ລິ້ງ ສຳຫລັບເຂົ້າຫາ

site logo
ວັນອາທິດ, 29 ພຶດສະພາ 2022

ທ່ານ Morsi ຮຽກຮ້ອງໃຫ້ ປະຊາຊົນອີຈິບ ປຸ້ມລຸມກັນ ສ້າງສາ ປະເທດຊາດ ຄືນໃໝ່


ທ່ານ Mohamed Morsi ກ່າວຄໍາປາໄສ ຢູ່ສະພາສູງ ຮຽກຮ້ອງໃຫ້ ປະຊາຊົນອີຈິບ ຈົ່ງຮ່ວມແຮງຮ່ວມໃຈ ປຸ້ມລຸນກັນ ເພື່ອສ້າງສາ ປະເທດຊາດຄືນໃໝ່, ວັນທີ 29 ທັນວາ 2012.
ປະທານາ​ທິບໍດີ​ອິຈິບ ທ່ານ Mohamed Morsi ​ໄດ້​ຂໍ​ຮ້ອງ​ໃຫ້​ຊາວ​ອີ​ຈິບ ຈົ່ງ​ຮ່ວມ​ແຮງ​ຮ່ວມ​ໃຈປຸ້ມລຸມ​ກັນ ​ເພື່ອ​ສ້າງສາ​ປະ​ເທດ​ຊາດ​ຄືນ​ໃໝ່. ໃນ​ຄໍາ​ປາ​ໄສບັ້ນ​ນຶ່ງ​ເມື່ອ​ວັນ​ ເສົາ​ ວານ ​ນີ້ ຕໍ່ໜ້າ​ສະມາຊິກ​ສະພາ​ສູງ​ທີ່​ໄຂ​ຂຶ້ນ​ໃໝ່ໆຂອງ​ອີ​ຈິບ ທ່ານ Morsi ​ເວົ້າ​ວ່າ ມັນ​ເຖິງເວລາ​ສໍາລັບ​ປ​ະ​ເທດ​ຊາດ​ທີ່​ຈະສຸມໃສ່ວຽກ​ງານ ຄວາມ​ຕັ້ງ​ໃຈ​ເອົາ​ຈິງ​ເອົາ​ຈັງແລະ​ຄວາມ ພະຍາຍາມ.

ທ່ານ Morsi ​ໄດ້ປະກາດ​ແຜນການຫຼາຍໆ​ຢ່າງ​ ເພື່ອ​ສ້າງ​ໜ້າ​ວຽກ​ແລະ​ການ​ລົງທຶນ​ໃນເຂດຄອງ​ Suez ​ແລະ​ແຫຼມ Sinai.

ການ​ປະ​ທ້ວງ​ແລະ​ເຫດການຮຸນ​ແຮງເມື່ອ​ບໍ່​ເທົ່າ​ໃດ​ອາທິດ​ຜ່ານ​ມາ​ນີ້ ​ໄດ້​ສ້າງ​ຄວາມ​ເສຍ​ຫາຍຕື່ມ​ຂຶ້ນ​ອີກ ​ໃຫ້​ແກ່​ເສດຖະກິດທີ່​ໄດ້
ປະສົບ​ກັບ​ວິ​ກິດ​ການ​ມາ​ ນັບ​ຕັ້ງ​ແຕ່​ການ​ຕົກ​ຈາກ​ອໍານາດໃນ​ປີ 2011 ຂອງ​ທ່ານ Hosni Mubarak ຜູ້​ນໍາອີ​ຈິບ​ເປັນ​ເວລາ​ດົນນານນັ້ນ.

​ເຫດການ​ວຸ້ນວາຍ​ໄດ້​ເກີດ​ຂຶ້ນ ສ່ວນ​ນຶ່ງ​ແມ່ນ​ເປັນຍ້ອນຮ່າງ​ລັດຖະທໍາ​ມະນູນ​ທີ່​ນໍາພາ​ໂດຍ​ ພວກ​ອີສລາມ ທີ່​ໄດ້ສະພາ​ໄດ້​ຮັບຮອງ​ເອົາເມື່ອ​ເດືອນ​ຜ່ານ​ມາ ​ແລະ​ໄດ້​ມີການ​ປະຊາ​ມະຕິ
ຮັບ​ເອົາ​ນັ້ນ.

​ໃນ​ຄໍາ​ປາ​ໄສ​ຂອງ​ທ່ານ​ນັ້ນ ທ່ານ Morsi ​ໄດ້ປ້ອງ​ກັນ​ລັດຖະທໍາ​ມະນູນ​ສະບັບ​ໃໝ່ ​ໂດຍ​ກ່າວ​ວ່າ ມັນ​ໃຫ້​ສິດທິ​ເທົ່າ​ທຽມ​ກັນ​ແກ່​ໝົດ​ທຸກ​ຄົນ.

ທ່ານ Morsi ​ໄດ້​ເຊັນ​ດໍາລັດ​ສະບັບ​ນຶ່ງເມື່ອ​ບໍ່​ເທົ່າ​ໃດ​ມື້​ຜ່ານ​ມາ ທີ່ເຮັດ​ໃຫ້ລັດຖະທໍາມະນູນ
ມີ​ຜົນ​ບັງຄັບ​ໃຊ້ ຫຼັງຈາກ​ຄະນະ​ກໍາມະການ​ເລືອກ​ຕັ້ງ​ອີ​ຈິບ ​ເວົ້າ​ວ່າ ມີ​ເກືອບ 64 ​ເປີ​ເຊັນ​
ຂອງ​ຜູ້​ປ່ອນ​ບັດ​ທີ່​ສະ​ໜັບສະ​ໜຸນ​ລັດຖະທໍາມະ​ນູນສະບັບ​ໃໝ່ ​ໃນ​ການ​ລົງ​ປະຊາ​ມະຕິ​ໃນ​ເດືອນ​ນີ້.

ພັກ​ພະລາດອນພາບ​ມູສລິ​ມ ອະດີດ​ພັກ​ຂອງ​ທ່ານ Morsi ​ໃຫ້ການ​ສະ​ໜັບສະ​ໜຸນ​ລັດຖະ
ທໍາ​ມະນູນ​ສະບັບ​ໃໝ່​ນີ້ ​ແຕ່​ບັນດາ​ສະມາຊິກ​ຝ່າຍ​ຄ້ານ ທີ່​ປະກອບ​ດ້ວຍ​ພັກເສລີ​ນິຍົມ ພວກ​ນິຍົມ​ທາງ​ໂລກ ​ແລະ​ຄຣີສຕຽນ​ຂອງ​ອີ​ຈິບ ຢ້ານ​ກົວ​ວ່າ ​ມັນ​ຈະ​ທໍາລາຍ​ອິດສະຫຼະພາບ​ຂອງ
​ພົນລະ​ເຮືອນ ຍ້ອນ​ວ່າມັນເພີ່ມ​ບົດບາດ​ຂອງກົດໝາຍ​ອີສລາມຫຼາຍຂຶ້ນ ​ແລະ​ກໍ​ບໍ່​ໄດ້ເອີ່ຍ
​ເຖິງສິດທິຂອງ​ແມ່ຍິງ​ແຕ່​ຢ່າງ​ໃດ.

ທ່ານອາດຈະມັກເລື້ອງນີ້ຄືກັນ

XS
SM
MD
LG