ສື່ມວນຊົນຝຣັ່ງລາຍງານວ່າ ຫີບບັນທຶກການບິນ ທີ່ພົບເຫັນຢູ່
ບ່ອນເຮືອບິນ ໂດຍສານຣັດເຊຍຕົກ ສະແດງໃຫ້ເຫັນວ່າ ລະ
ເບີດນັ້ນໄດ້ເຮັດໃຫ້ເຮືອບິນຕົກຢູ່ອີຈິບ ອາທິດແລ້ວນີ້ ທີ່່ມີຜູ້
ເສຍຊີວິດທັງໝົດ 224 ຄົນ.
ໂທລະພາບຝຣັ່ງຊ່ອງ 2 ແລະອົງການຂ່າວຝຣັ່ງ ອ້າງແຫລ່ງ
ຂ່າວສືບສວນທີ່ໃກ້ຊິດ.
ແຫລ່ງຂ່າວ AFP ກ່າວວ່າ ອ້າງອີງຕາມບັນດາຜູ້ສືບສວນ ຫີບ
ບັນທຶກຂໍ້ມູນການບິນ ແລະສຽງຢູ່ໃນຫີບບັນທຶກຫ້ອງບັງຄັບ
ການບິນ ສະແດງໃຫ້ເຫັນວ່າ ທຸກສິ່ງທຸກຢ່າງເປັນປົກກະຕິຢູ່ເທິງເຮືອບິນ Metrojet ຂອງຣັດເຊຍ.
ຫລັງຈາກ 24 ນາທີຂອງການບິນ “ໃນທັນໃດບໍ່ມີຫຍັງ” ຊຶ່ງໜຶ່ງຂອງຫີບບັນທຶກໄດ້ບັນທຶກ
ເອົາສຽງດັງແຮງ ແລະ “ຄວາມປັ່ນປ່ວນ ຢຸດລົງທັນທີ່” ຊຶ່ງສະແດງໃຫ້ເຫັນວ່າລະເບີດໄດ້ແຕກຂື້ນ.
ປະທານາທິບໍດີ ສະຫະລັດ ທ່ານ Barack Obama ແລະນາຍົກລັດຖະມົນຕີ ອັງກິດ ທ່ານ David Cameron ທັງສອງໄດ້ກ່າວວ່າ ເປັນທີ່ແນ່ນອນວ່າ ເຣືອບິນຖືກວາງລະເບີດ.
ປະທານາທິບໍດີ ຣັດເຊຍ ທ່ານ Vladimir Putin ໄດ້ຮ້ອງການລົງຄວາມເຫັນວ່າການວາງລະເບີດນັ້ນວ່າ ບໍມີຫຍັງດີໄປກວ່າຄຳສັນນິຖານ.
ແຕ່ໃນວັນສຸກວານນີ້ ທ່ານ Putin ໄດ້ລົບລ້າງການບິນເອກກະຊົນທັງໝົດ ທີ່ຈະບິນໄປອີຈິບ ຊຶ່ງໄດ້ຮັບການແນະນຳຈາກຫົວໜ້າ ຄວາມປອດໄພຂອງທ່ານ ຄືທ່ານ Alexander Bortnikov “ຈົນກວ່າວ່າພວກເຮົາຈະໄດ້ພິຈາລະນາເຖິງເຫດຜົນອັນແທ້ຈິງ” ຂອງເຮືອບິນຕົກເສຍກ່ອນ.
ທ່ານ Putin ຍັງໄດ້ສັ່ງໃຫ້ ລັດຖະບານປະຕິບັດງານ ເຖິງລາຍລະອຽດວ່າ ຈະນຳເອົາຊາວຣັດເຊຍປະມານ 40,000 ຄົນ ທີໄປພັກຜ່ອນຢູ່ເມືອງ Sharm al-Sheikh ກັບຄືນບ້ານຢ່າງໃດ.
ເຮືອບິນໂດຍສານຣັດເຊຍ ທີ່ເຕັມໄປດ້ວຍນັກທ່ອງທ່ຽວຣັດເຊຍ ໄດ້ຂື້ນຈາກບ່ອນຕາກອາກາດອີຈິບ ເມືອງ Sharm al-Sheikh ວັນເສົາແລ້ວນີ້ ແລະມຸ້ງ ໜ້າສູ່ ເມືອງ St Petersburg.
ເຈົ້າ ໜ້າທີ່ສະຫະລັດຄົນໜຶ່ງ ກ່າວວ່າ ຈັບໄດ້ໂດຍບັງເອີນການສົນທະນາ ທີ່ແນໃສ່ລັດອິສລາມ ແລະວ່າຜູ້ໃດຜູ້ໜຶ່ງຢູ່ໃນເດີ່ນບິນ Sharm el-Sheikໄດ້ ຊ່ວຍໃນການວາງລະເບີດດັ່ງກ່າວ.
