ລິ້ງ ສຳຫລັບເຂົ້າຫາ

ອີຈິບຈະດໍາເນີນຄະດີ ພວກຜູ້ຕ້ອງສົງໄສ ໃຫ້ເງິນຊ່ວຍເຫລືອ ແກ່ພວກນິຍົມ ປະຊາທິປະໄຕ

  • ສິງ ບູຣົມມະວົງ

ຮູບພາບຂອງພວກພະນັກງານທີ່ເຮັດວຽກໃຫ້ອົງການນຶ່ງຂອງສະ ຫະລັດທີ່ບໍ່ມີສ່ວນພົວພັນກັບລັດຖະບານ ພວມລໍຖ້າຢູ່ຂ້າງນອກ ຫ້ອງການຂອງເຂົາເຈົ້າ ຂະນະທີ່ເຈົ້າໜ້າທີ່ອີຈິບ ເຂົ້າຊອກຄົ້ນໃນ ຫ້ອງການ ເຂົາເຈົ້າໃນກຸງໄຄໂຣ. ວັນທີ 6 ກຸມພາ 2012.

ສະຫະລັດ​ໄດ້​ສະ​ແດງ​ຄວາມ​ເປັນ​ຫ່ວງ​ຢ່າງ​ເລິກ​ເຊິ່ງອອກ​ມາກ່ຽວ​ກັບການ​ຕັດສິນ​ໃຈ​ຂອງ​ອີ​
ຈິບ​ ທີ່​ຈະ​ດໍາ​ເນີນ​ຄະດີ​ 43 ຄົນ​ ​ໃນຂໍ້ຫາ​ຖານ​ໃຫ້​ເງິນ​ຊ່ອຍ​ເຫລືອ​ທີ່​ຜິດ​ກົດໝາຍ​ ແກ່​ບັນ
ດາ​ກຸ່ມນິຍົມປະຊາທິປະ​ໄຕ​ນັ້ນ.

ແຫ​ລ່ງຂ່າວ​ທາງ​ຕຸລາການ​ໃນ​ກຸງ​ໄຄ​ໂຣ ກ່າວ​ໃນ​ວັນ​ອາທິດ​ວານ​ນີ້​ວ່າ ຄະດີ​ຂອງ​ພວກຕ້ອງ
ສົງ​ໄສ 43 ຄົນ​ນີ້ ຊຶ່ງຮວມທັງ​ຄົນ​ອາ​ເມຣິກັນ 19 ຄົນ ຊາວ​ເຊີ​ເບຍ 5 ຄົນ ຊາວ​ເຢຍຣະ
ມັນ2 ຄົນຊາວ​ອາຫຣັບ 3 ຄົນ ແລະຊາວ​ອີ​ຈິບ​ອີກ​ຈໍານວນ​ນຶ່ງ ​ໄດ້​ຖືກ​ຍົກຍ້າຍ​ໄປ​ຍັງ​ສານ
ອາຍາ​ໃນ​ກຸງ​ໄຄ​ໂຣ​ແລ້ວ. ​ໃນ​ບັນດາ​ຄົນ​ອາ​ເມຣິກັນ 19 ຄົນ​ນັ້ນ ມີ​ທ່ານ Sam LaHood
ຫົວໜ້າ​ຫ້ອງການປະ​ຈໍາ​ອີ​ຈິບ ຂອງ​ສະ​ຖາ​ບັນ Republican ລະຫວ່າງ​ຊາດ​ ​ແລະ​ເປັນ​
ລູກ​ຊາຍ​ຂອງ​ທ່ານ Ray LaHood ລັດຖະມົນຕີ​ກະຊວງ​ຂົນ​ສົ່ງ​ສະຫະລັດ.

ພວກ​ພິພາກ​ສາ​ທີ່​ກໍາກັບ​ໃນ​ການ​ສືບສວນ​ ຍັງ​ໄດ້​ຕັ້ງ​ຂໍ້​ຫາໃສ່ພວກ​ນັກ​ເຄື່ອນ​ໄຫວ​ຕ່າງປະ
ເທດ​ແລະ​ອີ​ຈິບ​ດັ່ງກ່າວ ທີ່ໄດ້​ຖືກ​ຫ້າມ​ບໍ່​ໃຫ້​ເດີນທາງ​ອອກ​ຈາກ​ປະ​ເທດນັ້ນ ​ວ່າ ​ເປີດ​ຫ້ອງ
ການເຫລົ່າ​ນີ້​ໂດຍ​ບໍ່​ມີ​ໃບ​ອະນຸຍາດ​ທີ່​ຈໍາ​ເປັນ.

ເວລາ​ນີ້ ​ຍັງ​ບໍ່​ມີ​ການ​ຕັ້ງ​ກໍານົ​ດ​ເວລາ​ສໍາລັບ​ການ​ເລີ້ມ​ດໍາ​ເນີນ​ຄະດີ​ເທື່ອ.

ທ່ານ​ນາງ Victoria Nuland ​ໂຄສົກ​ປະ​ຈໍາ​ກະຊວງ​ການ​ຕ່າງປະ​ເທດ​ສະຫະລັດ​ກ່າວ​ວ່າ
ທາງ​ກຸງ​ວໍ​ຊິງ​ຕັນ​ມີ​ຄວາມ​ເປັນ​ຫ່ວງ​ຢ່າງ​ເລີກ​ເຊີ່ງ​ນໍາ​ເຫດການ​ທີ່​ຜັນ​ຂະຫຍາ​ຍອອກ​ນີ້ ​ແລະ
ກໍາລັງ​ຊອກ​ຫາ​ຄວາມ​ກະຈ່າງ​ແຈ້ງ​ຈາກ​ລັດຖະບານ​ອີ​ຈິບ​ຢູ່.

ໃນ​ວັ​ນ​ເສົາ​ຜ່ານ​ມາ​ນີ້ ລັດຖະມົນຕີ​ການ​ຕ່າງປະ​ເທດ​ສະຫະລັ​ດ Hillary Clinton ໄດ້
ເຕືອນ​ຄູ່​ຕໍາ​ແໜ່​ງຈາກ​ອີ​ຈິບ​ວ່າ ບັນຫາ​ຂັດ​ແຍ້​ງກັນ​ນີ້ອາດຈະ​ນໍາໄປ​ສູ່​ການ​ສູນ​ເສຍ​ການ​
ຊ່ອຍ​ເຫລືອ​ທາງ​ດ້ານ​ທະຫານ​ເປັນ​ມູນ​ຄ່າ​ຫລາຍ​ກວ່າ 1 ພັນ 300 ລ້ານ​ໂດ​ລາ​ຕໍ່​ປີ ທີ່​ສະ
ຫະລັດ​ມອບໃຫ້ກຸງໄຄ​ໂຣນັ້ນ​. ​ແຕ່​ລັດຖະມົນຕີ​ຕ່າງປະ​ເທດຂອງ​ອີ​ຈິບ ທ່ານ Mohamed
Amr ​ໄດ້​ກ່າວຕອບໃນ​ວັນ​ອາທິດ​ວານ​ນີ້ ​ວ່າລັດຖະບານ​ບໍ່​ສາມາດ​ເຂົ້າ​ແຊກ​ແຊງ​ໃນວຽກ​
ງານ​ຂອງ​ຝ່າຍ​ຕຸລາການ​ນີ້​ໄດ້.

XS
SM
MD
LG