ສະຫະລັດແລະເທີກີ ກ່າວວ່າ ພວກຕົນຈະເລີ້ມອົບພະ
ຍົບປະຊາຊົນຂອງຕົນອອກຈາກອີຈິບ ບ່ອນທີ່ການປະ
ທ້ວງຕໍ່ຕ້ານລັດຖະບານໄດ້ເອົາ ຊີວິດປະຊາຊົນໄປແລ້ວ
ຫລາຍກວ່າ 100 ຄົນ ນັບແຕ່ວັນອັງຄານ ສັບປະດາແລ້ວນີ້ເປັນຕົ້ນມາ.
ສະຖານທູດສະຫະລັດໃນກຸງໄຄໂຣ ແລະອົງການຂ່າວ Anatolia ແຫ່ງລັດຂອງເທີກີ ໄດ້ປະກາດຂ່າວນີ້ໃຫ້ຮູ້ໃນວັນອາທິດມື້ນີ້.
ກ່ອນໜ້ານັ້ນ ໃນມື້ນີ້ ສະຫະລັດໄດ້ເເນະນໍາໃຫ້ປະຊາຊົນຂອງຕົນໃນອີຈິບ ໃຫ້ພາກັນພິຈາລະນາອອກຈາກອີຈິບໃນເວລາອັນໄວທີ່ສຸດເທົ່າທີ່ເປັນໄປໄດ້.
ໃນຂະນະດຽວກັນ ທ່ານ Benjamin Netanyahu ນາຍົກລັດຖະມຸນຕີອິສຣາແອລ ກ່າວ
ວ່າ ອິສຣາແອລກໍາລັງຕິດຕາມເບິ່ງການປະທ້ວງຕໍ່ຕ້ານລັດຖະບານໃນອີຈິບຢ່າງລະມັດລະວັງ
ແລະວ່າ ຄວາມພະຍາຍາມຂອງປະເທດຂອງທ່ານ ແມ່ນເພ່ງເລັງໃສ່ການຮັກສາສະຖຽນລະ
ພາບແລະຄວາມໝັ້ນຄົງໃນຂົງເຂດ.
ໃນວັນເສົາວານນີ້ ກະສັດອັບດູນລາ ແຫ່ງ Saudi Arabia ໄດ້ຕໍາໜິຕິຕຽນພວກປະທ້ວງ
ແລະໄດ້ສະແດງການສະໜັບສະໜຸນຕໍ່ປະທານາທິບໍດີ Hosni Mubarak ແຫ່ງອີຈິບນັ້ນ.
