ສະພາສູງສຸດຂອງກອງທັບອີຈິບຊຶ່ງເປັນຜູ້ຮັບຜິດຊອບ ກ່ຽວກັບລັດຖະບານອີຈິບໃນເວ
ລານີ້ໄດ້ທຳການຂໍຂະມາໂທດຫຼັງຈາກພວກສາລະວັດທະຫານຈຳນວນນຶ່ງໄດ້ທຸບຕີພວກ
ປະທ້ວງທີ່ນະຄອນຫຼວງໄຄໂຣໃນຕອນເຊົ້າຂອງວັນເສົາມື້ນີ້.
ສະພາສູງສຸດຂອງກອງທັບອີຈິບ ໄດ້ອອກຖະແຫຼງຂ່າວສະບັບນຶ່ງເວົ້າວ່າ ຄວາມຮຸນແຮງ
ທີ່ວ່ານີ້ ເປັນຄວາມຮຸນແຮງທີ່ບໍ່ໄດ້ຕັ້ງໃຈແລະໃຫ້ຄຳໝັ້ນສັນຍາວ່າ ມັນຈະບໍ່ເກີດຂຶ້ນອີກ.
ພວກປະທ້ວງ ທີ່ພາກັນພັກຄ້າງຄືນໃນບໍລິເວນຈະຕຸລາປົດປ່ອຍຫຼື Tahrir ໃນນະຄອນ
ຫຼວງໄຄໂຣ ທວງໃຫ້ພວກທະຫານດຳເນີນການໄວຂຶ້ນ ເພື່ອອອກດຳລັດໃຫ້ມີການປ່ຽນ
ແປງໃນລັດຖະບານ.
ພວກທີ່ເຫັນເຫດການເວົ້າວ່າ ພວກສາລະວັດທະຫານໄດ້ເຄື່ອນກຳລັງເຂົ້າໄປຫຼັງຈາກກຳ
ນົດເວລາ ໃນການຫ້າມອອກນອກເຮືອນ ໃນຕອນທ່ຽງຄືນເລີ້ມມີຜົນບັງຄັບໃຊ້. ເຂົາເຈົ້າ
ເວົ້າວ່າ ພວກສາລະວັດທະຫານໄດ້ທຸບຕີພວກປະທ້ວງຈຳນວນນຶ່ງທີ່ປະຕິເສດບໍ່ຍອມຍົກ
ຍ້າຍອອກໜີ.
