ລິ້ງ ສຳຫລັບເຂົ້າຫາ

ວັນອາທິດ, ໑໔ ເມສາ ໒໐໒໔

ສານອີຈິບ ສັ່ງໃຫ້ຍຸບ ສະພາແຫ່ງຊາດ (ສະໄລດ໌ກັບວີດີໂອ)


ພວກປະທ້ວງຊາວອີຈິບທີ່ຈະຕຸລັດ Tahrirຮ້ອງຄຳຂວັນຕໍ່ຕ້ານ ສະພາປົກຄອງທະຫານ ແລະທ່ານ Ahmed Shafiq ທີ່ເຂົ້າແຂ່ງຂັນໃນການເລືອກຕັ້ງປະທານາທິບໍດີຮອບສອງ ຂອງອີຈິບ (14 ມິຖຸນາ 2012)
ພວກປະທ້ວງຊາວອີຈິບທີ່ຈະຕຸລັດ Tahrirຮ້ອງຄຳຂວັນຕໍ່ຕ້ານ ສະພາປົກຄອງທະຫານ ແລະທ່ານ Ahmed Shafiq ທີ່ເຂົ້າແຂ່ງຂັນໃນການເລືອກຕັ້ງປະທານາທິບໍດີຮອບສອງ ຂອງອີຈິບ (14 ມິຖຸນາ 2012)

ອີ​ຈິບ ​ພວມ​ກຽມ​ຮັບ​ມື​ກັບ​ການ​ປະ​ທ້ວງໃນ​ວັນ​ສຸກ​ມື້ນີ້ ຫຼັງຈາກບັນດາ​ຜູ້​ພິພາກສາທີ່​ຖືກ
​ແຕ່ງຕັ້ງ​ ໂດຍ​ອະດີດ​ປະທານາທິບໍດີ Hosni Mubarak ​ໄດ້​ຍຸບ​ສະພາ​ ທີ່ພັກສາ​ສະໜາ​
ອິສລາມ​ກຳ​ສຽງ​ສ່ວນ​ຫຼາຍແລະ​ອະນຸຍາດ​ໃຫ້​ອະດີດ​ນາຍົກລັດຖະມົນຕີຂອງ​ລັດຖະບານ
​ທ່ານ Mubarak ເຂົ້າ​ແຂ່ງຂັນໃນ​ການ​ເລືອກ​ຕັ້ງປະທານາທິບໍດີ​ຮອບ​ຕັດສິນ​ຊີ້ຂາດ​ຂອງ​
ອີຈິບ​ໄດ້.

ພວກ​ເຈົ້າໜ້າ​ທີ່​ ຂອງ​ພັກ​ພະລາດອນພາບ​ມຸສລິ​ມ ໄດ້​ປະນາມການ​ຕັດສິນດັ່ງກ່າວ ໂດຍ
ສານ​ລັດຖະທຳ​ມະນູນ​ສູງ​ສຸດ​ຂອງ​ອີ​ຈິບໃນ​ທັນທີ ​ໃນ​ວັນ​ພະຫັດ​ວານ​ນີ້ທີ່​ເວົ້າວ່າ ມັນ​ເທົ່າ​
ກັບ​ເປັນ​ການ​ຍາດ​ຊິງເອົາ​ອຳນາດ​ໂດຍ​ພວກ​ທີ່​ຈົງ​ຮັກ​ພັກດີ​ຕໍ່​ລັດຖະບານ​ທ່ານ Mubarak
ທີ່​ໄດ້​ຖືກ​ໂຄ່ນ​ລົ້ມ​ດ້ວຍ​ການ​ລຸກ​ຮື​ຂຶ້ນຕໍ່ຕ້ານ​ຂອງ​ປະຊາຊົນໃນ​ປີ​ກາຍນີ້.

ສື່​ມວນ​ຊົນ​ຂອງ​ທາງ​ການ​ອີ​ຈິບ ​ໄດ້​ອ້າງ​ຄຳ​ເວົ້າຂອງພວກ​ທະຫານ​ທີ່​ປົກຄອງ​ປະ​ເທດ​ຊົ່ວ
ຄາວຊຶ່ງ​ໃນ​ເວລາ​ນີ້​ໄດ້​ເຂົ້າກຳ​ອຳນາດ​ດ້ານ​ນິຕິ​ບັນ​ຢັດ​ທີ່ກ່າວ​ວ່າ ການປ່ອນ​ບັດເລືອກ​ຕັ້ງ
ປະທານາທິບໍດີຮອບ​ສອງລະຫວ່າງ​ທ່ານ Mohamed Morsi ຈາກ​ພັກ​ພະລາດອນພາບ
​ມຸສລິ​ມ​ແລະ​ອະດີດ​ນາຍົກລັດຖະມົນຕີ Ahmed Shafiq ຈະ​ມີ​ຂຶ້ືນຕາມ​ໝາ​ຍກຳນົດ​ການ
ໃນ​ວັນ​ເສົາ​ນີ້.

ທ່ານ Morsi ກ່າວ​ໃນ​ວັນ​ພະຫັດ​ວານ​ນີ້ວ່າ ທ່ານ​ເຄົາລົບ​ການ​ຕັດສິນ​ຂອງ​ສານລັດຖະ
ທຳ​ມະນູ​ນ ​ແຕ່​ທ່ານ​ກ່າວ​ຕໍ່​ໂທລະພາບ​ຂອງ​ອີ​ຈິບ​ວ່າ ທ່ານ​ບໍ່ພໍ​ໃຈ ​ກ່ຽວ​ກັບການ​ຕັດສິນ
​ຂອງ​ສານ​ດັ່ງກ່າວ​ທີ່​ໄດ້​ຍົກ​ເລີກ​ກົດໝາຍ​ສະບັບ​ນຶ່ງ ​ທີ່​ທາງ​ສະພາ​ໄດ້ຮັບຮອງ​ເອົາ​ໃນ
​ເດືອນ​ແລ້ວ ທີ່​ຫ້າມ​ບໍ່​ໃຫ້​ອ​ະດີດພວກ​ເຈົ້າໜ້າ​ທີ່​ຂອງ​ລັດຖະບານ ທ່ານ Mubarak ​ເຂົ້າ
​ແຂ່ງຂັນ​ເອົາ​ຕຳ​ແໜ່​ງຕ່າງໆ.

ກ່ຽວ​ກັບເລື່ອງ​ສະພານັ້ນ ສານ​ລັດຖະທຳ​ມະນູນ​ສູງ​ສຸດພົບ​ວ່າ ນຶ່ງ​ສ່ວນ​ສາມ​ຂອງສະມາ
ຊິກ​ສະພາ ​ໄດ້​ຖືກ​ເລືອກ​ແບບ​ຜິດ​ກົ​ດໝາຍ ຊຶ່ງ​ເຮັດ​ໃຫ້​ສະພາ​ທັງ​ໝົດຂັດ​ຕໍ່​ລັດຖະທຳ​ມະ
ນູນ ​ແລະ​ຈຳ​ເປັນ​ຕ້ອງ​ໄດ້​ມີ​ການ​ເລືອກ​ຕັ້ງສະພາ​ໃໝ່.

ລັດຖະມົນຕີການ​ຕ່າງປະ​ເທດ​ສະຫະລັດ ທ່ານ​ນາງ Hillary Clinton ກ່າວວ່າ ວໍ​ຊິງ​
ຕັນ​ພວມ​ຕິດຕາມ​ເບິ່ງ​ສະຖານະ​ການ​ໃນ​ອີ​ຈິບ​ ແລະ​ຄາດ​ວ່າຈະ​ໄດ້​ເຫັນ ການ​ໂອນ​ອຳ
ນາດ​ໂດຍ​ເຕັມ​ໄປ​ໃຫ້​ລັດຖະບານ​ພົນລະ​ເຮືອນ​ ທີ່​ຖືກ​ເລືອກ​ຂຶ້ນມາ ຢ່າງ​ເປັນ​ປະຊາທິ
ປະ​ໄຕ.

ທ່ານ​ນາງ Clinton ​ເວົ້າວ່າ “ຈະ​ບໍ່ສາມາດ​ມີ​ການຕ່າວ​ຄືນກ່ຽວ​ກັບ​ການ​ຫັນປ່ຽນ
ໄປ​ສູ່​ປະຊາທິປະ​ໄຕ ທີ່​ຮຽກຮ້ອງ​ໃຫ້​ມີ​ຂຶ້ນ ​ໂດຍ​ປະຊາ​ຊົນ​ຊາວ​ອີຈິບ.”

ຂ່າວ​ກ່ຽວ​ກັບ​ການ​ຕັດສິນ​ຂອງ​ສານ​ໄດ້​ຖືກ​ຕອບ​ຮັບ​ດ້ວຍ​ຄວາມ​ໂກດ​ແຄ້ນ​ແລະຄວາມ
​ບໍ່​ໄວ້​ວາງ​ໃຈ​ຂອງ​ປະຊາຊົນ​ທີ່ຢູ່​ນອກ​ສານ​ໃນ​ນະຄອນ​ຫຼວງ​ໄຄ​ໂຣທີ່ພາ​ໃຫ້​ມີ​ການ​ຮ້ອງ
​ຄຳ​ຂວັນ ທວງ​ໃຫ້​ອັນ​ທີ່​ເອີ້ນວ່າ ອຳນາດ​ການ​ປົກຄອງ​ທະຫານຫຼົ້ມສະຫຼາຍ.

XS
SM
MD
LG