ທ່ານ Mohamed Morsi ປະທານາທິບໍດີຂອງອີຈິບ ກໍາລັງກຽມ ທໍາພິທີສາບານໂຕ
ຄະນະລັດຖະມົນຕີຊຸດໃໝ່ຂອງປະເທດ ເຂົ້າຮັບຕໍາແໜ່ງ ໃນວັນພະຫັດມື້ນີ້ ເພື່ອປະ ກອບລັດຖະບານອີຈິບຊຸດທໍາອິດ ນັບຕັ້ງແຕ່ທ່ານໄດ້ເຂົ້າຮັບອໍານາດແທນທ່ານ Hosni Mubarak ທີ່ຖືກປົດຕໍາແໜ່ງນັ້ນ ເປັນຕົ້ນມາ.
ຄະນະລັດຖະບານໃໝ່ທີ່ເລືອກເອົາໂດຍນາຍົກລັດຖະມົນຕີ Hisham Qandil ລວມມີ ລັດຖະມົນຕີກະຊວງການເງິນ ແລະລັດຖະມົນຕີກະຊວງການຕ່າງປະເທດ ຂອງລັດຖະ
ບານທະຫານ ທີ່ກໍາລັງຈະພົ້ນຈາກຕໍາແໜ່ງໄປ.
ທ່ານ Qandil ເອງ ກໍເຄີຍເປັນລັດຖະມົນຕີກະຊວງຊົນລະປະທານ ໃນຄະນະລັດຖະບານ ທີ່ໜູນຫລັງໂດຍທະຫານ ທີ່ກໍາລັງຈະພົ້ນຈາກຕໍາແໜ່ງນັ້ນ.
ການໂອນອໍານາດ ໄດ້ມີຂຶ້ນພາຍຫລັງທີ່ມີຄວາມວຸ້ນວາຍທາງການເມືອງເປັນເວລາ 18 ເດືອນ ແລະມີການສູ້ຢັນອໍານາດກັນລະຫວ່າງທ່ານ Morsi ແລະຝ່າຍທະຫານທີ່ກໍາລັງປົກຄອງປະ
ເທດຢູ່ໃນປັດຈຸບັນນີ້ ທີ່ໄດ້ຂຶ້ນກໍາອໍານາດ ຫລັງຈາກທີ່ການລຸກຮືຂຶ້ນຂອງປະຊາຊົນໄດ້ຂັບໄລ່
ທ່ານ Mubarak ອອກຈາກຕໍາແໜ່ງໄປ.
