ເຄືອຂ່າຍຂອງກຸຸ່ມຫົວຮຸນແຮງລັດອິສລາມ ໃນອີຈິບ ກ່າວວ່າ
ຕົນເປັນຜູ້ຮັບຜິດຊອບ ໃນການໂຈມຕີຫຼາຍໆບັ້ນ ຕໍ່ເຈົ້າໜ້າທີ່
ຮັກສາຄວາມປອດໄພ ຢູ່ໃນແຫຼມ Sinia ເມື່ອວັນພະຫັດວານນີ້
ທີ່ໄດ້ສັງຫານຢ່າງນ້ອຍ 26 ຄົນ.
ກຸ່ມແຂວງ Sinia ໄດ້ອ້າງເອົາຄວາມຮັບຜິດຊອບ ໃນການບຸກ
ໂຈມຕີຫຼາຍໆບັ້ນ ທີ່ຫ່າງຈາກກັນ ພຽງບໍ່ເທົ່າໃດຊົ່ວໂມງ.
ບັນດາເຈົ້າໜ້າທີ່ກ່າວວ່າ ອາວຸດຂອງພວກກະບົດ ແມ່ນໄດ້ແນ
ໃສ່ຖານທັບແຫ່ງນຶ່ງ ແລະ ໂຮງແຮມ ໃນເມືອງ Al-Arish ຊຶ່ງ
ເປັນບ່ອນທີ່ພັກອາໄສ ຂອງເຈົ້າໜ້າທີ່ຕຳຫລວດ ແລະ ທະຫານ.
ໜັງສືພິມ al-Ahram ທີ່ສຳຄັນຂອງລັດຖະບານອີຈິບ ກ່າວວ່າ ສຳນັກງານຂອງຕົນ ແມ່ນ ຢູ່ກົງກັນຂ້າມກັບຖານທັບດັ່ງກ່າວທີ່ໄດ້ຖືກທຳລາຍນັ້ນ. ໜັງສືພິມສະບັບນີ້ ບໍ່ໄດ້ແຈ້ງໃຫ້ຊາບ ວ່າ ມີຜູ້ເສຍຊີວິດ ຫຼືໄດ້ຮັບ ບາດເຈັບໃດໆ ຢູ່ໃນຕຶກອາຄານຫລືບໍ່.
ອີງຕາມຖະແຫລງການຂອງທຳນຽບປະທານາທິບໍດີໃນວັນສຸກມື້ນີ້ແລ້ວ ປະທານາທິບໍດີ
ອີຈິບ ທ່ານ Abdel-Fattah el-Sissi ໄດ້ຕັດການເດີນທາງໄປຢ້ຽມຢາມ ປະເທດ
Ethiopia ໃຫ້ສັ້ນລົງ ເພື່ອເຂົ້າຮ່ວມກອງປະຊຸມສຸດຍອດສະຫະພາບອາຟຣິກາ ແລະ
ເດີນທາງກັບຄືນສູ່ ນະຄອນຫລວງ Cairo ເພື່ອຮັບມືກັບສະຖານະການ ຫລ້າສຸດ ທີ່ໄດ້
ເກີດຂຶ້ນນັ້ນ.
