ທ່ານ Mohamed Morsi ປະທານາທິບໍດີອີຈິບມີແຜນການທີ່ຈະຖະແຫຼງ ຕໍ່ປະເທດຊາດໃນວັນພະຫັດມື້ນີ້ ໃນຂະນະທີ່ຄະນະກໍາມະການສະພາທີ່ມີ ມີຊາວຄຣີສຕຽນແລະພວກຫົວເສລີນິຍົມພາກັນຕໍ່ຕ້ານນັ້ນ ມີກໍານົດຈະລົງຄະແນນສຽງ ກ່ຽວກັບຮ່າງລັດຖະທໍາມະ ນູນສະບັບໃໝ່.
ທ່ານ Morsi ໄດ້ຕໍ່ອາຍຸເສັ້ນຕາຍອອກໄປອີກ ເພື່ອຮ່າງລັດຖະທໍາມະນູນ ຈາກເດືອນ ທັນວາ ໄປຈົນເຖິງເດືອນກຸມພາປີໜ້ານີ້ ແຕ່ປະທານສະພາ ເວົ້າວ່າ ການຕໍ່ອາຍຸດັ່ງກ່າວນີ້ບໍ່ຈໍາເປັນ. ບັນດານັກວິຈານເວົ້າວ່າ ການເຄຶ່ອນໄຫວດັ່ງກ່າວຂອງຄະນະກໍາມະການທີ່ຄອບງໍາໂດຍພັກສາສະໜາ ອີສລາມ ເພື່ອຮ່າງລັດຖະທໍາມະນູນໃຫ້ສຳເລັດຢ່າງວ່ອງໄວນັ້ນ ອາດເຮັດໃຫ້ຄວາມສັນສົນວຸ້ນວາຍທາງການເມືອງຮ້າຍແຮງລົງໄປອີກໄດ້ ຊຶ່ງ ສະພາບການດັ່ງກ່າວໄດ້ເກີດຂຶ້ນນັບຕັ້ງແຕ່ທ່ານ Morsi ໄດ້ອອກດໍາລັດເມື່ອວັນທີ 22 ພະຈິກນີ້ ທີ່ຫ້າມບໍ່ໃຫ້ຝ່າຍຕຸລາການທ້າທາຍໃນການຕັດ ສິນໃຈໃດໆຂອງທ່ານ.
ຂະນະດຽວກັນຊາວອີຈິບກໍສືບຕໍ່ປະທ້ວງຢູ່ຈະຕຸລັດ Tahrir ຕໍ່ຕ້ານປະທາ ນາທິບໍດີ Morsi ເປັນມື້ທີ່ເຈັດລຽນຕິດ ໂດຍກ່າວຫາທ່ານ Morsi ວ່າ ວາງຕົວເປັນແບບຈອມຜະເດັດການ. ການປະທະກັນຫຼາຍບັ້ນລະຫວ່າງ ພວກປະທ້ວງທີ່ແກວ່ງກ້ອນຫິນ ແລະຕໍາຫຼວດຍິງລະເບີດນໍ້າຕານັ້ນປະກົດວ່າໄດ້ດໍາເນີນໄປຕະຫຼອດຄືນ.
ພວກສະໜັບສະໜຸນປະທານາທິບໍດີ ປະຕິຍານວ່າ ຈະທໍາການເດີນຂະບວນປະທ້ວງໃນວັນເສົາຕໍ່ໜ້ານີ້.
ທາງດ້ານສານສູງສຸດຂອງອີຈີບ ກໍໄດ້ພາກັນນັດຢຸດງານເມື່ອວັນພຸດວານນີ້ ເພື່ອປະທ້ວງດໍາລັດຂອງປະທານາທິບໍດີ Morsi ໂດຍສັນຍາວ່າ ຈະຢຸດ ເຮັດວຽກໄປຈົນກວ່າສານລັດຖະທໍາມະນູນຕັດສິນ ກ່ຽວກັບດຳລັດທີ່ທ່ານ Morsi ທີ່ອະນຸມັດໃຫ້ທ່ານເອງ ມີສິດພິເສດ ຈາກການກວດສອບຂອງຝ່າຍຕຸລາການນັ້ນ.
ທ່ານ Morsi ໄດ້ຕໍ່ອາຍຸເສັ້ນຕາຍອອກໄປອີກ ເພື່ອຮ່າງລັດຖະທໍາມະນູນ ຈາກເດືອນ ທັນວາ ໄປຈົນເຖິງເດືອນກຸມພາປີໜ້ານີ້ ແຕ່ປະທານສະພາ ເວົ້າວ່າ ການຕໍ່ອາຍຸດັ່ງກ່າວນີ້ບໍ່ຈໍາເປັນ. ບັນດານັກວິຈານເວົ້າວ່າ ການເຄຶ່ອນໄຫວດັ່ງກ່າວຂອງຄະນະກໍາມະການທີ່ຄອບງໍາໂດຍພັກສາສະໜາ ອີສລາມ ເພື່ອຮ່າງລັດຖະທໍາມະນູນໃຫ້ສຳເລັດຢ່າງວ່ອງໄວນັ້ນ ອາດເຮັດໃຫ້ຄວາມສັນສົນວຸ້ນວາຍທາງການເມືອງຮ້າຍແຮງລົງໄປອີກໄດ້ ຊຶ່ງ ສະພາບການດັ່ງກ່າວໄດ້ເກີດຂຶ້ນນັບຕັ້ງແຕ່ທ່ານ Morsi ໄດ້ອອກດໍາລັດເມື່ອວັນທີ 22 ພະຈິກນີ້ ທີ່ຫ້າມບໍ່ໃຫ້ຝ່າຍຕຸລາການທ້າທາຍໃນການຕັດ ສິນໃຈໃດໆຂອງທ່ານ.
ຂະນະດຽວກັນຊາວອີຈິບກໍສືບຕໍ່ປະທ້ວງຢູ່ຈະຕຸລັດ Tahrir ຕໍ່ຕ້ານປະທາ ນາທິບໍດີ Morsi ເປັນມື້ທີ່ເຈັດລຽນຕິດ ໂດຍກ່າວຫາທ່ານ Morsi ວ່າ ວາງຕົວເປັນແບບຈອມຜະເດັດການ. ການປະທະກັນຫຼາຍບັ້ນລະຫວ່າງ ພວກປະທ້ວງທີ່ແກວ່ງກ້ອນຫິນ ແລະຕໍາຫຼວດຍິງລະເບີດນໍ້າຕານັ້ນປະກົດວ່າໄດ້ດໍາເນີນໄປຕະຫຼອດຄືນ.
ພວກສະໜັບສະໜຸນປະທານາທິບໍດີ ປະຕິຍານວ່າ ຈະທໍາການເດີນຂະບວນປະທ້ວງໃນວັນເສົາຕໍ່ໜ້ານີ້.
ທາງດ້ານສານສູງສຸດຂອງອີຈີບ ກໍໄດ້ພາກັນນັດຢຸດງານເມື່ອວັນພຸດວານນີ້ ເພື່ອປະທ້ວງດໍາລັດຂອງປະທານາທິບໍດີ Morsi ໂດຍສັນຍາວ່າ ຈະຢຸດ ເຮັດວຽກໄປຈົນກວ່າສານລັດຖະທໍາມະນູນຕັດສິນ ກ່ຽວກັບດຳລັດທີ່ທ່ານ Morsi ທີ່ອະນຸມັດໃຫ້ທ່ານເອງ ມີສິດພິເສດ ຈາກການກວດສອບຂອງຝ່າຍຕຸລາການນັ້ນ.
