ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ພວກປະທ້ວງ ຈູດເຜົາ ສໍານັກງານຂອງ ອະດີດນາຍົກລັດຖະມົນຕີ ອີຈິບ (ວີດີໂອ)



ທ່ານ Ahmed Shafiq ຜູ້ສະໝັກແຂ່ງຂັນປະທານາທິບໍດີອີຈິບ
ທີ່ສໍານັກງານໃຫຍ່ຂອງທ່ານຖືກໄຟເຜົາ ທີ່ກຸງໄຄໂຣ, ອີຈິບ
ວັນທີ 29 ພຶດສະພາ 2012
ທ່ານ Ahmed Shafiq ຜູ້ສະໝັກແຂ່ງຂັນປະທານາທິບໍດີອີຈິບ ທີ່ສໍານັກງານໃຫຍ່ຂອງທ່ານຖືກໄຟເຜົາ ທີ່ກຸງໄຄໂຣ, ອີຈິບ ວັນທີ 29 ພຶດສະພາ 2012

ພວກເດີນ​ຂະ​ບວນປະ​ທ້ວງ​ຊາວອີ​ຈິບ​ທີ່​ໂມ​ໂຫ​ໂທ​ໂສ​ກ່ຽວ​ກັບອະດີດ​ນາຍົກລັດຖະມົນຕີ ພາຍ​ໃຕ້​ການ​ນໍາພາ​ຂອງ​ອະດີດ​ປະທານາທິບໍດີ ​ໂຮ​ສນີ ມູບາຣັກ ທີ່​ໄດ້​ຖືກ​ປົດ​ອອກ​ຈາກ​ອໍານາດ​ໄປ​ນັ້ນພວມ​ຈະ​ໄດ້ ເຂົ້າໄປ​ແຂ່ງຂັນໃນ​ການ​ເລືອກ​ຕັ້ງ​ປະທານາທິບໍດີ​ຮອບ​ຊີ້​ຂາດນັ້ນ​ໄດ້​ພາກັນບຸກ​ເຂົ້າ​ໄປ​ທໍາລາຍ​ສຳນັກ​ໃຫຍ່​ໃນ​ການ​ໂຄສະນາ​ຫາ​ສຽງ​ເລືອກຕັ້ງຂອງ​ທ່ານ​ແລະກໍ​ເອົາ​ໄຟ​ຈູດ​ເຜົາ​ ຫຼັງ​ຈາກ​ບັນດາ​ເຈົ້າ​ໜ້າທີ່​ຢືນຢັນ​ຜົນ​ຂອງ​ການ​ປ່ອນ​ບັດ​ເລືອກ​ຕັ້ງຮອບ​ທໍາ​ອິດ​ນັ້ນ.

​ເຈົ້າ​ໜ້າ​ທີ່ຊ່ອຍ​ເຫຼືອ​ສຸກ​ເສີນ ​ແຈ້ງ​ໃຫ້​ຮູ້​ໃນ​ຕອນ​ເດິກ​ຄືນ​ວັນ​ຈັນ​ວານ​ນີ້ ວ່າ​ ໄຟທີ່ໄດ້ໄໝ້ສໍານັກງານ​ຂອງ​ທ່ານ Ahmed Shafiq ທີ່​ກຸງ​ໄຄ​ໂຣນັ້ນ ໄດ້​ມອດ​ແລ້ວ ​ແລະ​ບໍ່​ມີ​ຜູ້​ໃດ​ໄດ້​ຮັບ​ບາດ​ເຈັບ.

ກ່ອນ​ໜ້າ​ນັ້ນພວກ​ປະ​ທ້ວງ​ຫຼາຍ​ພັນ​ຄົນ​ພາກັນ​ໄປ​ເຕົ້າ​ໂຮມ​ກັນ​ຢູ່​ທີ່ຈະຕຸ​ລັດ Tahrir ​ໃນ​ໃຈກາງ​ກຸງ​ໄຄ​ໂຣ​ແລະ​ໃນ​ສະຖານ​ທີ່​ແຫ່ງ​ອື່ນໆໃນ​ທົ່ວ ອີ​ຈິບ ​ພາກັນ​ຮ້ອງ​ຄໍາ​ຂັວນຕ່າງໆ​ຕໍ່ຕ້ານ​ທະຫານພ້ອມທັງ​ຕໍ່ຕ້ານ​ທ່ານ Shafiq ​ແລະ​ທ່ານ Mohammad Morsi ຜູ້ສະ​ໝັກເລືອກ​ຕັ້ງ​ສັງກັດ​ພັກ​ພະລາດອນພາບ​ອິສລາມ​ນັ້ນ.

ການ​ນັບ​ບັດ​ຄະ​ແນນ​ສຽງ​ເລືອກ​ຕັ້ງ​ປະທານາທິບໍດີ​ທີ່​ເສລີ​ຄັ້ງ​ທໍາອິດ​ໃນ​ສັບປະດາ​ຜ່ານ​ມາ ສະ​ແດງ​ໃຫ້​ເຫັນ​ວ່າ ທ່ານ Morsi ສັງກັດ​ພັກ​ພະ ລາດອນພາບ​ອິສລາມ​ມີ​ສຽງ​ນໍາ​ໜ້າ ​ແລະ​ທ່ານ Ahmed Shafiq ທີ່​ບໍ່​ຝັກ​ໄຝ່​ໃນ​ດ້ານ​ສາສະໜາ ມີສຽງນໍາ​ໜ້າ​ອັນ​ດັບ​ສອງ.

ມີ​ການ​ມອງ​ເບິ່ງ​ກັນ​ຢ່າງ​ກວ້າງຂວາງ​ວ່າ ການ​ເລືອກ​ເອົາທ່ານ Shafiq ເທົ່າ​ກັບ​ເປັນ​ການ
​ສືບ​ຕໍ່​ ແລະ​ເປັນ​ສັນຍະລັກ​ ແຫ່ງ​ການ​ປົກຄອງ ​ຂອງ​ທ່ານ​ມູບາຣັກແລະ​ການ​ແຂ່ງຂັນກັນ
ຮອບ​ສຸດ​ທ້າຍຫຼື​ຮອບ​ຊີ້​ຂາດ​ຂອງ​ທ່ານ​ກັບ​ທ່ານ Morsi ນັ້ນ​ເປັນ​ຜົນ​ຂອງການ​ແບ່ງ​ແຍກ
ກັນ​ຫຼາຍ​ທີ່​ສຸດ​ເທົ່າ​ທີ່​ເປັນ​ໄປ​ໄດ້. ຜົນ​ຂອງ​ການ​ປ່ອນ​ບັດ​ເລືອກ​ຕັ້ງ ໄດ້​ແບ່ງ​ແຍ​ກອີ​ຈິບ
ແລະ​ສ້າງ​ຄວາມ​ຜິດ​ຫວັງ​ຢ່າງ​ເລິກ​ເຊິ່ງ​ໃຫ້​ແກ່ຂະ​ບວນການ​ຂອງ​ພວກ​ນັກ​ເຄື່ອນ​ໄຫວທີ່​
ກະຕຸກ​ຊຸກ​ຍູ້​ໃຫ້​ມີການ​ລຸກ​ຮືຂຶ້ນ​ຕໍ່ຕ້ານ​ກຸ່ມ ກຳ​ອຳນາດ​ເກົ່າ ຂອງ​ທ່ານ​ມູບາຣັກ ​ໃນ​ປີ
2011 ນັ້ນ.

XS
SM
MD
LG