ລິ້ງ ສຳຫລັບເຂົ້າຫາ

ປະທານາທິບໍດີ ທີ່ໄດ້ຮັບເລືອກໃໝ່ ຂອງອີຈິບ ກໍາລັງ ປະກອບ ລັດຖະບານ (ວີດີໂອ)


ຮູບພາບທີ່ຖ່າຍຈາກ ໂທລະພາບ ປະທານາທິບໍດີຄົນໃໝ່ຂອງ ອີຈິບ ທ່ານ Mohammed Morsi ກໍາລັງກ່າວຄໍາປາໄສ ຜ່ານທາງໂທລະພາບ ທີ່ກຸງໄຄໂຣ ໃນວັນອາທິດ ທີ 24, 2012. ທ່ານ Morsi ໄດ້ຮຽກຮ້ອງໃຫ້ມີການຮ່ວມມືກັນແລະ ກ່າວວ່າ ທ່ານ "ນໍາສານແຫ່ງຄວາມສະງົບ" ມາສູ່ໂລກ.

ທ່ານ Hohamed Morsi ປະທານາທິບໍດີ ທີ່ໄດ້​ຮັບ​ເລືອກ​ໃໝ່ ສັງກັດພັກ​ສາ ສະໜາ
ອິສລາ​ມຂອງ​ອີ​ຈິບ ໄດ້​ເລີ້ມດຳ​ເນີນ​ງານ​ເພື່ອຈັດຕັ້ງ​ໃນສິ່ງທີ່​ທ່ານໃຫ້​ຄຳໝັ້ນ​ສັນຍາ​ວ່າ
ຈະ​ເປັນລັດຖະບານທີ່​ມີຫຼາຍພັກ​ຝ່າຍ​ເຂົ້າຮ່ວມ ​ນຶ່ງ​ມື້ຫຼັງຈາກ​ໄດ້ ກາຍ​ເປັນ​ປະທານາ
ທິບໍດີ​ພົນລະ​ເຮືອນ​ຄົນ​ທຳ​ອິດ​ ທີ່​ໄດ້​ຮັບ​ເລືອກ​ແບບປະຊາທິ ປະໄຕ ຂອງ​ປະ​ເທດ​ດັ່ງ​ກ່າວ.

ນຶ່ງ​ໃນການ​ເອົາ​ບາດກ້າວຫຼາຍໆ​ຢ່າງນັ້ນ ​ໃນ​ວັນ​ຈັນວານ​ນີ້ ທ່ານ Morsi ​ໄດ້​ຍົກຍ້າຍ
​ເຂົ້າ​ໄປ​ຢູ່ທີ່ທໍານຽບປະທານາທິບໍດີ ຊຶ່ງ​ແຕ່​ກ່ອນແມ່ນ​ປະທານາທິບໍດີ Hosni Mubarak
ທີ່​ໄດ້​ຖືກ​ຂັບ​ໄລ່​ອອກ​ຈາກ​ຕຳ​ແໜ່​ງ​ເປັນ​ຜູ້​ຢູ່​ທີ່​ນັ້ນ ຈົນເທົ່າ​ປະຊາຊົນໄດ້​ພາກັນ​ລຸກ​ຮື​ຂື້ນ
ໂຄ່ນ​ລົ້ມທ່ານ ເມື່ອປີ​ກາຍ​ນີ້.

ນອກ​ນັ້ນ ທ່ານ Morsi ​ຍັງໄດ້​ພົບ​ປະ​ກັບ​ຜູ້​ບັນ​ຊາ​ການ​ທະຫານຂອງ​ອີ​ຈິບ​ຈອມພົນ
Hussein Tantawi ຊຶ່ງໂທລະພາບຂອງລັດຖະບານໄດ້ອ້າງຄໍາ​ເວົ້າຂອງ ທ່ານ​ທີ່ໃຫ້​ຄໍາ​
ໝັ້ນ​ສັນຍາ​ວ່າ ຈະ​ໃຫ້ການ​ສະໜັບສະໜຸນຕໍ່ປະທານາທິບໍດີ​ເລືອກ​ໃໝ່​ທີ່​ຖືກຕ້ອງ​ຕາມ
​ກົດໝາຍ” ຂອງ​ປະ​ເທດນັ້ນ.

ນາຍົກລັດຖະມົນຕີ ທີ່ຈະ​ພົ້ນຈາກ​ຕຳ​ແໜ່​ງ ທ່ານ Kamal al Ganzouri ​ໄດ້​ຍື່ນ​ໃບ​ລາ
ອອກໃນ​ວັນ​ຈັນວານ​ນີ້ ​ແຕ່​ຍັງ​ຈະເປັນ​ຜູ້ຮັກສາການ​ຕໍ່​ໄປ ​ຈົນ​ກວ່າ​ລັດ ຖະບາ​ນຈະ​ເຂົ້າ
​ຮັບໜ້າ​ທີ່. ສະພາ​ປົກ​ຄອງ​ທະຫານທີ່​ໄດ້ເປັນ​ຜູ້ບໍລິຫານ​ປະ​ເທດ ມານັບ​ຕັ້ງ​ແຕ່ທ່ານ
Mubarak ​ໄດ້​ຖືກ​ຂັບ​ໄລ່ອອກ​ຈາກ​ໜ້າ​ທີ່​ນັ້ນໄດ້​ໃຫ້​ຄໍາ​ໝັ້ນ​ສັນຍາ​ວ່າ ຈະ​ໂອນ​ອໍານາດ​
ໃຫ້​ແກ່​ປະທານາທິບໍດີ​ພົນລະ​ເຮືອນ​ຄົນ​ໃໝ່ ​ພາຍໃນ​ທ້້າ​ຍ​ເດືອນ​ນີ້.

XS
SM
MD
LG