ພວກປະທ້ວງໄດ້ເລີ້ມພາກັນໄປເຕົ້າໂຮມກັນຕາມຖະໜົນ
ຫົນທາງສາຍຕ່າງໆໃນກຸງໄຄໂຣແລະໃນເມືອງ Alexan-
dria ອີກໃນມື້ນີ້ ເປັນມື້ທີ 6 ຂອງການປະທ້ວງຂອງຊາວ
ອີຈິບ ຕໍ່ຕ້ານການປົກຄອງຂອງປະທາ ນາທິບໍດີ Hosni
Mubarak.
ພວກທະຫານໄດ້ໄປມີໜ້າຢູ່ຕາມຖະໜົນຫົນທາງສາຍ
ຕ່າງໆຢາງໜາແໜ້ນ ເພື່ຶອປ້ອງກັນບໍ່ໃຫ້ເກີດເຫດການ
ຮຸນແຮງ ທີ່ໄດ້ເອົາຊີວິດປະຊາ ຊົນໄປແລ້ວຫລາຍກວ່າ
100 ຄົນນັບແຕ່ວັນອັງຄານສັບປະດາແລ້ວນີ້ເປັນຕົ້ນມາ.
ສື່ມວນຊົນທາງການຂອງອີຈິບ ກ່າວວ່າ ລັດຖະບານໄດ້ອອກຄໍາສັ່ງໃຫ້ອັດຫ້ອງການຕາໜ່າງໂທລະພາບ Al Jazeera ທີ່ກຸງໄຄໂຣ ຊຶ່ງໄດ້ລາຍງານຂ່າວ ຢ່າງຫລວງຫລາຍກ່ຽວກັບຄວາມວຸ້ນວາຍທີ່ເກີດຂຶ້ນນັ້ນ. Al Jazeera ກ່າວວ່າ ການເຄື່ອນໄຫວດັ່ງກ່າວແມ່ນມີວັດຖຸປະສົງ ເພື່ອຍັບຍັ້ງແລະປາບປາມການລາຍງານຂ່າວຢ່າງເສລີແລະເປີດເຜີຍນັ້ນ.
ການປະທ້ວງແມ່ນພົວພັບກັບປະຊາຊົນ ຫລາຍໝື່ນຄົນທີ່ພາກັນເດີນຂະບວນປະທ້ວງໃນຫົວເມືອງໃຫຍ່ໆຂອງອີຈິບ ຊຶ່ງໄດ້ເຮັດໃຫ້ປະຊາ ຊົນປະມານ 1 ພັນຄົນ ໄດ້ຮັບບາດເຈັບໄປແລ້ວນັ້ນ.
ໃນເຫດການຜັນຂະຫຍາຍອີກອັນນຶ່ງນັ້ນ ມີລາຍງານວ່າ ພວກນັກໂທດຫລາຍພັນຄົນ ໄດ້ແຕກໜີອອກຈາກຄຸກຢ່າງນ້ອຍແຫ່ງນຶ່ງໃນລະຫວ່າງ ເກີດຄວາມວຸ້ນວາຍກັນຢູ່ນີ້.
ໃນວັນເສົາວານນີ້ ທ່ານ Mubarak ໄດ້ແຕ່ງຕັ້ງທ່ານ Omar Sulei-man ຫົວໜ້າຝ່າຍສືບລັບ ໃຫ້ເປັນຮອງປະທານາທິບໍດີ ຊຶ່ງຕໍາແໜ່ງດັ່ງກ່າວໄດ້ຫວ່າງເປົ່າມາເປັນເວລາ 30 ປີ.