ສາຍການບິນນາໆຊາດ ເລີ້ມຫ້າມ ຫີບເຄຶ່ອງທີ່ຖືກກວດກາແລ້ວ ຈຳນວນໜຶ່ງຂອງສາຍການບິນ ອອກຈາກນະຄອນໄຄໂຣ ໃນວັນສຸກມື້ນີ້ ຫລັງຈາກບັນດາຜູ້ນຳໂລກຈຳນວນໜຶ່ງໄດ້ສະເໜີວ່າ ລະເບີດອາດເປັນສິ່ງທີ່ພາເຮັດໃຫ້ເຮືອບິນຣັດເຊຍຕົກລຳນີ້ ຕົກຢູ່ປະເທດອີຈິບອາທິດແລ້ວນີ້.
ອັງກິດກ່າວວ່າ ຕົນຈະເລີ້ມນຳເອົາບັນດານັກ ທ່ອງທ່ຽວອັງກິດ ທີ່ຕິດຄ້າງອອກຈາກເມືອງ Sharm el-Sheikh ໃນວັນສຸກມື້ນີ້ ຫລັງຈາກມາດຈະການຄວາມປອດໄພໃໝ່ໄດ້ອອກນຳໃຊ້ກັບບັນດາເຈົ້າໜ້າທີ່ຢູ່ໃນອີຈິບ ຮວມທັງການແຍກ ຂົນສົ່ງຫີບຜູ້ໂດຍສານບັນຈຸໃສ່ເຮືອບິນລຳໃໝ່.
ນາຍົກລັດຖະມົນຕີີອັງກິດ ທ່ານ Cameron ໄດ້ພົບປະໃນວັນພະຫັດວານນີ້ ທີ່ນະຄອນຫລວງ London ກັບ ປະທານນາທິບໍດີ ອີຈິບ ທ່ານ Abdel Fattah el-Sisi ພ້ອມດ້ວຍຊາວຣັດເຊຍ ກ່າວວ່າ ຫລັກຖານໃດໆທີ່ກວ່າມີ ການວາງລະເບີດຢູ່ໃນເຮືອບິນນັ້ນ ບໍ່ໄດ້ມີຫຍັງຫຼາຍໄປກວ່າການຊາລື.
“ພວກເຮົາບໍ່ຮູ້ເປັນທີ່ແນ່ນອນວ່າ ແມ່ນລະເບີດຂອງພວກກໍ່ການຮ້າຍ ຊຶ່ງຍັງມີການສືບສວນເກີດຂຶ້ນຢູ່ອີຈິບ. ພວກເຮົາຈຳເປັນທີ່ຈະເຫັນຜົນຂອງການສືບສວນດັ່ງກ່າວ. ເຫດຜົນທີ່ພວກເຮົາໄດ້ປະຕິບັດກ່ອນໜ້ານັ້ນ ກໍເພາະວ່າ ການສືບລັບ ແລະລາຍລະອຽດທີ່ພວກເຮົາມີ ໄດ້ເຮັດໃຫ້ເຮົາມີຄວາມເປັນຫ່ວງວ່າ ມັນອາດເປັນໄປຫລາຍກວ່າ ທີ່ວ່າ ບໍ່ແມ່ນ ນັ້ນຄືແມ່ນລະເບີດຂອງພວກກໍ່ການຮ້າຍ.”
ໃນວັນພະຫັດວານນີ້ ປະທານາທິບໍດີ Barack Obama ກ່າວວ່າ “ອາດເປັນໄປໄດ້” ທີ່ລະເບີດໄດ້ທຳລາຍເຮືອບິນຣັດເຊຍ ແຕ່ທ່ານໄດ້ກ່າວເພີ້ມວ່າ ການສືບສວນຍັງດຳເນີນຢູ່ຕໍ່ໄປ.
ລັດອິສລາມໄດ້ອ້າງເອົາຄວາມຮັບຜິບຊອບ ໃນການໂຈມຕີເຮືອບິນ. ພວກຫົວຮຸນແຮງຍັງບໍ່ທັນໄດ້ໃຫ້ຫລັກຖານໃດໆໜຸນຫລັງເອົາການອ້າງອີງ ດັ່ງກ່າວ.
ບັນດານັກທ່ອງທ່ຽວຈຳນວນໜຶ່ງພາກັນເສຍໃຈທີ່ ອຸບັດເຫດເຮືອບິນໄດ້ທຳລາຍຊື່ສຽງຂອງສະຖານທີ່ຕາກອາກາດນີ້.
