ລິ້ງ ສຳຫລັບເຂົ້າຫາ

ອີຈິບເລີ່ມ ດໍາເນີນຄະດີ ປະທານາທິບໍດີ ມູບາຣັກ ຄືນອີກ ທີ່ກຸງໄຄໂຣ

  • ສິງ ບູຣົມມະວົງ

ຕໍາຫລວດປາບການຈະລາຈົນຢືນຄຽງຂ້າງທຸງຊາດອີຈິບ ຂະນະທີ່ສານເປີດການດໍາເນີນຄະດີອະດີດປະທານາ ທິບໍດີ ມູບາຣັກ ຄືນອີກ ໃນກຸງໄຄໂຣ. ວັນທີ 28 ທັນວາ 2011

ອີ​ຈິບ​ຟື້ນ​ການ​ດໍາ​ເນີນ​ຄະດີອະດີດ​ປະທານາທິບໍດີ ​ໂຮ​ສນີ ມູບາຣັກທີ່ໄດ້​ຖືກ​ໂຄ່ນ​ລົ້ມ​ໄປ ຫລັງ​ຈາກ​ຢຸດ​ພັກ​ມາ​ເປັນ​ເວລາ 3 ​ເດືອນ.

ໂທລະພາບ​ແຫ່ງ​ຊາດ​ສະ​ແດງ​ຮູບ​ພາບ​ທ່ານ​ມູບາຣັກ ​ເວລາໄປ​ຮອດ​ສານ​ໃນ​ກຸງ​ໄຄ​ໂຣ ນໍາ​ລົດ​ໂຮງໝໍ ​ແລະ​ໄດ້​ຂີ່​ລໍ້​ລ່ຽນ​ເຂົ້າ​ໄປ​ໃນ​ສານ​ໄປ​ຫາ​ຕຽງ​ນອນ​ໂຮງໝໍ​ທີ່​ຈັດ​ໄວ້ ​ເຊ່ນ​ດຽວ​ກັນ​ກັບ​ທີ່​ໄດ້​ຈັດ​ໄວ້​ສໍາລັບ​ທ່ານມູບາຣັກ ​ໄວ 83 ປີຄື​ກັນ​ກັບ​ການ​ດໍາ​ເນີນ​ຄະດີ​ມາ​ເທື່ອ​ກ່ອນ​ນັ້ນ.

ການ​ດໍາ​ເນີນ​ຄະດີ​ໄດ້​ຖືກ​ໂຈະ ​ໃນ​ຂະນະ​ທີ່​ສານ​ອີກ​ແຫ່ງ​ນຶ່ງ​ພິຈາລະນາ​ຄໍາ​ຂໍ​ຮ້ອງ​ໃຫ້​ມີ​ພວກ​ພິພາກສາ​ຈຸ​ໃໝ່​ເພື່ອ​ດໍາ​ເນີນ​ຄະດີ​ທ່ານຕໍ່​ໄປ ​ແຕ່​ຄໍາ​ຂໍ​ຮ້ອງ​ດັ່ງກ່າວ​ໄດ້​ຖືກ​ປະຕິ​ເສດ​ໄປ.

ທ່ານ​ມູບາຣັກ ​ໄດ້​ຖືກ​ກ່າວ​ຫາ​ຖານ​ມີ​ສ່ວນ​ພົວພັນ​ໃນ​ການ​ຄາດ​ຕະກໍາ​ພວກປະ​ທ້ວງ​ຈໍານວນ​ຫລາຍ​ກວ່າ 800 ຄົນ​ໃນ​ລະຫວ່າງ​ການ​ລຸກ​ຮື​ຂຶ້ນຕໍ່ຕ້ານ​ລັດຖະບານທີ່​ໄດ້​ບັງຄັບ​ໃຫ້​ທ່ານ​ຕ້ອງ​ລາ​ອອກ​ຈາກ​ຕໍາ​ແໜ່​ງ​ໄປໃນ​ເດືອນ​ກຸມພາ​ຜ່ານ​ມາ.

ຄູ່​ຈໍາ​ເລີຍ​ຂອງ​ທ່ານ​ກໍ​ມີ​ຮວມທັງ​ລູກ​ຊາຍ​ທ່ານ 2 ຄົນ ອະດີດ​ລັດຖະ ມົນຕີ​ກະຊວງ​ພາຍ​ໃນ​ຂອງ​ທ່ານ ​ແລະ​ເຈົ້າ​ໜ້າ​ທີ່​ຮັກສາ​ຄວາມ​ສະຫງົບ​ຂັ້ນ​ສູງ​ຕື່ມ​ອີກ 6 ຄົນ.

XS
SM
MD
LG