ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ທ່ານມູບາຣັກແລະລູກຊາຍ ຖືກສອບປາກຄໍາໃນເອຈິບ


ທ້າວ Gamal ແລະທ້າວ Alaa Mubarak, ລູກຊາຍຂອງອະດີດ
ປະທານາທິບໍດີ Hosni Mubarak, ແຫ່ງເອຈິບ ທີ່ກຸງໄຄໂຣ, ເອຈິບ
ວັນທີ 13 ເມສາ 2011.
ທ້າວ Gamal ແລະທ້າວ Alaa Mubarak, ລູກຊາຍຂອງອະດີດ ປະທານາທິບໍດີ Hosni Mubarak, ແຫ່ງເອຈິບ ທີ່ກຸງໄຄໂຣ, ເອຈິບ ວັນທີ 13 ເມສາ 2011.

ທາງ​ການ​ເອຈິບ​ໄດ້​ຄຸມ​ຂັງ​ອະດີດ​ປະທານາທິບໍດີ ​ໂຮ​ສນີ
ມູບາຣັກ​ເປັນເວລາ15 ມື້​ອັນ​ເປັນ​ພາກສ່ວນ​ນຶ່ງ​ຂອງ​ການ
ສືບສວນ​ສອບ​ສວນ​ໃນ​ຂໍ້​ຫາ​ຖານ​ທໍາ​ການ​ສໍ້​ລາດ​ບັງ​ຫລວງ​ນັ້ນ.

ພວກ​ໄອ​ຍະ​ການ​ປະກາດ​ເລື້ອງ​ນີ້​ໃຫ້​ຮູ້​ໃນ​ວັນ​ພຸດ​ມື້​ນີ້ ​ໃນ
ເວລາ​ບໍ່​ດົນ​ຫລັງຈາກ​ທ່ານ​ມູບາຣັກ​ເຂົ້າ​ໂຮງໝໍ​ຍ້ອນ​ບັນ
ຫາ​ຫົວ​ໃຈ ​ໃນ​ຂະນະ​ທີ່​ທ່ານຖືກ​ສອບ​ປາກ​ຄໍາ​ໂດຍ​ພວກ​
ເຈົ້າ​ໜ້າ​ທີ່ຢູ່​ເມືອງ Sham el-Sheikh ​ສະຖານ​ທີ່​ຕາກ
ອາກາດ​ແຄມ​ທະ​ເລ​ແດງ. ສື່​ມວນ​ຊົນ​ເອຈິບ​ແຈ້ງ​ໃຫ້​ຊາບ
ວ່າ ພວກ​ລູກ​ຊາຍ​ຂອງ​ທ່ານ​ຄື ທ້າ​ວ Alaa ​ແລະ​ທ້າວ
Gamal ກໍ​ກໍາລັງຖືກ​ສອບ​ປາກ​ຄໍາແລະ​ຄຸມ​ຂັງ​ໄວ້ 15 ມື້​
ເຊ່ນ​ກັນ.

ພວກ​ສະມາຊິກ​ຄອບຄົວ​ທ່ານ​ມູບາຣັກ ພ້ອມ​ທັງ​ພວກເຈົ້າ
ໜ້າ​ທີ່​ຂັ້ນ​ສູງຫລາຍ​ທ່ານ​ຖືກ​ກ່າວຫາ​ວ່າ ທໍາ​ການ​ສໍ້​ໂກງ
ເງິນ​ລັດຖະບານ​ແລະ​ໃຊ້​ອໍານາດ​ເກີນ​ຂອບ​ເຂດ​ໃນ​ການ​ໃຊ້
ກໍາລັງ​ທະຫານ​ປາບປາມ​ພວກ​ປະ​ທ້ວງ​ໃນ​ລະຫວ່າງ​ການ​ເດີນ
ຂະ​ບວນຕໍ່ຕ້ານ​ລັດຖະບານ​ໃນ​ຕົ້ນ​ປີ​ນີ້.

ປະທານາທິບໍດີ​ມູບາຣັກທີ່​ຖຶກປົດ​ອອກ​ຈາກ​ຕໍາ​ແໜ່​ງ​ໄດ້​ກ່າວ​ມາ​ວ່າ ຂໍ້ກ່າວ​ຫາ​ຕ່າງໆ​ຕໍ່​ທ່ານ​ນັ້ນ​ແມ່ນ​ບໍ່​ມີ​ມູນ​ຄວາມ​ຈິງ ​ແລະ​ວ່າ ທ່ານ​ມີ​ສິດປ້ອງ​ກັນ​ຊື່​ສຽງ​ ແລະ​ຄອບຄົວ​ຂອງ​ທ່ານ. ຖ້ອຍ​ຖະ​ແຫລງຂອງ​ທ່ານ​ໄດ້​ນໍາ​ມາ​ອອກ​ອາກາດ​ໃນ​ຊ່ອງ​ຂ່າວ Al Arabiya ໃນ​ວັນ​ອາທິດ​ຜ່ານ​ມາ​ນີ້. ຖ້ອຍ​ຖະ​ແຫລ​ງ​ເຫລົ່າ​ນີ້​ນັບ​ວ່າ​ເປັນຄຳເຫັນທີ່​ເປີດເຜີ​ຍ​ຄັ້ງ​ທໍາ​ອິດ​ນັບ​ແຕ່​ໄດ້​ມີ​ການ​ປະ​ທ້ວງ​ຂອງປະຊາຊົນ​ຄັ້ງ​ໃຫຍ່​ທີ່​ໄດ້​ບັງຄັບ​ໃຫ້​ທ່ານ​ລາ​ອອກ​ຈາກ​ຕໍາ​ແໜ່​ງ​ໄປ​ໃນ​ເດືອນ​ກຸມພາ​ຜ່ານ​ມາ.

.

XS
SM
MD
LG