ອິສຣາແອລ ໄດ້ໃຫ້ການອະນຸມັດຕໍ່ຂໍ້ສະເໜີຢຸດຍິງຂອງອີຈິບກັບ
ກຸ່ມຫົວຮຸນ ແຮງ Hamas ໃນແຫລມ Gaza ແຕ່ການຍິງລູກຈະ
ຫຼວດໂຈມຕີ ຈາກດິນແດນທີ່ກຸ່ມ Hamas ຄວບຄຸມຢູ່ນັ້ນ ຍັງດຳ
ເນີນຢູ່ຕໍ່ມາ.
ກອງທັບອິສຣາແອລກ່າວວ່າ ລະບົບປ້ອງກັນລູກສອນໄຟ Iron
Dome ຂອງ ຕົນ ໄດ້ຍິງສະກັດກັ້ນຈະຫຼວດຢູ່ເທິງສາມເມືອງ
ໃນວັນອັງຄານມື້ນີ້ ຫລັງຈາກ ຄະນະລັດຖະບານຮັກສາຄວາມ
ປອດໄພຂອງ ນາຍົກລັດຖະມົນຕີ Benjamin Netanyahu ໄດ້
ລົງມະຕິ ໃຫ້ການອະນຸມັດ ຕໍ່ການຢຸດຍິງ.
ທ່ານ Netanyahu ໄດ້ໃຫ້ສັນຍານວ່າ ອິສຣາແອລ ພ້ອມແລ້ວທີ່ຈະຂະຫຍາຍການປະຕິ
ບັດງານເປັນເວລານຶ່ງອາທິດຂອງຕົນ ຕໍ່ກຸ່ມ Hamas ຖ້າຫາກພວກຫົວຮຸນແຮງ ປະຕິເສດ
ບໍ່ຮັບເອົາຂໍ້ສະເໜີ ແລະທ່ານຫວັງວ່າຈະໄດ້ຮັບການສະ ໜັບສະໜູນຈາກປະຊາຄົມນາໆ
ຊາດ.
ອິສຣາແອລ ເລີ້ມໂຈມຕີ ເຂດກາຊາອີກ
ທ່ານ Natanyahu ກ່າວວ່າ “ຖ້າກຸ່ມ Hamas ປະຕິເສດຕໍ່ຂໍ້ສະເໜີຂອງອີຈິບ ແລະການ
ຍິງຈະຫຼວດຈາກເຂດ Gaza ຍັງບໍ່ຢຸດເຊົາ ແລະນັ້ນປະກົດວ່າແມ່ນ ເປັນກໍລະນີໃນຂະນະ
ນີ້ ພວກເຮົາຕຽມພ້ອມແລ້ວທີ່ຈະສືບຕໍ່ ແລະເພີ້ມການປະ ຕິບັດງານ ເພື່ອປົກປ້ອງປະຊາ
ຊົນຂອງພວກເຮົາ.”
ບັນດາເຈົ້າໜ້າທີ່ກຸ່ມ Hamas ຈໍານວນນຶ່ງ ໄດ້ໃຫ້ສັນຍານ ໃນວັນອັງຄານມື້ນີ້ ວ່າ ກຸ່ມຂອງ
ຕົນຍັງບໍ່ທັນໄດ້ຕັດສິນໃຈ ແຕ່ກຳລັງປະກອບອາວຸດ ໄດ້ປະຕິເສດຕໍ່ແຜນການຂອງ ອີຈິບ ໂດຍກ່າວວ່າ ມັນຈະເທົ່າກັບເປັນການ “ຍອມແພ້.”
ລັດຖະມົນຕີຕ່າງປະເທດສະຫະລັດ ທ່ານ John Kerry ຍິນດີກັບການຕັດສິນໃຈຂອງ
ອິສຣາແອລ ທີ່ຮັບເອົາການຢຸດຍິງ ແລະຮຽກຮ້ອງໃຫ້ທຸກຝ່າຍປະຕິບັດ ເຊັ່ນດຽວກັນ.
ຂໍ້ສະເໜີດັ່ງກ່າວ ໄດ້ຮຽກຮ້ອງໃຫ້ມີການຢຸດຍິງຊົ່ວຄາວ ທີ່ຈະເລີ້ມມີຜົນໃນວັນອັງຄານມື້ນີ້
ຕິດຕາມມາດ້ວຍການເປີດຊາຍແດນຕໍ່ເຂດ Gaza ແລະການເຈ ລະຈາລະຫວ່າງສອງ
ຝ່າຍ ຢູ່ນະຄອນໄຄໂຣ ພາຍໃນເວລາສອງວັນ.
