ລິ້ງ ສຳຫລັບເຂົ້າຫາ














ພວກ​ຕໍາຫລວດໄດ້​ອອກ​ໄປ​ປະ​ຈໍາ​ການ​ຄືນ​ໃໝ່​ແລ້ວ ຢູ່​ໃນ
ທົ່ວ​ອີ​ຈິບ 2 ມື້​ຫລັງ​ຈາກໄດ້​ຖອນ​ໂຕ​ອອກ ຫລັງ​ຈາກ​ການ​ ປະ​ທະ​ກັນ​ຢ່າງ​ຮຸນ​ແຮງ​ກັບ​ພວກປະ​ທ້ວງ.

ແຫ​ລ່ງຂ່າວດ້ານ​ຄວາມ​ປອດ​ໄພ​ກ່າວ​ວ່າ ພວກ​ຕໍາຫລວດ​ກໍາລັງກັບ​ຄືນ​ໄປ​ປະຕິບັດ​ໜ້າ​ທີ່
ຕາມ​ເຄີຍ ​ໂດຍ​ໄດ້​ຮັບ​ຄໍາ​ສັ່ງ​ບໍ່​ໃຫ້​ປະ​ເຊີນ​ຫນ້າ​ກັບ​ພວກປະ​ທ້ວງ​. ​ໃນ​ຂະນະ​ດຽວ​ກັນ​ພວກ​
ທະຫານ​ຂອງ​ອີ​ຈິບ​ ກໍ​ສືບ​ຕໍ່ການ​ມີໜ້າ​ຂອງ​ຕົນ​ເພີ້​ມຂຶ້ນ​ອີກ.

ພວກ​ທະຫານໄດ້​ມີໜ້າຢ່າງ​ໜາ​ແໜ້ນຢູ່​ໃນ​ນະຄອນ​ຫລວງໄຄ​ໂຣ ໂດຍ ​ມີ​ລົດ​ຖັງ​ຍາມຢູ່​
ຕາມທະນາຄານ ຕຶກ​ອາຄານ​ຕ່າງໆ​ຂອງ​ລັດຖະບານ ​ແລະ​ສໍານັກງານ​ໃຫຍ່​ຂອງ​ກະຊວງ
ພາຍ​ໃນ.

ໃນ​ຕອນ​ແລງ​ວັນ​ອາທິດ​ວານ​ນີ້ ພວກ​ປະ​ທ້ວງ​ໃນ​ທົ່ວ​ປະ​ເທດ​ໄດ້​ພາກັນທ້າ​ທາຍ​ຕໍ່​ການ​ສັ່ງ
ຫ້າມ​ຜູ້​ຄົນ​ສັນຈອນ​ໄປມາ​ໃນ​ຍາມ​ກາງຄືນ ອອກ​ມາ​ປະ​ທ້ວງ​ເປັນ​ຄືນ​ທີ 3 ລຽນຕິດ​ ເພື່ອ​
ຮຽກຮ້ອງ​ໃຫ້​ປະທານາທິບໍດີ Hosni Mubarak ລາ​ອອກ​ຈາກ​ຕໍາ​ແໜ່​ງ ຫລັງ​ຈາກໄດ້​ຄອງ
ອໍານາດ​ ​ມາ​ໄດ້​ເກືອບ 30 ປີນັ້ນ. ມີປະຊາຊົນ​ ຫລາຍ​ກວ່າ 100 ຄົນ​ໄດ້​ເສຍ​ຊີວິດ​ໃນ​ລະ
ຫວ່າງ​ການ​ປະ​ທ້ວງ​ຢ່າງ​ຮຸນ​ແຮງ​ ​ຕັ້ງ​ແຕ່​ວັນ​ອົງ​ຄານ​ແລ້ວ​ນີ້ ເປັນ​ຕົ້ນ​ມາ.

ການ​ລຸກ​ຮື​ຂຶ້ນ​ໃນ​ອີ​ຈິບ ຊຶ່ງ​ໄດ້​ເລີ້ມ​ຂຶ້ນແບບ​ບໍ່​ມີ​ການ​ກະກຽ​ມລ່ວງ​ໜ້າ​ໃນ​ລະດັບ​ຂະ​ບວນ
ການ​ທ້ອງ​ຖິ່ນ ​ແຕ່​ໄດ້​ກ້າວ​ຂຶ້ນ​ມາ​ເຖິງ​ຂັ້ນ​ມີ​ການຈັດ​ແຈງ​ກັນຢ່າງເອົາ​ຈິງ​ເອົາ​ຈັງ​ໃນ​ວັນ​ອາ
ທິດ​ ເວລາ​ກຸ່ມ​ຝ່າຍ​ຄ້ານ​ກຸ່ມ​ໃຫຍ່​ທີ່​ສຸດ​ໃນ​ປະ​ເທດ ຄື​ກຸ່ມ​ Muslim Brotherhood ຫລືພະ
ລາດອນພາບມຸ​ສະ​ລິ​ມ ທີ່​ຜິ​ດກົດໝາຍນັ້ນ ປະກາດ​ໃຫ້ການ​ສະໜັບສະໜຸນ​ແກ່​ຜູ້​ສົ່ງ​ເສີມ​ລະ
ບອບ​ປະຊາທິປະ​ໄຕ​ທີ່​ມີ​ຊື່​ສຽງ​ທີ່​ສຸດ​ໃນ​ອີ​ຈິບ ກໍ​ຄືທ່ານ Mohamad ElBaradei ອະດີດ​
ຫົວໜ້າ​ດ້ານ​ນີວ​ເຄລຍຂອງ​ສະຫະ​ປະຊາ​ຊາດ​ນັ້ນ.

ກຸ່ມ​ປະສົມ​ຝ່າຍ​ຄ້ານ​ທີ່​ຫາກໍ​ຈັດ​ຕັ້ງ​ກັນ​ຂຶ້ນ​ມາ​ໃໝ່ໆ ທີ່​ຮວມທັງ​ປະ​ບວນການ​ອີສລາມ ​ໄດ້​
ຮຽກຮ້ອງ​ໃຫ້​ທ່ານ ElBaradei ຈັດ​ຕັ້ງ​ລັດຖະບານ​ສາມັກຄີ​ຊາດ​ຂຶ້ນ​ແລະ​ໃຫ້​ຕິດ​ຕໍ່​ພົວພັນ​
ກັບ​ພວກ​ທະຫານ​ຂອງ​ອີ​ຈິບ​ນັ້ນ.

XS
SM
MD
LG