ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອີຈິບ ຕຽມຮັບມື ກັບການປະທ້ວງ ຄັ້ງໃຫຍ່ ໂດຍພວກ ອິສລາມ ຫົວຮຸນແຮງ


ຊາວອີຈິບສອງຄົນ ກຳລັງຢ່າງຜ່ານສິ່ງກີດຂວາງ ຢູ່ອ້ອມ ກະຊວງຕ່າງປະເທດ ທີ່ນະຄອນໄຄໂຣ ປະເທດອີຈິບ.
ຊາວອີຈິບສອງຄົນ ກຳລັງຢ່າງຜ່ານສິ່ງກີດຂວາງ ຢູ່ອ້ອມ ກະຊວງຕ່າງປະເທດ ທີ່ນະຄອນໄຄໂຣ ປະເທດອີຈິບ.

ອີ​ຈິບ ກຳລັງ​ຕຽມ​ການ​ເພື່ອຮັບມືກັບຄ​ວາມ​ຮຸນ​ແຮງທີ່ອາດ
ເກີດຂຶ້ນ ​ໃນ​ລະຫວ່າງ​ທີ່​ມີ​ການ​ປະ​ທ້ວງ ​ໂດຍ​ພວກ​ອິສລາມ
ຫົວຮຸນແຮງ ຊຶ່ງຕ້ອງການ​ຢາກ​ໂຄ່ນ​ລົ້ມ ​ລັດຖະບານ​ທີ່ໄດ້
ຮັບການໜຸນຫລັງຈາກພວກທະຫານນັ້ນ.

ກຸ່ມ​ແນວ​ໂຮມ Salafi ​ທີ່ນິຍົມ​ແນວທາງດັ້ງເດີມຈັດ ​ໄດ້​ຮ້ອງ
ໃຫ້​ມີການ​ເດີນ​ຂະ​ບວນທົ່ວ​ປະ​ເທດ ​ໃນ​ວັນ​ສຸກ​ມື້​ນີ້ ອັນ​ເປັນ​
ພາກສ່ວນນຶ່ງ ​ທີ່ກຸ່ມດັ່ງກ່າວ​ຮ້ອງ​ວ່າ “ການ​ລຸກ​ຮື​ຂື້ນ​ຂອງ
​ຊາວໜຸ່ມອິສລາມ.”

ກຸ່ມ​ດັ່ງກ່າວ ທີ່ກຳລັງ​ຊຸກຍູ້​ໃຫ້ມີການບັງ​ຄັບໃຊ້ກົດໝາຍ​ອິສ
ລາມນັ້ນ ຕ້ອງການ​ຢາກ​ໃຫ້​ບັນດາ​ຜູ້​ສະໜັບສະໜູນ ​ພາກັນຍົກຄຳ​ພີ Qurans ຂຶ້ນ​ໃນ
​ເວລາ​ມີ​ການ​ໂຮມຊຸມນຸມເດີນຂະ​ບວນ.

ບັນດາ​ເຈົ້າ​ໜ້າ​ທີ່ ໄດ້ເພີ້​ມການ​ຮັກສາ​ຄວາມ​ປອດ​ໄພ ຢູ່​ຕາມ​ຈຸດ​ສຳຄັນ​ຕ່າງໆ ​ແລະ​ໄດ້
​ເຕືອນ​ວ່າ ຈະ​ຕອບ​ໂຕ້ຢ່າງແຂງ​ຂັນ ຖ້າ​ຫາກ​ການປະ​ທ້ວງ​ ​ກາຍ​ມາ​ເປັນຄວາມ​ຮຸນ​ແຮງ.

ນີ້​ເປັນ​ຄວາມ​ພ​ະຍາ​ຍາມ​ທີ່ມີການປະສານງານກັນຫລາຍທີ່ສຸດ ໃນຮອບ​ຫລາຍ​ເດືອນ
​ເພື່ອ​ເຕົ້າ​ໂຮມ​ຝ່າຍ​ຄ້ານ ມາປະທ້ວງຕໍ່ຕ້ານລັດຖະບານ ຂອງ​ປະທານາ ທິບໍດີ Abdel
Fattah el-Sisi.

ທ່ານ Sisi ອະດີດ​ຜູ້ບັນຊາການ​ທະຫານ ​ແມ່ນເປັນຜູ້ກຳກັບນຳການ​ໂຄ່ນ​ລົ້ມ ປະທານາ
ທິບໍດີພັກອິສລາມ ທ່ານ Mohamed Morsi ຊຶ່ງເປັນປະທານາທິບໍດີອີ​ຈິບຄົນທຳອິດ ທີ່
ໄດ້ຖືກຮັບເລືອກ. ທ່ານ Morsi ​ໄດ້​ເປັນ​ຊະ​ມາ​ຊິກ ພັກພະ ລາດອນພາບມຸສລິມທີ່ໄດ້
ໃຫ້ການ​ສະໜັບສະໜູນ​ການ​ປະ​ທ້ວງ​ໃນ​ວັນ​ສຸກ​ມື້​ນີ້ ເຊັ່ນດຽວກັນນັ້ນ.

ນັບ​ຕັ້ງ​ແຕ່ທ່ານ Morsi ​ໄດ້​ຖືກ​ໂຄ່ນ​ລົ້ມ ລັດຖະບານໄດ້ຄຸມຂັງສະມາຊິກພັກພະ ລາດອນ
ພາບ ແລະພວກສະໜັບສະໜຸນ​ ຫລາຍ​ສິບ​ພັນ​ຄົນ. ນອກນັ້ນ ຍັງມີອີກ ຫລາຍ​ຮ້ອຍ​ຄົນ​
ໄດ້​ຖືກ​ຂ້າ​ຕາຍ​ ຍ້ອນຄວາມ​ຮຸນ​ແຮງ ທີ່ມັກເກີດຂຶ້ນໃນ​ລະຫວ່າງ​ ​ປະ​ທ້ວງ ​ເຖິງ​ແມ່ນ​ວ່າ
ຈຳນວນຂອງ​ພວກ​ປະ​ທ້ວງໄດ້​ຫລຸດນ້ອຍຖອຍ​ລົງກໍຕາມ.

XS
SM
MD
LG