ອີຈິບໄດ້ປະກາດປົດນາຍຕຳຫຼວດອະວຸໂສຫຼາຍກວ່າ 600 ຄົນໃນຄວາມພະຍາຍາມເພື່ອ
ສະໜອງຕອບຕໍ່ຄຳຮຽກຮ້ອງຂອງພວກປະທ້ວງຈຳນວນຫຼາຍພັນຄົນ ທີ່ທວງໃຫ້ດຳເນີນ
ການກັບພວກທີ່ມີສ່ວນພົວພັນ ໃນການກໍ່ອາຊະຍາກຳ ພາຍໃຕ້ລັດຖະບານຂອງອະດີດ
ປະທານາທິບໍດີ Hosni Mubarak.
ເຈົ້າໜ້າທີ່ກະຊວງພາຍໃນກ່າວໃນມື້ວັນພຸດວານນີ້ວ່າ ນາຍພົນຕຳຫຼວດເກືອບ 500 ຄົນ ແລະນາຍຕຳຫຼວດອະວຸໂສອື່ນໆອີກ 150 ຄົນຈະຖືກປົດອອກຈາກຕຳແໜ່ງ.
ເຈົ້າໜ້າທີ່ເວົ້າວ່າໃນຈຳນວນນາຍພົນ 18 ຄົນແລະນາຍຕຳຫຼວດອື່ນໆອີກ 9 ຄົນທີ່ຖືກ
ກ່າວຫາວ່າ ສັງຫານພວກປະທ້ວງໃນລະຫວ່າງການລຸກຮືຂຶ້ນຕໍ່ຕ້ານລັດຖະບານທີ່ພາໃຫ້
ປະທານາທິບໍດີ Mubarak ຕ້ອງລາອອກ ໃນເດືອນກຸມພາຜ່ານມານັ້ນ ບໍ່ມີຜູ້ໃດຍັງກຳ
ໜ້າທີ່ຕໍ່ໄປ.
ການປະກາດທີ່ວ່ານີ້ມີຂຶ້ນ ຫຼັງຈາກພວກນັກເຄື່ອນໄຫວ ເລີ່ມທຳການປະທ້ວງໃນທົ່ວປະ
ເທດໃນມື້ວັນສຸກແລ້ວ ຮວມທັງພວກປະທ້ວງຈຳນວນນຶ່ງທີ່ຍັງພາກັນນັ່ງປະທ້ວງໃນບໍລິ
ເວນຈະຕຸລັດ Tahrir ໃນກຸງໄຄໂຣຢູ່ຕໍ່ມານັ້ນ.
ພວກປະທ້ວງເວົ້າວ່າ ການປົດພວກນາຍຕຳຫຼວດເຫຼົ່ານີ້ ແມ່ນຍັງບໍ່ເປັນການພຽງພໍຍ້ອນ
ວ່າສິ່ງທີ່ພວກເຂົາເຈົ້າຕ້ອງການແມ່ນການຈັດຕັ້ງໂຄງຮ່າງໃໝ່ທັງໝົດຂອງກຳລັງຕຳຫຼວດ
ຊຶ່ງເປັນເຄື່ອງມືທີ່ສຳຄັນ ໃນຄວບຄຸມທາງການເມືອງພາຍໃຕ້ລັດຖະບານຂອງທ່ານ Mu-
barak ນັ້ນ.
