ລິ້ງ ສຳຫລັບເຂົ້າຫາ

ສະຫະລັດແລະຝຣັ່ງ ຮຽກຮ້ອງໃຫ້ອີຈິບ ທໍາການໂອນອໍານາດຢ່າງເປັນລະບຽບ

  • ບົວສະຫວັນ

ປະທານາທິບໍດີສະຫະລັດ ທ່ານ Barack Obama ກ່າວທີ່ທຳນຽບຂາວກ່ຽວກັບອີຈິບ ໃນວັນອັງຄານວານນີ້ ວ່າການໂອນອຳນາດຢ່າງເປັນລະບຽບ “ຕ້ອງເປັນໄປຢ່າງສັນຕິວິທີ ແລະເລີ້ມຂຶ້ນດຽວນີ້”.

ບັນດາ​ຜູ້ນຳ​ຂອງ​ສະຫະລັດ ​ແລະຝຣັ່ງ​ຮຽກຮ້ອງ​ໃຫ້ອີ​ຈິ​ບ
ທຳການ​ໂອນ​ອໍານາດ ຢ່າງ​ເປັນ​ລະບຽບ​ແລະ​ວ່ອງ​ໄວ ລຸນ​ຫລັງ​ທີ່ປະທານາທິບໍດີ Hosni Mubarak ເວົ້າວ່າ ທ່ານ​ຈະ​ບໍ່ສະມັກເປັນປະທານາທິບໍດີຕື່ມ​ອີກ​.

ປະທານາທິບໍດີຝຣັ່ງ ທ່ານ Nicolas Sarkozy ​ເວົ້າ​ໃນ​ວັນ​ພຸດ​ມື້ນີ້ວ່າ ທ່ານ​ປາດ​ຖະໜາ​ຢາກ​ຈະ​ເຫັນການ​ໂອນ​ອຳນາດດັ່ງກ່າວ​ເກີດ​ຂຶ້ນ “ຢ່າງບໍ່ມີ​ການ​ຊັກ​ຊ້າ” ​ແລະ “ປາດສະຈາກ​ການ​ໃຊ້​ຄວາມຮຸນ​ແຮງ”.

ຄຳ​ເຫັນ​ຂອງທ່ານ Sarkozy ​ແມ່ນ​ໄດ້ມີຂຶ້ນລຸນຫລັງ​ການ
ຖະແຫຼງການ​ຂອງປະທານາ ທິບໍດີສະຫະລັດທ່ານ Barack
Obama ທີ່​ເວົ້າວ່າ ທ່ານ​ໄດ້​ກ່າວຕໍ່ທ່ານ Mubarak ວ່າ​
ການໂອນ​ອຳນາດຢ່າງ​ເປັນ​ລະບຽບ​ “ຕ້ອງເປັນ​ໄປ​ຢ່າງ​ສັນຕິ
ວິທີ ​ແລະ​ເລີ້ມ​ຂຶ້ນດຽວນີ້”.

ຢູ່​ໃນ​ຄຳ​ປາ​ໃສ​ຂອງ​ທ່ານ​ທີ່​ອອກ​ທາງ​ໂທລະພາບສະຫະລັດ​ໃນແລງວັນ​ອັງຄານວານ​ນີ້ ທ່ານ
Obama ເວົ້າວ່າ ການ​ໂອນ​ອຳນາດ​ຕ້ອງ​ນຳ​ໄປ​ສູ່​ການ​ເລືອກ​ຕັ້ງທີ່ເສລີ ​ແລະ​ຍຸດຕິ​ທຳຢູ່ໃນອີ
ຈິບ ​ແລະ​ພາ​ໃຫ້​ມີ​ລັດຖະບານປະຊາທິປະ​ໄຕທີ່ “​ຕອບ​ສະໜອງຕໍ່ຄວາມ​ໄຝ່ຝັນຂອງ​ປະຊາ
ຊົນອີ​ຈິບ.”

ໃນ​ຂະນະ​ທີ່​ກ່າວວ່າ​ສະຫະລັດ​ບໍ່ມີ​ບົດ​ບາດ​ອັນໃດ​ໃນ​ການ​ຊີ້​ເອົາ​ຜູ້ນຳ​ຂອງ​ອີ​ຈິບ ທ່ານ​ໂອ​ບາ​ມາ ​ກໍ​ໄດ້ເວົ້າວ່າ​ທ່ານ​ໄດ້​ແຈ້ງ​ໃຫ້​ທ່ານ Mubarak ຊາບວ່າ ການປ່ຽນ​ແປງ​ຕ້ອງ​ລວມ​ເອົາ “ສຽງທີ່ມາ​ຈາກ​ຫລາຍພັກຝ່າຍໃນຂອບເຂດທີ່ກວ້າງຂວາງຢູ່​ໃນ​ບັນດາພັກຝ່າຍຄ້ານຕ່າງໆ.” ທ່ານ​ກ່າວ​ຢໍ້າອີກ​ວ່າ ຜູ້ນຳ​ອີ​ຈິບ​ຮັບຮູ້ວ່າ “ສະພາບ​ທີ່​ເປັນ​ຢູ່​ໃນ​ປັດຈຸ​ບັນ​ແມ່ນ​ບໍ່ໝັ້ນຄົງ ​ແລະ​ວ່າການ​ປ່ຽນ​ແປງຕ້ອງໄດ້ມີຂຶ້ນ”

XS
SM
MD
LG