ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ການປະທ້ວງຕໍ່ຕ້ານ ລັດຖະບານໃນອີຈິບ ຍັງດໍາເນີນຢູ່ຕໍ່ມາ


ການປະທ້ວງນັດຢຸດງານຂອງຊາວອີຈິບ (10 ກຸມພາ 2011)
ການປະທ້ວງນັດຢຸດງານຂອງຊາວອີຈິບ (10 ກຸມພາ 2011)

ພວກປະທ້ວງຕໍ່ຕ້ານລັດຖະບານຈຳນວນຫຼາຍໆພັນຄົນ
ຍັງສືບຕໍ່ພາກັນໂຮມຊຸມນຸມ ທີ່ຈະຕຸລັດ Tahrir ໃນນະ
ຄອນຫຼວງໄຄໂຣ ແລະຢູ່ນອກຕຶກສະພາແຫ່ງຊາດອີຈິບ
ໃນວັນພະຫັດມື້ນີ້ ຂະນະທີ່ພວກເຂົາເຈົ້າສືບຕໍ່ການປຸກ
ລະດົມເພື່ອຂັບໄລ່ ປະທານາທິບໍດີ Hosni Mubarak
ອອກຈາກອຳນາດ.

ນອກຈາກການປະທ້ວງທີ່ຍືດ​ເຍື້ອມາ ຢູ່​ໃນນະຄອນຫຼວງ
ນັ້ນແລ້ວພວກຝ່າຍຄ້ານຍັງໄດ້ຫັນໄປໃຊ້ການເຄື່ອນໄຫວ
ທາງດ້ານແຮງງານທີ່​ພາ​ໃຫ້​ມີ​ການ​ຢຸດ​ງານໃນທົ່ວປະເທດ
ອີຈິບ ຊຶ່ງໄດ້ສົ່ງຜົນກະທົບຕໍ່ການທ່ອງທ່ຽວ ອຸສາຫະກໍາແຜ່ນແພ ການຂົນສົ່ງທາງລົດໄຟ ແລະວົງການລັດຖະບານນຳດ້ວຍ.

ພວກປະທ້ວງພວມຊອກຫາຊ່ອງທາງ ເພີ່​ມຄວາມກົດດັນຕໍ່ທ່ານ Mubarak ທີ່ໄດ້ຄອງອຳ
ນາດມາໄດ້ 30 ປີແລ້ວນັ້ນ ຂະນະດຽວກັນກໍຍັງທວງໃຫ້ ບັນດາສະມາຊິກສະພາແຫ່ງຊາດ ທີ່ຖືກເລືອກໃນທ້າຍປີກາຍລາອອກ​ໂດຍ​ອ້າງ​ວ່າ​ເຂົາ​ເຈົ້າ​ໄດ້​ຖືກເລືອກ​ຕັ້ງໃນການປ່ອນບັດ ທີ່ມີການປະນາມກັນຢ່າງກວ້າງຂວາງວ່າ ມີການສໍ້ໂກງຄະແນນເພື່ອໃຫ້ພັກລັດຖະບານຊະ
ນະນັ້ນ.

ຮອງປະທານາທິບໍດີອີຈິບທ່ານ Omar Suleiman ກ່າວວ່າ ລັດຖະບານຈະບໍ່ປ່ອຍໃຫ້ມີ
|ການແກ່ຍາວ ໃນການປະທ້ວງຕໍ່ຕ້ານລັດຖະບານ ທີ່ຈະຕຸລັດ Tahrir ຊຶ່ງທ່ານໄດ້ເຕືອນ
ພວກນັກເຄື່ອນໄຫວວ່າ ບໍ່ໃຫ້ພະຍາຍາມທຳການປະທ້ວງຂອງພົນລະເຮືອນຕື່ມອີກໂດຍ
ເວົ້າວ່າ ມັນເປັນອັນຕະລາຍທີ່ສຸດ.

ພວກຈັດແຈງການປະທ້ວງ ກ່າວວ່າ ພວກຕົນກຳລັງວາງແຜນທີ່ຈະໄປປະທ້ວງ ຢູ່ຕຶກອາ
ຄານສະຖານີວິທະຍຸແລະໂທລະພາບ ໃນມື້ອື່ນນີ້ ເວລາການປະທ້ວງຄັ້ງໃຫຍ່ໄດ້ຮຽກໃຫ້
ມີຂຶ້ນອີກນັ້ນ.

ໃນມື້ວານນີ້ ມີພວກຄົນງານທີ່ບໍ່ພໍໃຈ 6,000 ກ່ວາຄົນ ໄດ້ພາກັນເດີນຂະບວນປະທ້ວງ
ກ່ຽວກັບເລື່ອງເງິນເດືອນຕໍ່າ ແລະສະພາບເຮັດວຽກທີ່ບໍ່ໄດ້ມາດຕະຖານຢູ່ໃນ 5 ບໍລິສັດ ທີ່ອົງການຄຸ້ມຄອງຄອງສຸເອດເປັນເຈົ້າຂອງ ຊຶ່ງເປັນອົງປະກອບທີ່ສຳຄັນຂອງເສດຖະກິດ
ອີຈິບນັ້ນ.

ພວກຄົນງານຕໍ່າຜ້າ 2,000 ຄົນກໍພາກັນເດີນຂະບວນທີ່ເມືອງສຸເອດ ຂະນະທີ່ອີກຫຼາຍ
ພັນຄົນ ຊຶ່ງໄດ້ຮັບຜົນກະທົບຈາກການພັງທະລາຍລົງ ຂອງອຸດສາຫະກຳທ່ອງທ່ຽວນັ້ນ
ໂຮມຊຸມນຸມປະທ້ວງທີ່ເມືອງ Luxor.

XS
SM
MD
LG