ລິ້ງ ສຳຫລັບເຂົ້າຫາ

ສະພາອີຈິບຮຽກປະຊຸມ ເພາະປະທານາທິບໍດີ ຄົນໃໝ່ຕ່າວ​ປີ້ນຄໍາສັ່ງ ຍຸບສະພາຂອງ

  • ດຣ. ສິມມາລາ

ພາບລວມຂອງກອງປະຊຸມສະສະພາອີຈິບຮອບທໍາອິດ ທີ່ເປີດຂຶ້ນ ລຸນຫລັງການປະຕິວັດເພື່ອປົດອໍານາດອະດີດປະທານາທິບໍດີ Hosni Mubarak, ໃນກຸງໄຄໂຣ ໃນວັນທີ 23 ມັງກອນ, 2012

ປະທານສະພາ​ຕໍ່າ​ອີ​ຈິບ ໄດ້ເຊີນ
ພວກຜູ້ແທນສະພາຕໍ່າ​ໃຫ້ມາ
ປະຊຸມກັນໃນອາທິດນີ້ ລຸນຫລັງ
ທີ່ປະທານາທິບໍດີ Mohamed
Morsi ໄດ້ຕ່າວ​ປີ້ນຄໍາສັ່ງຍຸບສະ
ພາໃນວັນອາທິດວານນີ້.

ອົງການຂ່າວ Middle East
News Agency
ຂອງທາງ
ການອີຈິບ ລາຍ​ງານໃນວັນຈັນ
ມື້ນີ້ວ່າ ປະທານ​ສະພາ​ຕໍ່າທ່ານ
Saad el-Katatni ໄດ້ຮຽກຮ້ອງໃຫ້​ໄຂ​ກອງປະຊຸມສະພາ ໃນວັນອັງຄານມື້ອື່ນ ຊຶ່ງເປັນເວລາ
2 ມື້ ຫລັງຈາກທີ່ປະທານາທິບໍດີ Mohamed Morsi ອອກຄໍາສັ່ງໃຫ້ ພວກຜູ້ແທນເລີ້ມມາ
ປະຊຸມກັນອີກ.

ໃນຕອນເຊົ້າຂອງວັນຈັນມື້ນີ້ ສານລັດຖະທໍາມະນູນສູງສຸດຂອງອີຈິບ ຊຶ່ງເປັນສານທີ່ສັ່ງ
ໃຫ້ຍຸບສະພາໃນເດືອນແລ້ວນີ້ ລຸນຫລັງທີ່ໄດ້ພົບການກະທໍາຜິດໃນຂັ້ນຕອນການເລືອກ
ຕັ້ງນັ້ນເວົ້າວ່າ ຕົນຈະປະຊຸມກັນ ເພື່ອສົນທະນາຫາລືກ່ຽວກັບຄໍາສັ່ງ ດັ່ງກ່າວຂອງປະທາ
ນາທິບໍດີ Mohamed Morsi ນັ້ນ.

ນອກນັ້ນ ໃນວັນອາທິດວານນີ້ ປະທານາທິບໍດີຄົນໃໝ່ຂອງອີຈິບ ຍັງໄດ້ອອກຄໍາສັ່ງໃຫ້ ຈັດການເລືອກຕັ້ງສະພາຂຶ້ນພາຍໃນ 60 ມື້ ຫລັງການຮັບຮອງເອົາລັດຖະທໍາມະນູນໃໝ່
ຂອງອີຈິບ ຊຶ່ງຄາດກັນວ່າຈະມີຂຶ້ນໃນທ້າຍປີນີ້.

XS
SM
MD
LG