ພວກຊາວປາເເລສໄຕນ໌ຈາກເຂດກາຊາ ສາມາດຜ່ານດ່ານເຂົ້າໄປໃນອີຈິບໄດ້ຢ່າງເສລີໃນວັນອາທິດມື້ນີ້ ຫລັງຈາກລັດຖະບານອີຈິບ ໄດ້ຜ່ອນຄາຍການຈໍາກັດຄວບຄຸມຕ່າງໆເລາະຕາມຊາຍແດນຂອງຕົນຕິດກັບເຂດກາຊານັ້ນ.
ພວກຊາວປາເເລສໄຕນ໌ຈໍານວນຫລາຍຮ້ອຍຄົນທີ່ມີເອກະ
ສານຖືກຕ້ອງໄດ້ພາກັນສວາຍໃຊ້ປະໂຫຍດ ຈາກນະໂຍ
ບາຍໃໝ່ດັ່ງກ່າວຂອງລັດຖະບານຊົ່ວຄາວອີຈິບໃນວັນເສົາ
ວານນີ້ ຊຶ່ງເປັນມື້ທໍາອິດຂອງການໄຂດ່ານ Rafah ຄືນສໍາ
ລັບປະຊາຊົນທົ່ວໄປ.
ຜູ້ສື່ຂ່າວວີໂອເອທີ່ເຫັນເຫດການຄັ້ງປະວັດສາດຄັ້ງນີ້ ກ່າວວ່າ ພວກຊາວປາເເລສໄຕນ໌ ຫລາຍສິບຄົນໄດ້ຖືກປະຕິເສດບໍ່ໃຫ້ເຂົ້າໄປໃນອີຈິບ ເພາະວ່າຊື່ຂອງພວກເຂົາເຈົ້າ ມີຢູ່ໃນບັນຊີດໍາດ້ານຄວາມປອດໄພຂອງ ອີຈິບ.
ດ່ານ Rafah ເປັນທາງເຂົ້າປະເທດຢ່າງເປັນທາງການພຽງບ່ອນດຽວເທົ່ານັ້ນຢູ່ນອກອີສຣາແອນເຂົ້າໄປໃນເຂດກາຊານັ້ນ. ບັນດາເຈົ້າໜ້າທີ່ກ່າວວ່າ ເຂົາເຈົ້າບໍລິຫານດ່ານພາຍໃຕ້ກົດລະບຽບທີ່ມີຜົນ ບັງຄັບໃຊ້ ກ່ອນການເລີ້ມຕົ້ນປິດລ້ອມຂອງອີຈິບ ໃນປີ2007.
ຊາວປາເເລສໄຕນ໌ຄົນໃດກໍຕາມທີ່ມີໜັງສືຜ່ານແດນທີ່ຖືກຕ້ອງ ຈະໄດ້ຮັບອະນຸຍາດໃຫ້ຜ່ານ
ແດນໄດ້ທຸກໆມື້ ນອກຈາກວັນສຸກຫລືວັນພັກທາງການເທົ່ານັ້ນ. ສໍາລັບພວກແມ່ຍິງກໍສາ
ມາດເດີນທາງອອກຈາກເຂດກາຊາ ໄດ້ໂດຍບໍ່ມີຂໍ້ຈໍາກັດໃດໆ ແຕ່ສໍາລັບພວກຜູ້ຊາຍທີ່ມີ
ອາຍຸລະຫວ່າງ 18 ຫາ 40 ປີຈະຕ້ອງຂໍວີຊາເຂົ້າອີຈິບ ທີ່ຊາຍແດນນັ້ນ.
ອົງການຂ່າວທາງການ MENA ຂອງອີຈິບກ່າວວ່າ ການໄຂດ່ານຊາຍແດນຄືນນີ້ແມ່ນພາກ
ສ່ວນນຶ່ງຂອງຄວາມພະຍາຍາມຂອງລັດຖະ ບານເພື່ອຍຸດຕິການແບ່ງແຍກກັນພວກຊາວປາ
ເລສໄຕນ໌ແລະເຮັດໃຫ້ຄວາມປອງດອງຊາດຂອງເຂົ້າເຈົ້າມີຄວາມສົມບູນ.ໃນເດືອນເມສາຜ່ານ
ມານີ້ ອີຈິບໄດ້ໄກ່ເກ່ຍຂໍ້ຕົກລົງ ລະຫວ່າງຂະບວນການ Fatah ຂອງປະທານາທິບໍດີ Mah
moud Abbas ແຫ່ງປາເເລສໄຕນ໌ ແລະ ຄູ່ແຂ່ງກຸ່ມຮາມາສ ທີ່ໄດ້ເຮັດໃຫ້ການເປັນປໍລະ
ປັກກັນຢ່າງຂົມຂື່ນມາເປັນເວລາ 4 ປີ ຍຸດຕິລົງ.
ໃນການກ່າວຖ້ອຍຖະແຫລງທີ່ດ່ານຂ້າມຊາຍແດນໃນວັນເສົາວານນີ້ ເຈົ້າໜ້າທີ່ຂັ້ນອາວຸໂສ
ກຸ່ມຮາມາສທ່ານນຶ່ງ ເອີ້ນການໄຂດ່ານຂ້າມຊາຍແດນຄືນນີ້ວ່າ ເປັນການເລີ້ມຕົ້ນຍຸກໃໝ່
ແຫ່ງເສລີພາບສໍາລັບປະຊາຊົນໃນເຂດກາຊາ ແລະການຮ່ວມມືທີ່ໃກ້ຊິດຂຶ້ນກັບເອີຈິບ.
ອີສຣາແອນແລະອີຈິບໄດ້ປິດຊາຍແດນຂອງພວກຕົນກັບເຂດກາຊາໃນປີ 2007 ຫລັງ
ຈາກພວກຫົວຮຸນແຮງກຸ່ມຮາມາສຍຶດເອົາດິນແດນດັ່ງກ່າວ.
