ເບິ່ງວີດີໂອກ່ຽວກັບການປະທ້ວງ:
ບັນດານັກເຄື່ອນໄຫວອີຈິບຮຽກຮ້ອງໃຫ້ມີການປະທ້ວງຄັ້ງໃຫຍ່ໃນວັນອັງຄານມື້ນີ້ ເພື່ອທວງ
ໃຫ້ພວກທະຫານທີ່ປົກຄອງປະເທດໂອນອໍານາດໃຫ້ພວກເຈົ້າໜ້າທີ່ພົນລະເຮືອນໃນຂະນະ
ທີ່ຄວາມບໍ່ແນ່ນອນເພີ່ມທະວີຂຶ້ນ ກ່ຽວກັບການເລືອກຕັ້ງສະພາແຫ່ງຊາດ ຊຶ່ງກໍານົດຈະເລີ້ມ
ຂຶ້ນໃນສັບປະດາໜ້ານີ້.
ຄາດວ່າ ການປະທ້ວງໃນມື້ນີ້ຈະເປັນຄັ້ງໃຫຍ່ທີ່ສຸດ ນັບແຕ່ປະຊາຊົນອີຈິບຫລາຍຮ້ອຍພັນ
ຄົນພາກັນເລີ້ມທໍາການເດີນຂະບວນປະທ້ວງໃນເດືອນກຸມພາເພື່ອບັງຄັບໃຫ້ອະດີດປະທາ
ນາທິບໍດີ Hosni Mubarak ລາອອກຈາກອໍານາດ ໃນການປະຕິວັດທີ່ສັ່ນສະເທືອນໄປທົ່ວ
ໂລກອາຫຣັບນັ້ນ.
ໃນຂ່າວທີ່ອອກທາງໜ້າເຄືອຂ່າຍສັງຄົມ Facebook ທີ່ຄົນນິຍົມກັນຫລາຍນັ້ນ ພວກກຸ່ມ
ປະສົມຂອງຊາວໜຸ່ມປະຕິວັດ ກໍໄດ້ຮຽກຮ້ອງໃຫ້ຄະນະລັດຖະບານພົນລະເຮືອນຂອງນາ
ຍົກລັດຖະມົນຕີ Essam Sharaf ລາອອກຈາກຕໍາແໜ່ງໂດຍທັນທີ ແລະໃຫ້ຈັດຕັ້ງຄະ
ນະລັດຖະບານສາມັກຄີຊາດຂຶ້ນ. ໃນວັນຈັນວານນີ້ ຄະນະລັດຖະບານໄດ້ສະເໜີທີ່ຈະລາ
ອອກ ແຕ່ກໍກ່າວວ່າ ຈະສືບຕໍ່ປະຕິບັດໜ້າທີ່ຂອງຕົນຕໍ່ໄປ ຈົນຮອດເວລາໃດສະພາປົກ
ຄອງທະຫານຕັດສິນໃຈວ່າຈະຮັບເອົາການລາອອກຂອງຄະນະລັດຖະບານຫລືບໍ່.
