ບັນດາຕ່າງປະເທດ ໄດ້ພາກັນສືບຕໍ່ດໍາເນີນຄວາມພະຍາ
ຍາມເພື່ອຍົກຍ້າຍ ພົນລະເມືອງຂອງຕົນ ອອກໄປຈາກ
ອີຈິບ ໃນວັນຈັນວານນີ້ ຂະນະທີ່ຄວາມວຸ້ນວາຍບໍ່ສະງົບ
ຍັງມີຢູ່ຕໍ່ມາ ໃນປະເທດອາຣັບແຫ່ງນັ້ນ.
ຈີນໄດ້ສົ່ງເຮືອບິນຫລາຍລໍາໄປຕ້ອນເອົາຄົນຂອງຕົນ
ເກືອບຮອດ 500 ຄົນ ອອກຈາກໄຄໂຣ ແລະຍັງມີແຜນ
ຈະສົ່ງອີກຫລາຍຖ້ຽວ ໄປຕ້ອນເອົາພວກ ນັກທ່ອງທ່ຽວ
ຊາວຮົງກົງ ຈາກເມືອງ Luxor ນໍາດ້ວຍ.
ກະຊວງການຕ່າງປະເທດໄຕ້ຫວັນກ່າວໃນວັນອັງຄານນີ້ວ່າ
ຕົນໄດ້ວ່າຈ້າງເຮືອບິນໄປຕ້ອນເອົາປະຊາຊົນຂອງຕົນຈໍານວນຫຼາຍຮ້ອນຄົນອອກຈາກ
ທີ່ນັ້ນເຊັ່ນ ກັນ.
ໃນວັນຈັນວານນີ້ ສະຫະລັດຖະແຫລງວ່າ ຕົນກໍາລັງຈະທໍາການອົບພະຍົບພົນລະເມືອງ
ຂອງຕົນ ຕື່ມອີກ 1400 ຄົນ ໃນວັນສອງວັນນີ້ຫຼັງຈາກທີ່ໄດ້ຍົກຍ້າຍ 1200 ຄົນອອກມາ
ແລ້ວ ໂດຍໄດ້ເໜົາເຮືອບິນໂດຍສານ 9 ຖ້ຽວ ຈາກ ອີຈິບ, ໄປຍັງ ເທີກີ Cyprus
ແລະ Greece.
ພວກເຈົ້າໜ້າທີ່ Turkey ແລະ Cyprus ກ່າວວ່າ ພວກຕົນກໍາລັງວາງແຜນ ການສຸກ
ເສີນສໍາລັບຮັບຮອງພວກນັກທ່ອງທ່ຽວທີ່ອົບພະຍົບມາຈາກ ອີຈິບນັ້ນ ແລະເລ່ງລັດຈັດ
ສົ່ງພວກເຂົາເຈົ້າໃຫ້ເຖິງຈຸດໝາຍປາຍທາງ.
ການາດາ ອິນເດຍ ອິສຣາແອລ ແລະອິນໂດເນເຊຍ ກໍຮວມຢູ່ໃນພວກປະເທດ ທີ່ເໝົາ
ຖ້ຽວບິນໄປອົບພະຍົບພົນລະເມືອງຂອງຕົນອອກຈາກອີຈິບ.
