ພວກສະໜັບສະໜຸນຂະບວນການປະຊາທິປະໄຕໃນອີຈິບ
ຈຳນວນຫລາຍພັນຄົນ ໄດ້ໄປໂຮມຊຸມນຸມກັນ ທີ່ຈະຕຸລັດ
Tahrir ໃນວັນສຸກມື້ນີ້ ເພື່ອກະກຽມການສະເຫຼີມສະຫຼອງ
ຄົບຮອບນຶ່ງສັບປະດານັບແຕ່ປະທານາທິບໍດີ Hosni Mu-
barak ໄດ້ລົງຈາກອຳນາດ.
ເຖິງແມ່ນໄດ້ມີການຮັກສາຄວາມປອດໄພ ອ້ອມຮອບບໍລິ
ເວນຈະຕຸລັດ ຊຶ່ງເປັນຈຸດໃຈກາງໃນການໂຮມຊຸມນຸມປະ
ທ້ວງຕໍ່ຕ້ານລັດຖະບານເປັນເວລາ 18 ມື້ທີ່ ນຳພາໄປສູ່
ການລາອອກຈາກຕຳແໜ່ງ ຂອງທ່ານ Mubarak ນັ້ນກໍ
ຕາມແຕ່ມີລາຍງານວ່າຜູ້ຄົນຢູ່ໃນບໍລິເວນຈະຕຸລັດມີຄວາມ
ຮູ້ສຶກຕື່ນເຕັ້ນດີໃຈ. ເປັນທີ່ຄາດກັນວ່າການໂຮມຊຸມນຸມທີ່ວ່ານີ້ຈະມີຜູ້ຄົນເຂົ້າຮ່ວມເພີ່ມຂຶ້ນ
ລຸນຫຼັງການສວດມົນພາວະນາໃນຕອນທ່ຽງ.
ອົງການຂ່າວຣອຍເຕີ້ລາຍງານວ່າພວກສະໜັບສະໜຸນທ່ານ Mubarak ກໍຈະຈັດການໂຮມ
ຊຸມນຸມຕໍ່ຕ້ານຂຶ້ນ ເພື່ອຮັບຮູ້ເຖິງຜົນງານຂອງທ່ານ ທີ່ໄດ້ບັນລຸໃນລະຫວ່າງທີ່ທ່ານຄອງອຳ
ນາດ ເປັນເວລາ 3 ທົດສະວັດ. ພວກຈັດການໂຮມຊຸມນຸມ ກ່າວຕໍ່ອົງການຂ່າວຣອຍເຕີ້ວ່າ
ພວກສະໜັບສະໜຸນທ່ານ Mubarak ຈະໃສ່ຊຸດສີດຳຂະນະທີ່ພວກໂຮມຊຸມນຸມສະເຫຼີມສະ
ຫຼອງໄຊຊະນະຈະພາກັນໃສ່ຊຸດສີຂາວ.
ໃນວັນພະຫັດວານນີ້ເຈົ້າໜ້າທີ່ອີຈິບໄດ້ຈັບອະດີດລັດຖະມົນຕີກະຊວງພາຍໃນທ່ານ Habib
el-adly ຊຶ່ງມີໜ້າທີ່ເປັນຜູ້ຄວບຄຸມກຳລັງຮັກສາຄວາມສະຫງົບຂອງອີຈິບຈຳນວນ 5 ແສນ
ຄົນນັ້ນ. ມີການຖິ້ມໂທດ ຢ່າງກວ້າງຂວາງໃສ່ທ່ານວ່າ ເປັນຜູ້ຮັບຜິດຊອບໃນການໃຊ້ກຳລັງ ຕຳຫຼວດປາບຈະຈົນຢ່າງໂຫດຫ້ຽມ ຕໍ່ການເດີນຂະບວນໂຮມຊຸມນຸມປະທ້ວງຂະໜາດໃຫຍ່ທີ່
ໄດ້ເລີ້ມຂຶ້ນໃນວັນທີ 25 ມັງກອນນັ້ນ.
