ່າຍຕຸລາການນັ້ນນໍາ.
ສານໄດ້ອ້າງເຫດຜົນ ກ່ຽວກັບໜ້າທີ່ການບໍລິຫານງານຂອງສານ ສໍາລັບການເລື່ອນເວລາໃນວັນອາທິດມື້ນີ້.
ການປະກາດເລື່ອນເວລາດັ່ງກ່າວນີ້ ມີຂຶ້ນໃນຂະນະທີ່ພວກສະໜັບສະໜຸນປະທານາທິບໍ ດີ Mohamed Morsi ທັງຫຼາຍໄດ້ພາກັນໂຮມຊຸມນຸມອ້ອມສານລັດຖະທໍາມະນູນສູງສຸດຂອງອີຈິບ. ເວລານີ້ສານສູງສຸດຍັງຍັງບໍ່ເປີດເຜີຍໃຫ້ຊາບເທື່ອວ່າ ການພິດຈາລະນາກ່ຽວກັບເລື່ອງດັ່ງກ່າວຈະກໍານົດໃສ່ມື້ໃດ.
ໃນບໍ່ເທົ່າໃດມື້ຜ່ານມານີ້ ສະມາຊິກສະພາທີ່ເປັນຊາວຄຣີສຕຽນແລະພວກຫົວເສລີນິຍົມ ປະມານ 30 ຄົນ ໄດ້ພາກັນບອຍຄອດບໍ່ເຂົ້າຮ່ວມການປະ ຊຸມຂອງສະພາ ເພື່ອປະທ້ວງໃນສິ່ງທີ່ພວກເຂົາເຈົ້າເອີ້ນວ່າ ການຈີ້ຂັ້ນ ຕອນໃນການຮ່າງລັດຖະທຳມະນູນໂດຍສະມາ ຊິກພັກສາສະໜາອີສລາມທີ່ຈົ່ງຮັກພັກດີຕໍ່ປະທານາທິບໍດີ Morsi ນັ້ນ.
ການຕັດສິນໃຈຂອງສານຄັ້ງນີ້ ບໍ່ວ່າຮູບການຈະເປັນໄປໃນທາງໃດ ແມ່ນ ຈະເປັນການທ້າທາຍໂດຍກົງຕໍ່ປະທານາທິບໍດີ Morsi ຜູ້ທີ່ເດືອນຜ່ານມາ ໄດ້ລວບອໍານາດແທບວ່າເກືອບທັງໝົດ ໃຫ້ທ່ານເອງ ໂດຍເຮັດໃຫ້ທ່ານ ເອງແລະສະພາຮ່າງລັດຖະທຳມະນູນ ມີອໍານາດຢູ່ເໜືອການຄວບຄຸມທຸກຢ່າງ ໂຮມທັງຝ່າຍຕຸລາການນັ້ນນໍາ.
